請問淘寶的integrated amp 掂唔掂?

NM0101

sam2004 發表於 2022-2-19 13:06
唔好誤會無意踩低馬仔機30系 當姣婆遇着一個紳士那個紳士就冇用武之地，
馬仔係要夾喇叭，呢個就帶出問題 ...

但model 30又真係唔算好好喎, 佢推700系書架我都覺得部機已經頂盡, 當然喇叭就未推盡啦。馬仔其實同好多喇叭都幾夾, B&W/KEF/mission/wharfedale, 呢d我聽過都唔錯, 但問題係要力水上都夾得啱。

sam2004

NM0101 發表於 2022-2-19 16:51
但model 30又真係唔算好好喎, 佢推700系書架我都覺得部機已經頂盡, 當然喇叭就未推盡啦。馬仔其實同好多 ...

其實無論七係或者係八系馬仔30真的唔夠力去推，因為太過紳士了。馬仔30適合推Wharfedale Linton,  在朋友家裏玩了一個星期感覺還不錯...

kl122002

NM0101 發表於 2022-2-19 16:51
但model 30又真係唔算好好喎, 佢推700系書架我都覺得部機已經頂盡, 當然喇叭就未推盡啦。馬仔其實同好多 ...

30果部機係可以應對一些易推的喇叭, 如果難少少的就真係唔太得.

我對馬仔呢個牌子很感慨.
昔日的馬仔機係幾好的, 馬7, 8, 9之類的有個性.之後的PM 系列都唔差.
不過到了近20年真係平平, 好似為佔不同入門至中價市場而出各出一個model, 整個牌子形像好似變成了很消費品的感覺

NM0101

kl122002 發表於 2022-2-19 19:06
30果部機係可以應對一些易推的喇叭, 如果難少少的就真係唔太得.

我對馬仔呢個牌子很感慨.

我最後一次買嘅馬仔AV amp SR4300, 用佢嚟推KEF細座地聽歌, 低音未至於打心口, 但3頻係出得唔差, 依家d新機真係俾唔返你。

2ch都算仲可以, 但如果唔係MIJ的話, 咁嘅規格賣個咁嘅價錢, 真係去玩鬼妹好過。

走親民路線唔係話唔好, 但價錢都睇返個規格去定吖嘛~相返天龍2部A110 Amp我就覺得價錢同規格係成正比。

NM0101

sam2004 發表於 2022-2-19 17:56
其實無論七係或者係八系馬仔30真的唔夠力去推，因為太過紳士了。馬仔30適合推Wharfedale Linton,  在朋友 ...

馬仔30唔上唔落, 推600系d人又覺得cheep, 推700系又推唔出表現。
但㗎仔好鐘意黑膠+馬仔合併+JBL咁玩, 可能d聽夾啦, 不過我唔玩黑膠又放唔落JBL

koalaau

講左去馬仔😅

馬仔古董機係好，但已炒到離地，已唔抵買，我用過isher sa300，同用el34與8b同級，但f價錢平兩三倍。

馬仔轉日本出後出的收擴都好靚仔好聲，二手仍算抵玩，九十年代最巴閉其實已係cd機而非擴音器了。

koalaau

回返主題，淘記合併，平平地幾千蚊膽機係玩得過，幾個較出名的牌子其實都多人玩，始終膽機結構較簡單，如隻牛唔差，用返曙光膽已聽得下。

NM0101

koalaau 發表於 2022-2-19 23:21
講左去馬仔😅

馬仔古董機係好，但已炒到離地，已唔抵買，我用過isher sa300，同用el34與8b同級，但f價錢平 ...

馬仔CD機出到依家都仲係好靚聲, 其實已經算係好成功, 九十年代好多牌子嘅CD機質素都好好, 嗰時玩二手最開心, 夠晒平靚正, 可惜已經死咗九成

NM0101

koalaau 發表於 2022-2-19 23:32
回返主題，淘記合併，平平地幾千蚊膽機係玩得過，幾個較出名的牌子其實都多人玩，始終膽機結構較簡單，如隻 ...

見師兄你講大陸膽機, 成日見美詩呢個名, 但價又唔算真係好平, 其實以用料和品質嚟講值唔值呢？

koalaau

NM0101 發表於 2022-2-19 23:42
見師兄你講大陸膽機, 成日見美詩呢個名, 但價又唔算真係好平, 其實以用料和品質嚟講值唔值呢？ ...

大陸機我聽得唔多，比較有好感係拉菲爾，佢有自己做牛，我聽過佢的300b，亦有朋友用佢845 mono，但要夾易推喇叭。以價論聲ok的，同等製作外國牌子會賣貴一倍起碼，老實講現在新機定價太貴了，賣過萬的都只係普通野，幾千全新膽機其實係抵玩，我之前都有諗過，不過最後揀左古董機，那是另一個話題了。