屍Di倉_將全新CD開了一角然後賣比你,你接受嗎？

kl122002

Msuper 發表於 2017-6-14 22:11
其實只有屍Di倉一間做法有問題，其它CD鋪沒有這種被開封的情況！
我買了兩只全新碟，其中一只被開封還有 ...

學T兄講, 唔好諗太多, 一於開左佢, 聽完就放,
之後去買另一張新的做收藏.

聽碟最重要係乜? 開心嘛

kl122002

Re  Msuper兄,
甘就學下我, 找些老友,  "長借"俾佢了

takeishi

唉呀~有咩好呦姐. 錫碟既有佢道理. 唔錫碟既亦有佢理由. 自已鍾意未得囉.
緩和下大家爭呦既氣氛. 等我講下我點樣粗暴對待D碟啦.

話說~廿年前. 我晌日本留學果陣. 學人做水貨佬. 每逄有咩野勁人出碟. 通常會有人俾張免費機票我帶碟.
我試過一個人帶幾百隻新碟返香港. 我果陣好瘦. 得果55kgs體重. 但係個喼已經30KGS, 重要Hand carry多廿幾kgs既碟上機.
嘩~真係辛苦到呢. 所以我對d碟又愛又恨.

最慘既就係. 每次有咩野勁人出碟. 或者係咩野限量版. 你就大獲啦. 通常要幫香港個老細. 最小要買到1百隻.
隻隻都係要靠我行到鞋都欄埋walk in遂間遂間買. 好多都只係俾你買一隻最多兩隻. 真係要行暈晒成條山手線所有既big-cam.
所有既唱片鋪先至買得齊. 又要同時間鬥快. 因為~好多限量版. 真係3日內賣晒架.

香港個老細呢. (係我朋友黎既) 佢除左賣新碟之外. 重有做埋二手碟. 果陣我又係要周圍幫佢搵二手碟.
果陣邊有呢家咁多book-off架. 真係搵到你死架. 有時d客要搵果d野呀. 鵰轉到呢. 最記得. 有個要X-JAPAN既3"吋.
要指明第一版. 咩咩編號. . . .我心諗/ 你都痴X線架. 第一版第二版. 係個Number唔同之嗎. 有咩好分別姐. 咁都好儲.
真係痴x線公司.

每次個老細黎日本搵我. 次次都要同佢由朝買碟買到黑. 真係買到驚驚. 重要晚晚幫佢將D碟拆盒. PACK箱.
因為如果唔拆盒會好重. 拆左盒會拎多好多碟. 次次都要拆盒拆通頂. 諗起都辛苦.

果陣~成個東京買碟既地方都. 幾乎間間都認得我個樣. 次次去親都唔俾我買同一隻碟超過3張.
當然啦. 賣唔去既. 唔受歡迎既碟你買多多都無所謂啦. 起初我做水貨佬幫人入貨果陣都俾人呃過好多次架.
D卜街專係俾D賣唔去既死貨呃你要. 後來買得多學醒左啦.

  以前好興日本野果陣. 連JR電車入面掛晌頂D海報都賣到錢架. 果陣同個FD晚晚出去撕佢D海報.
諗番起都真係............好好笑.

所以~你問我. 我對住D碟. 真係唔會愛錫佢地. 之不過. 我又唔捨我掉左佢地既. 話晒. 我都鍾意聽歌.
你問我~我行碟鋪真係多過食飯架. 全個東京邊度有碟鋪我都一清二楚. 有時我見到你地話炒到天價既碟.
如果你好彩既. 真係可以好平價俾你搵到. 當然. 你梗係要好似我咁熟窿路先得啦. 如果唔係既. 唯有梗食炒價囉.
我見得太多多所謂天價既碟. 其實都只不過係物以罕為貴咁解架昨. 例如係D宣傳版, 白版碟. 唉~講真. 對於我黎講.
未又係欄鬼碟一張. 真係無咩特別架昨. 只係~你俾錢人賺. 甘心情願咁俾錢人呃. 黎滿足你自已既所謂滿足感咁解架昨.

