MCU十三套電影11月12日會新增IMAX ENHANCED至Disney+

HDDVD

billyyau 發表於 2021-11-10 05:09
其實好簡單

單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影 ...

你話："單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影，只有實體碟才是王道，好有優越感的周圍喊口號支持實體碟。更甚者拉埋影音發燒友落水，講到只有實體碟先滿足到發燒友，真正發燒友只求質素而非包裝，大把玩音響的而家係玩File而非實體碟的。"

1. 邊個人話自己"單純鍾意外觀包裝"? 邊個人話"只有實體碟才是王道"?
請清楚指出。

2. 邊個話""只"有實體碟先滿足到發燒友"？
請清楚指出。


你話"真正發燒友只求質素而非包裝，大把玩音響的而家係玩File而非實體碟的。"
你係咪向一定數量嘅"發燒友"做過調查，支持你所講嘅論述？講電影就講電影，突然拖音響，所謂何事？
請清楚回應。


你話"如果單純求技術質素的話，我又想反問一句，當串流優於實體碟的時候，例如好似今次IMAX技術只支援串流咁，大家是否會即時放棄實體碟？"
我又直接問你，現時串流影音水平仍未優於實體碟，係咪就要即時放棄實體碟？
請清楚回應。


仲有，
1. "收藏"同"珍藏"有乜分別？
2. 影碟嘅"本質"係乜？邊個定義？點解咁定義？點解所有人必需接受同認同呢個定義(如有)?
3. 點解只反對影碟炒賣，其他非影碟商品炒賣就唔反對？

allen89

billyyau 發表於 2021-11-10 05:09
其實好簡單

單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影 ...

首先回覆咗#76Teddy師兄指出你參與刑事侵權盜版玩家，只是用口支持電影業，是與否，一句？ 大方D？  

wantai288

其實遲d都會好似，挑戰者一號套戲甘，每人坐係屋企帶眼鏡，睇戲嫁啦！甘都好嘈

allen89

billyyau 發表於 2021-11-10 05:09
其實好簡單

單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影 ...

[單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影，只有實體碟才是王道，好有優越感的周圍喊口號支持實體碟。]

我有玩串流又有碟，碟質量比串流高是客觀技術規格事實，不用將來點,看電影是今夕，今日計 uhd 4k 技術規格是最高表現媒體，同你喜歡或感覺唔良好冇關，莫說影碟包括儲任何東西，  娛樂消費嗜好無一位需要得你認同,理解及支持 。該不該也不是由你說了算，  你是電影業界重量人物/大師要聽你指導說教？ 大把儲碟的師兄一樣有參與neflix等付費串流，又買碟又串流又戲院，多媒體多平台，真金白銀支持電影業。引述teddy 師兄回覆#76，學你咁得把口支持。




[更甚者拉埋影音發燒友落水，講到只有實體碟先滿足到發燒友，真正發燒友只求質素而非包裝，大把玩音響的而家係玩File而非實體碟的。]


音響無損file 的確比CD高是事實，4k uhd 比串流質量高也是事實。講緊是技術規格，你不清晰唔識？ 玩聲晝有比4k uhd 更高規格現存媒體？ 不是人人學你無要求。人哋音響燒友高要求玩無損file可以，AV高要求玩uhd碟就不可？ 兩者也是追求緊業界最高規格媒體。你又唔係發燒友但我係，人咃音響燒友玩CAS file,同時仲有CD，sacd, 黑膠, 大帶機唔係一樣，咁冼唔冼叫音響燒友放棄埋黑膠盤，其實唔識就了解多點，真正燒友定義需由你講出及衡量？  笑咗。

[如果單純求技術質素的話，我又想反問一句，當串流優於實體碟的時候，例如好似今次IMAX技術只支援串流咁，大家是否會即時放棄實體碟？]

又將來,  幾時到？，disney+16M/s  768kps音軌  IMAX我也有興趣看已參加disney+，等緊16日開始，我資源有地方夠可以玩不同平台，Marvel imax 看串流又有uhd碟無衝突。魚與熊掌也可共嘗，某你只可選一？   誰說只限玩一種媒體，你定規矩？

usopp

billyyau 發表於 2021-11-9 13:20
其實係，我覺得電影發行商應該正正經經將資源放於Digital Copy之上，無論係串流或是File都好，只要沒有實 ...

限制似係寛頻bandwidth 唔夠用吧，疫情開始時都有新聞報道Netflix 唔夠bandwidth要降低質數，好似又有韓國網絡供應商投訴比Netflix chur哂D bandwidth

leung133

usopp 發表於 2021-11-10 08:58
限制似係寛頻bandwidth 唔夠用吧，疫情開始時都有新聞報道Netflix 唔夠bandwidth要降低質數，好似又有韓 ...

其實當串流再發展落去，就會有更多解壓方法令到BANDWIDTH使用更低，從而提高畫質。
但無論串流幾靚都好，總會有人買碟收藏。好多人仲會CLONE左落NAS，再包好隻碟DISPLAY
根本唔存在個師兄講既「撥亂反正」
既不知從何而「亂」，亦不知怎樣為「正」
看來只有該師兄的道為「正」
還好未見有其他認同聲音，仲有得繼續買碟

WilsonWong4@G

allen89 發表於 2021-11-10 08:38
[單純鐘意外觀包裝等，咪大大方方講係為儲而儲，唔需要講到什麼對電影有愛，可以永久擁有電影，只有實 ...

不能同意更多！

WilsonWong4@G

睇來睇去，其實唔鍾意或唔需要實體碟嘅人，咪唔好買囉！好似我咁，覺得冇地方擺而睇串流嘅質量已夠滿足我需要嘅就睇串流…… 人哋發行商出咩碟咩包裝，你啱嘅咪買囉！唔啱嘅咪當冇呢樣嘢存在…… 人哋鍾意買又關啲唔買嘅人咩事？每個人都有自己尋找快樂嘅方法，有啲人鍾意一樣嘢，甚至可能會買幾件，一件用一件收藏…… 收藏嗰件對某啲人嚟講係冇用，但對物主嚟講，可能佢見到呢件收藏品就會覺得開心…… 咁又如何？影響到其他人？

:o)

呢度咁多人討論實體碟，亦有巴打周時share各地限量版發售日期同資訊等等，對於佢一個咁討厭實體碟同埋實體碟既市場銷售活動既人黎講真係非常難為佢，連講句「支持實體碟」都唔岩既

會唔會好似傅穎講完粗口打冷震咁，經過影碟舖門口會打冷震呢？

billyyau

allen89 發表於 2021-11-10 08:02
首先回覆咗#76Teddy師兄指出你參與刑事侵權盜版玩家，只是用口支持電影業，是與否，一句？ 大方D？   ...

憑咩話我係盗版玩家？
睇嚟呢度的人只要唔係同好就會亂屈廿四。
發表意見唔啱聽會變成盗版玩家？點夠你哋玩啊。
唔通你跟我意見不同，我又大大聲問返你係咪強姦犯嚟？