我的年代, 我的黑膠

kl122002

old8woman 發表於 2018-4-17 17:19
以前夏天都係炎熱,但冇現在熱得咁耐,而且早晚會較涼爽
我讀書時代,夏天個個同學必定"一扇傍身"(摺扇)
上 ...

原來還真是有此方式熄火水爐! 我真是第一次知! 又長知識了

我返工唔可以帶摺扇, 還好的是辦公室裡有裝風扇. 當時覺很神奇, 因為老裁縫果度都無. 所以第一份糧是電風扇.
雖一問題是不可以對住吹, 不然吹走D文件.
後來是買電飯煲, 由蒙民偉真人sell我. 佢真係帶住蠟腸在我舍煲飯. 光是看也已覺呢樣野好得, 所以即場話買, 唔理幾貴都要, 起碼唔使食火水撈飯.

kl122002

回Msuper,
以前設預定是一打就打足一世, 不似70, 80年代的見有得轉就轉 , 更不是現在的鍾意就做, 唔鍾意就話之你.
所以老世們就是考新人考得嚴, 有些甚至會查家宅.

old8woman

50-70年代,澳門很多人在家中兼職工作,最經典的是"穿珠仔"(我最拿手)
度雞毛,搓元寶,炮仗加芯/加炮仗紙等
圖為60年代為炮仗加工情况,當年當眾餵食人奶也很常見
旁人看到不會奇怪..............

old8woman

60年代"制水"的日子,我地這代人最難忘
我好彩,當年沙梨頭舊屋屋內有水井,(當年屋內有井的並不多)
所有非"食用"的水都可用井水

kl122002

回羊兄
以前一輩碓是如此 : 就是一對手打出今日天下.
回想由50年代到今日變化很大
我在50年代中已知什麼是電腦時, 那是一間房的大小, 沒什麼用, 我打字機+速算的速度仲好過佢,
之後去到70年代起就明白電腦的時代會來, 於是也急學會了, 才不至於其他人被沒被淘汰.
時至今日, 難以致信的是退休後我學會了現代中文打字, 而且用的是手提電腦+wifi+上網, 玩手機.
就是保持不斷好學的心態吧, 不然像一些朋友那樣, 未死就腦退化了.

當時是會去買唱片, 是單純地為了未來一天就是可以不用和別人爭收音機.
不太記得那台philips 的手提唱機是不是二手還是什麼了, 是mono 卻聲音不錯, 好似在ebay也見過.
記得曾說過, 聽古典是因為有次公司放半日工, 去天星坐船時行過大會堂, 無聊之下進去. 剛好有人從音樂廳出來, 漏出了一些聲音. 就是如此亮起了古兼的音樂世界.
又因為打工的地方是洋行, 由大老世府上聽外國音樂的機會比較多. 當時大老世已有不少nat king cole , frank sinatra, 貓王等 的唱片, 我是從那裡一點點的學.

kl122002

old8woman 發表於 2018-4-17 20:17
50-70年代,澳門很多人在家中兼職工作,最經典的是"穿珠仔"(我最拿手)
度雞毛,搓元寶,炮仗加芯/加炮仗紙等
圖 ...

以前都見過, 沒什麼感覺.
我也不明白今天的人忽然發生什麼事了.

60年代就是因為制水, 猶其63年, 辦公室裡經常沒水泡茶, 搞到大老世發脾氣.
聞說大事婆都要去陪馬姐輪水, 仲迫大老世唔可以開車要行落山坐叮叮 (因為車要用水做冷卻), 真是笑到肚痛.   
大家都剪了短頭髮, 這習慣我也保持到今日.
於是老世大搞出差, 見學, 我是這樣第一次去了外國.

old8woman

kl122002 發表於 2018-4-17 20:53
以前都見過, 沒什麼感覺.
我也不明白今天的人忽然發生什麼事了.  

時代不同,本來今天人的思想應該比以前開放,但很多事卻相反
比50年前更保守........
除左女性餵嬰兒食人奶,還有以前的小童(10歲以下男童)
隨街小便很平常(我弟弟也是如此)
街上的女性見到不會當甚麽回事......
現今的人穿睡衣走出街就被認為失禮人/冇文化
想當年澳門有幾間戲院(當然並非高檔的)尤其是清平,樂斯,永樂(它今天仍然存在)這3間
D人去睇戲時打大赤腳(以前澳門的水上人很多喜歡赤腳)
夏天時只穿男人背心短褲(甚至赤裸上身都見過)
女人只穿底衫(我頭像的這種)短褲就入埸睇戲
甚至入賭埸(當然不是葡京/新花園賭埸喇)
當年的金碧賭埸最多這種情况................

dc903

kl122002 發表於 2018-4-17 20:51
回羊兄
以前一輩碓是如此 : 就是一對手打出今日天下.
回想由50年代到今日變化很大

還以為自己算是學腦先峰
讀到第二年暑假(poly h.d.)
買了部80287(有些同學要387)
原來KL兄已係frontier
真係笑死人家
今早大老闆仍在用mouse話學check 隔日拆息，真佩服佢。

原來KL兄的音樂根，係由city hall 起!

PS 雖然自己喜聽音樂 但認真去買去收藏 都係由leslie pass away 開始!

kl122002

dc903 發表於 2018-4-17 22:17
還以為自己算是學腦先峰
讀到第二年暑假(poly h.d.)
買了部80287(有些同學要387)

最初我在50-60年代時看的是這種:
[youtube]uFQ3sajIdaM[/youtube]
當日已覺無乜用, 今日都係諗唔到點用 .

70年代時我記得還是用IBM system , 有一間房, 幾個同事同時去操作才行 .
舊的手提電腦 IBM 5100 我都見過有人用, 又重又大舊. 第2還是第3代的大老世仲問我要唔要, 真是打死我都唔用.

以前的電腦真係要學, 唔學係唔使指意會識. 唔似今日的平板機用手指指下就乜都得.
至於真正的現代電腦是80年代起步, 有IBM PC DOS, 由此起變得真是實用好多.

Msuper

kl122002 發表於 2018-4-17 19:41
回Msuper,
以前設預定是一打就打足一世, 不似70, 80年代的見有得轉就轉 , 更不是現在的鍾意就做, 唔鍾意就 ...

自己當年讀完書出去工作，無份工會做得長，基本上唔會有一份工超過兩年，亦做過好多不同行業工種，日夜場的工種都撈過，有d幾冷門都撈過。當年知道有 d 同事做一間公司超過10年，我會好驚訝，點可能同一間公司以做禁耐？
依家回想返來，無後悔自己做過禁多行業，因為真係每個行業都睇到/學到唔一樣的知識範疇，就算你一生人只做一種行業都應該轉去其它公司，見識唔同公司的運作/處理/人際關系。你又諗下當你一直逗留同一間公司你已經係元老級，同所有同事相處已經有默契，唔會有大人際問題發生。但到你去到另一間新公司不論你是高級/低級職員，你都要重新學習點樣同新同事溝通/相處及新公司的運作模式，呢 d 絕對係考驗。
我覺得頭10年裡面可以做多 d 唔同類型工種，10年後就要揀定自己要係邊個行業發展，當你之前儲了10年不同行業的知識、體驗及人際關系處理心得，對你往後穩定事業的發展會有好好的幫助及一定的基礎。
再講，一個人從來只接觸一種行業，你點知其它工種不會更加適合你呢？

所以老世們就是考新人考得嚴, 有些甚至會查家宅

其實一直到依家，考紀律部隊如警察也是查家宅 (要查三代，三代都要紀錄良好的！)