好啦. 發完UP風啦. 講完舊屎啦. 大家繼續買碟. 繼續HAPPY.

mdo

我有點認同樓主，比得新碟價錢就應該是全新未開貨。我回去開吾開是我選擇。但樓主點解唔據理力爭？就因為售貸員拒絕退或換？有冇跟店長投訴過？有冇打去DD倉office投訴過？再冇結果去消費者委會。在這里開post也解決不了師兄那只CD心結

Msuper

mdo 發表於 2017-6-15 00:40
我有點認同樓主，比得新碟價錢就應該是全新未開貨。我回去開吾開是我選擇。但樓主點解唔據理力爭？就因為售 ...

mdo兄，開呢個帖其中一個主因，有部份儲碟的師兄從來未開過只碟，可能真係一直唔知只碟有機會被開過封，係提醒其它師兄注意，自己衝量介意否 ? 往後仲會否幫襯屍Di倉呢？

manid903

為個膠袋講足四版，樓主，我睇你出過四篇野，鑊鑊為一百幾十怨天怨地，去買番$38 隻嘅cd 算la ,啱你style! 再唔係去消委會投訴啦，告到間唱片鋪賠番你心靈上創傷為止，係度大大聲，樓上問你又沒去投訴店長，消委你就笠水不便透露，細佬仔咩！ 再講，網絡世界我用咩相你又要管？ 呀。。。咁又係，淨係識係度吠對你個爛九膠袋有咩幫助呢，你張車頭相就襯哂你啦

manid903

是旦你啦，你講多一百頁我都唔會有損失架，買咗隻爛碟當寶咁儲果個係你攬住隻瑕疵碟過世啦，enjoy!

kl122002

takeishi 發表於 2017-6-14 23:32
唉呀~有咩好呦姐. 錫碟既有佢道理. 唔錫碟既亦有佢理由. 自已鍾意未得囉.
緩和下大家爭呦既氣氛 ...

哦! 原來我以前去日本工幹成日見到果堆香港人,
你就是其中之一

kl122002

Re  Msuper兄,
"長借"呢樣, CD方面我暫時都無事. 係上次黑膠甘樣A->B中狙伏.
呢種超級考友誼的遊戲, 玩左好多年, 係幾好玩.

takeishi

kl122002 發表於 2017-6-15 06:40
哦! 原來我以前去日本工幹成日見到果堆香港人,
你就是其中之一

我果陣係第一批俾人賣豬仔過去東瀛留學既香港人. 不過~我地果陣唔係好似呢家d所謂咩鬼野欄鬼晒氣既 working holiday.
我地係真真正正申請去日本留學既留學生. 通常會讀4年-6年左右. 頭兩年一定係讀日文架. 之後可以考大學或者專門學校.
果陣申請去日本讀書既. 好極端架. 一係就好有錢既有錢仔. 一係就好窮既窮鬼. 我就係窮果隻. 去到通常都要先搵份part-time做.
有D大陸仔呀. 重勁呀. 可以打兩份PART-TIME, 重要日日返學都重可以考第一架. 呢樣野你地香港D細路真係永遠唔夠人地黎.
\ /

講番碟呀~日本, 唉~真係多的是呀. 你地覺得日本版好珍貴. 好靚聲. 好貴. 講真. 去到日本.
日本人當垃圾架昨. 當然日本都有好多炒碟既. 有D價錢亦都炒到好貴. 但係. 晌日本搵碟.
你會發現. 只要你有恆心. 有時間. 永遠無話搵唔到架. 只係真係要D時間咁解.
日本D碟. 發行量多到嚇死你. 佢話限量既. . . . . 即係無限量咁解.
呢家~你試下去BOOK OFF搵二手碟. 要咩有咩呀. 所以~我從來都唔覺得日本碟係咁神級既地位.