Cayin N6: 雙 1792A DSD128+ISO (新 v4.3固件 pg 106)

Andykong

diff 發表於 2014-12-28 23:23
想問下見官方介紹言語得中英文, 想問下日文出唔出到?
唔該晒

我未試過，我 D 日韓歌全部用英文 metadata 的。好似在 QQ 群內有人提過話出到日文但出唔到泰文，但我真係靠記得人講，你真係有需要我可以返 QQ 群同你問下其他用家！

diff

Andykong 發表於 2014-12-29 00:09
我未試過，我 D 日韓歌全部用英文 metadata 的。好似在 QQ 群內有人提過話出到日文但出唔到泰文，但我真 ...

好呀, 幫我問問, 唔該晒andy 兄

keigo912

dick99760 發表於 2014-12-28 23:17
andy,佢同AK240比係唔合理,但同120II比係合理,因為大家都有2粒CHIP.
N6其實我覺得外型等可接受,我主要看 ...

師兄，其實AK120II都係聽得8-9個鐘(WAV)，唔會多過N6好多，當然如果鐘意AK既聲而買就唔同，我聽AK既最大原因係佢既聲底，佢比到我有一種我唔知點用文字黎形容既聽感，就好似毒癮一樣，我每次放AK都會同自己講唔會再玩AK.但最尾都係會一部一部咁追落去，由100mk2追到120II.....黎緊如果佢出新機而又唔係天價既話我都會繼續追落去繼續吸毒。。。
(Post76 Android 手機版送出)

wap9999

keigo912 發表於 2014-12-29 00:51
師兄，其實AK120II都係聽得8-9個鐘(WAV)，唔會多過N6好多，當然如果鐘意AK既聲就唔同，我聽AK既最大原因 ...

ching真有錢。。。。我只能羨慕。。
(Post76 Android 手機版送出)

Andykong

dick99760 發表於 2014-12-28 23:17
andy,佢同AK240比係唔合理,但同120II比係合理,因為大家都有2粒CHIP.
N6其實我覺得外型等可接受,我主要看 ...

有不同睇法是好事，以尊重個人為原則的話，我是不會 disagree 師兄的決定， afterall 是師兄的個人消費，其他人講乜都無意思的。但上來論壇都係希望交流下，咁純吹水就大家不同的睇法去 UP 下，希望師兄也一齊交換下意見。

你話可以去日本買有水貨價，咁 N6 都可以經淘寶入水貨，3500 人仔隨時送到你手上，所以價錢上是維持大約 2 倍半左右的分別！如果將個差價放到其他消費品比較，那便是大家樂 $60 打邊爐套餐和 $150 酒樓任食火煱的分別，是 $500 對 converse 和 $1280 對 Nike Air 的分別，所以我是比較奇怪會將產品價位相差咁大的產品一齊考慮。

我唔明用兩粒 DAC 蕊片可引伸到有幾大的類同，DX90 和 HM901 都是用兩粒 DAC 蕊片的。 如果著眼在蕊片的話，AK 用的 CS4398 和 N6 用的 1792A 是不同取向兼有很不同的運作要求的。計價的話，我相信一粒 1792A 會貴過兩粒 CS4398！

如果你是指架構的話，N5 的架構是 雙 DAC + 3 晶振 + Dual Mono (兩組功放) + Programmable analog volume,  AK120II 雖是用雙碼蕊片，但卻不是 Dual mono (BTL) 功放線路，所以在技術層面是很不相同的。

從產品開發上，我個人睇法是 AK 比較注重產品的整體和協調，大量採用 3C 理念，所以實用性和產品的人性考慮非常高。 N6 則是聲音先行，其他一切都要讓路甚至非常不樸素了。因為要將兩粒 1792A 盡量發揮，所以 Cayin 用 Dual Mono 功放設計，即是人地用一組放大線路， N6 卻用兩組完全相同的放大線路，咁多一組 amp 的話，耗電自然大 D！功放零件多了一倍，部機咪大左厚左囉！這是在開發產品的前題上有不同的妥協。就算師兄豪氣，認為雙方差價是小數目可以莫視，歸根究底便是你對聲音和便攜之間的取捨，兩部機的主打對像其實在前設上已有分歧。

可能這背後的更大分別是我比較執著而師兄的包容度較高，所以我看到這兩部機的分別，而師兄則看到這兩部機的類同吧，言多必失，見笑了！

amdwii

Andykong 發表於 2014-12-29 00:05
我是官網買的，18 號正式推出前有預訂優惠，18 號後便不算預訂了，所以官網送 64GB 卡已完結！

官網做 ...

多謝師兄的分析，最後都是係天猫買了，學師兄話，價格扣除64gb卡，有20%差距，加上是天猫店，應該有保障點，賣家也包郵直送香港。算是不錯交易。收到貨再話給大家知。

diff

amdwii 發表於 2014-12-29 01:22
多謝師兄的分析，最後都是係天猫買了，學師兄話，價格扣除64gb卡，有20%差距，加上是天猫店，應該有保障 ...

最後天貓係咪3500人仔成交?

Andykong

amdwii 發表於 2014-12-29 01:22
多謝師兄的分析，最後都是係天猫買了，學師兄話，價格扣除64gb卡，有20%差距，加上是天猫店，應該有保障 ...

無喎，我邊有分析水貨/行貨喎，我講我自已點樣貪小便宜之嘛！

keigo912

我發現我部N6當電量到2x%時電量會急跌，講緊既係10秒會冇1%直至冇電，差滿幾次就會有一次係咁。。睇黎要換機
(Post76 Android 手機版送出)

dick99760

我等緊第2批大貨，希望穩定點