屍Di倉_將全新CD開了一角然後賣比你,你接受嗎？

Msuper

呢間連鎖CD鋪做的行為莫明奇妙，將CD原廠出的密封膠袋開了一角，擘開CD膠盒放上防盗磁貼係CD盒裡面，然後再套上另一個新透明膠袋再用膠紙密封賣比客人，客人如我不知情下就買了。 坦白講有些客人買的CD是不開封儲碟，只碟比你禁樣開了口即唔完整啦！同埋有機會弄傷CD膠盒；再講我係消費者我自己都唔捨得開封，但反而比你唱片鋪開了封，禁點忍得呀！
就算你買只碟跟手開封來聽，禁點解唔係我自己親手開封呀，你幫我開了封收我平d架？ 你買只乳豬/燒豬拜神，燒味鋪預先幫你係只豬身上界一刀又得唔得呀？重點賣比我之前無提過開過一角，等我決定買唔買！

老老實實你開過封口，仲算唔算係全新先？

kl122002

如果是一心收藏, 真是開左口就是開左口
如果是聽, 我覺沒什麼出奇. 不過甘樣做, 係有少少莫名奇妙...
我知防盜條不平, 但呢家鋪係唔係都加一個外袋, 先要拆完玥包, 跟手賣出去時再拆再取出又再包...好煩lo

題外話, 很久以前去英國的一家唱片店, 是把黑膠唱片收起, 只放cover,
俾錢時才把一張完整全新的唱片取出, 當場開封去check .

Will

已經唔係因為防盜是否凸出問題
執執下個碟架會發視一堆一堆防盜俾人就咁搣甩掉响碟底
唱片舖都損失不小, 貨品被偷, 燈油火蠟人工舖租, 又要order返件貨返黎
而且唔係隻隻碟都做到sample吉盒, 所有item拎去copy做sample, 咁樣擺件sample出黎視覺上同老翻碟舖無分別
賊仔要做到咁絕, 碟舖都無辦法

lamwaikit007

呢個方法，已經沿用咗10年或以上的了。

不過介唔介意，睇自己個人感受。如果唔鍾意，以後唔再光顧。

Msuper

Will 發表於 2017-6-14 01:05
已經唔係因為防盜是否凸出問題
執執下個碟架會發視一堆一堆防盜俾人就咁搣甩掉响碟底
唱片舖都損失不小, 貨 ...

首先呢間cd鋪有兩種包裝，(1)一種如我上面所述，(2)另一種CD原廠膠袋外貼上防盗磁貼再包另一個透明膠袋再封膠紙，幾時用邊種包裝只有它自己知，其它CD鋪也是用(2)的包裝，禁其它CD鋪唔怕被偷嗎 ? 你可以用其它方法去防止被偷如每行加老閉有職員負責睇住個 Mon, 又可以搵人手/便衣經常巡查，方法總會有但唔係我幫你諗，因為我唔係幫你打工。

重點係CD鋪你唔可以將你的問題轉介比消費者_我，鋪頭你經營的問題你要自行想辦法解決；我差$20先買到只CD，比少$20過CD鋪得唔得？當然唔得，因為呢個係我自身的問題要我自己解決，我唔可以將自身問題轉介比CD鋪。
我來是買只全新的CD, 唔係買只有破損開了封的CD，我唔會理得你一萬種理由。再講超市也多順手牽羊的顧客，唔通你又將一包真空包裝食物開了封放入防盗磁貼嗎？
連消費者最基本要求你都無考慮到，你點做一間成功連鎖店？

kl122002

Msuper 發表於 2017-6-14 02:28
首先呢間cd鋪有兩種包裝，(1)一種如我上面所述，(2)另一種CD原廠膠袋外貼上防盗磁貼再包另一個透明膠袋再 ...

將件事反轉看, 即是說明了
1. 家鋪, 以連鎖店而言應賣得唔算貴, 而且吸引一定吸引 (HMV? CD倉?)
2. 用上呢一種(1)的防盜技兩,  證明了鋪中同時多小偷去光顧.

算了, Msuper兄, 不如先去另一家鋪買過張全新, 呢一張放左佢.
又或者自已用熱縮膠再pack過了, 反正張ＣＤ都未唱過

bigbear1997

Msuper 發表於 2017-6-14 02:28
首先呢間cd鋪有兩種包裝，(1)一種如我上面所述，(2)另一種CD原廠膠袋外貼上防盗磁貼再包另一個透明膠袋再 ...

重點係CD鋪你唔可以將你的問題轉介比消費者_我  << Exactly

G36

用腳投票，唔鍾意就以冇幫襯！

窮小子

       M仔 早晨



      有無考慮 ( 退貨 ) 或者換取 其他物品呢 ?





## 去問下又無蝕底 ~ 起碼得個 知字 鴉 !

takeishi

我又唔係咁介意. 話晒. 膠盒姐都係. 呢個世界. 無野係完美架. 不完美的才是完美. 唔好咁執著啦.