MCU十三套電影11月12日會新增IMAX ENHANCED至Disney+

billyyau

Camille124 發表於 2021-11-10 12:37
今時今日俾錢買實體碟，用最貴方法去“買一套戲”，一定鍾意套戲，就係想最接近套戲本身，如果唔出碟得串流 ...

買一套戲？
當年買完VHS後，可否一勞永逸？
更新買完LD後，可否一勞永逸？
更新買完VCD後，可否一勞永逸？
更新買完DVD後，可否一勞永逸？
更新買完藍光後，可否一勞永逸？
更新買埋4K藍光後，又是否代表一勞永逸？
為了一套戲，要一生人這樣無限loop，咁樣都叫冇問題？

鐘情收藏的可能會好樂意咁做，但普通一個只係單純為了睇戲的人來說呢，要重複買幾多次先夠，要重複浪費幾多次先夠？

allen89

billyyau 發表於 2021-11-11 03:41
買一套戲？
當年買完VHS後，可否一勞永逸？
更新買完LD後，可否一勞永逸？

科技的確可帶來進步，可惜人生命非無限，串流最終亦只是科技產物過渡，百年後可能直接上載腦內，但你我他已經不存在世，幾十年後用你今日思維，未來科技進步看(串流方式)肯定一樣是浪費，你認為40年前看VHS班人玩法並不一勞永逸，甘你亦應立即先停止看一切串流電影再等多幾十年科技進步或者有16k加再上載腦子先看咁咪仲一勞永逸又環保？

看電影只是今夕事，當時玩VHS的批人今日可能部分已經離世等不到串流技術，當時40，是否應留待今年80歲眼蒙耳聾先看串流？咁等不到已逝者今日要麼在和合石加返寬頻看串流？。買乜看乜儲乜甚麼過活其實完全是個人的選擇。生於時代不同，科技產物及消費習性自然不同，你有你選擇生㓉娛樂嗜好自由，人咃一樣，不是黑白對錯。

全球串流人數大增，各平台供應商在伺服器加建更新更快更密應付需求，24小時無間耗電及電子廢棄物料要計環保浪費麼？還是伺服器產生電子廢物不放你家中及電廠不在附近眼不見為乾淨，只要居家內環保？串流幾時開始是環保行業？

你玩AV無天份，做人處世及常識也冇，說教省一點。

jc2ssych

billyyau 發表於 2021-11-11 03:17
我講過，鐘意收藏就即管收藏
收藏擦字膠，唔會講到自己愛寫字而收藏擦字膠，對嗎？
同等道理，收藏影碟就 ...

多謝回覆。我終於明白大家的分別了。

從師兄你在這個主題多個回合的發言可看出，你並不是蠻不講理。可是，你太喜歡咬文嚼字。一段十句的內容，分開講句句都似正確，但組合起來處處漏洞，是哲學議題「烏鴉悖論」的典型。

例如，你題及「唔會講自己愛寫字而收藏擦字膠」，come on，小孩子當然唔會識講呢句說話，但大人愛寫書法，收藏文房四寶便是一種品味的呈現，而品味，更從來不是一種排他性的行為，對外宣稱「愛書法而收藏墨硯」不見得是甚麼天荒夜談。故此，師兄「不接受收藏影碟等於愛電影」反而更接近一種異見。

當然，異見不代表problematic。可惜，言談問，師兄對別人駁論的邏輯亦似乎不感興趣，拒絕應用更緊密的邏輯建立論述，而是執著一些字眼造文章，並經常將話語的主體「我們/他們」作隨意的浮動。其中可能師兄對比喻體的內容欠理解，而未能回應。Thanos 這流行文化人物，箇中有很多層次去討論。

小弟喜歡看電影，亦對文學、哲學、語言學有皮毛的涉獵。論壇內，眾生平等，天南地北，歡迎深入討論。

:o)

Disc snap

Camille124

billyyau 發表於 2021-11-11 03:41
買一套戲？
當年買完VHS後，可否一勞永逸？
更新買完LD後，可否一勞永逸？

其實，你提到一勞永逸呢個諗法，睇你有幾執著，我當年俾35蚊買隻VCD，如果入面有個code包埋終身upgrade咁梗係更加好，不過如果再upgrade時係要再投放錢，一隻VCD收ge錢包晒往後DVD Blu Ray 4K咁多開發費用，條數邊計到？

如果唔想買完有一日有隻更加好，一係唔買就得，一係等下到時先入隻更高技術；呢度間唔中都有人話等8K技術先睇戲，佢地可能會覺得我呢幾年儲同追一堆4K碟他日會過時，但我唔會覺得有問題，買碟果時都常見有人買DVD，唔通我又拍佢膊頭話佢做咩咁蠢唔用串流？人地揀得就有原因，無排他性，你都可以send email要求廠商既然有4K就咪鬼再出舊野，有串流就咪鬼出碟，叫佢一勞永逸。

而家你見到個串流平台提升左畫質，你估免費架？一個人無錯係俾緊幾十蚊一個月，全世界唔洗印碟浪費資源，個內容一路加一路升級，呢度個個都知無咩人反對，只係咁唔代表過往個行業同消費者有問題，真要講的話，相機電話年年改少少係咁出，電子垃圾地球污染仲多，我自己就用到壞先換，但我知道過往一直有班人換機，技術先提升到咁快，如果真係要講推動行業發展，梗係佢地啦唔通係我咩？

billyyau

allen89 發表於 2021-11-11 06:38
科技的確可帶來進步，可惜人生命非無限，串流最終亦只是科技產物過渡，百年後可能直接上載腦內，但你我他 ...

兜咁大個圈講埋和合石都冇用，我只係指出影碟等媒體並非最理想的電影儲存方式。
大把人由VHS走到今日4K碟，當中換過幾多次機同碟？發燒友可能當係樂趣，但對普通人呢？
一個麻煩行為，唔係一句人生苦短就可以輕輕帶過，套用你同一番說話，既然講到人生咁苦知，任何收藏又有何意思呢？

allen89

billyyau 發表於 2021-11-11 10:02
兜咁大個圈講埋和合石都冇用，我只係指出影碟等媒體並非最理想的電影儲存方式。
大把人由VHS走到今日4K碟 ...

咁問題在你腦筋，並不是他們，活著就是自己選擇生活直到完畢，人哋除換機，可能加坦換埋幾部車，應該點過自己生活？ 用家唔覺有問題，只是你覺有人哋嗜好幾十年來過程出問題，別人該不該人生意義, 是苦與樂由你評價，想扮演上帝？定想統一媒體？  否定幾十年別人生活方式憑你嗜好價值觀，你個人想法代表你一人，不代表其他人包括所謂普通人。

  

billyyau

Camille124 發表於 2021-11-11 08:13
其實，你提到一勞永逸呢個諗法，睇你有幾執著，我當年俾35蚊買隻VCD，如果入面有個code包埋終身upgrade咁 ...

說出重點來了，開發費用邊個俾？

所有人都知每一種實體碟的規格都要錢所開發的，當你買碟買player的時候，價錢入面包埋。為咗睇套戲，要額外俾咁多開發費用？所以之前宣布不開發8K影碟制式就係呢個原因。

你唔想每個月俾錢平台嘅，可以上iTunes 買電影，逐套逐套買，當年買落2K版，4K版推出時仲可以免費升級，而且可以隨時隨地透過唔同手機電視機去睇。

既然而家有更簡單嘅方式，舊有複雜要碟要player嘅模式點解仲要值得支持？

HDDVD

billyyau 發表於 2021-11-11 10:02
兜咁大個圈講埋和合石都冇用，我只係指出影碟等媒體並非最理想的電影儲存方式。
大把人由VHS走到今日4K碟 ...

你話："影碟媒體並非最理想的電影儲存方式".

你咁支持串流，咁串流係咪由現在起計直至永遠嘅將來都係"最"理想的電影儲存方式？

你咁鍾意講如果，咁"如果"將來有更理想的電影儲存方式，將來嘅人又好似而家嘅你咁話返你用串流唔環保等等，咁你又點回應？

呢啲咪叫回力鏢自打嘴巴囉。

仲有呀，你話"既然講到人生苦短，任何收藏又有何意思呢？", 咁人遲早會死，任何電影欣賞又有何意思呢？飲食呼吸又有何意思呢？你喺forum講嘢又有何意思呢？

不要放棄治療(人生苦短，治療喺咪又冇意思呢？).

wantai288

其實有錢，未買實體碟或者包裝靚果d，冇錢，未玩串連，都係冇問題，甘都好嘈幾日，依家少出實體碟，其實間公司都係想減成本姐，依家綱絡唔夠快唔可以比高數據畫同聲，可能兩三年後有呢？好似戲院以前播都用菲林，依家都用電腦檔，所以大家唔洗再嘈。