我的組合: 終極品聽 經典試聽大計!

ghhf

小弟發現原來條KK原廠耳機伸延線，係可以對整體效果有咁大影響，於是入多個6.3凹頭，將其中一條伸延線既4pins XLR換埋，完全改成係6.3既伸延線。

咁小弟就有一條平衡，同一條非平衡伸延線，可以配合所有耳機，提供多一個調音渠道。

ghhf

Young DSD + WA22 + AKG K1000 全平衡的期望

話説小弟改裝KK原廠伸延線之後，配合WA22，發現效果非常正面，特別係改行全平衡時，就更能表現KK性能。事實上，就呢幾星期小弟對KK既感覺，除咗要用上更大電平及功率，同時更需要有强大分析力，寛鬆及空氣感既配套，去"吹起"KK。

小弟總算係KK既組合上第一次真正體驗全平衡效果，而且亦係暫時係KK上揾到既最好既效果，所以小弟選定以全平衡連接模式，繼續推進下一步Tube Rolling階段。小弟可以先透露好消息，係改裝伸延線，平衡連接及高壓大氣膽管組合下，KK巳經發出"神級"效果，面對現代旗艦，毫不遜色，更有獨特既"實在的震撼"，係其他耳機所未及! 小弟選定好連線模式，下一節就係戲肉，將從頭回顧及分享整個將KK推出"一體臨場"既過程

另外小弟原本想將KK伸延線改到其他6.3接端耳機都可以用，不過而家決定唔大改了，將原廠線保留只供KK專用，繼續保留原有4pins XLR輸出端，只改接AMP一端分别為3pins XLR及6.3，係不失原有格調既同時，亦可以配合KK同時使用當前主流系統既平衡及非平衡輸出。

全文: AKG K1000 開箱與品聽

ghhf

呢幾日音響展, 原本小弟都想去行一轉, 睇下有無咩嘢好聽或優惠荀嘢執下, 不過又熱又逼又多人嘈雜, 都係放棄唔出街了, 留番屋企Roll多幾轉Tube, 果然仲多驚喜 ......

ghhf

話説小弟係試聽KK時發現耳機伸延線有明顯調音作用，兩條原廠彩色線繼續留番比KK專用，小弟就另外入咗一條3米銅線及6.3凹凸頭，係屋企玩Tube Rolling既同時，DIY非平衡伸延線亦在製作中，效果唔知會係點 ......

ericcho

現代旗艦，有"進步"的價錢，但聲音有合比例的進步嗎…

轉載：
[youtube]h5T9A4CRT5g[/youtube]

ghhf

ericcho 發表於 2016-8-6 17:59
現代旗艦，有"進步"的價錢，但聲音有合比例的進步嗎…

轉載：

如果計埋通脹, KK而家個價, 同現代旗艦(例如HD800S)差唔多, 不過相對US$3,000或以上既耳機, 的確係倍數咁多價格, 真係入唔落手, 反而會想投資玩多d配套, 始終最後聽既都係一個組合效果

ghhf

耳機小弟唔會再入住啦，原本都想帶隻KK去展場，睇下有無AMP推得好KK有驚喜，攞個參考對照，最後都係無去。而家都係自己係屋企玩盡d先，遲d先再試現代主流系統推KK既效果

ericcho

無記錯的話… 全新的KK當年(~2000年)tomlee賣~HK$5000。
而家在eBay.de容易找到。

KK無擁有過，那些年在不同的耳機聚會聽過數次，說真未曾聽到有"動聽"的感覺，尤其低頻欠了包圍感，整體帶金屬味，聽上去偏乾偏瘦…

ghhf

ericcho 發表於 2016-8-8 12:05
無記錯的話… 全新的KK當年(~2000年)tomlee賣~HK$5000。
而家在eBay.de容易找到。

16年之後，如果平均通脹4%，差唔多都係HK$10,000之內，而家ebay間中見有貨，都大約係呢個價位，不過好品相既又合理價，都係要撞下彩。

C兄形容既應該係新機效果，小弟兩隻KK用Hugo及WA22初推都算係舒服可聽，仲有驚喜。可能係舊機已用上一段時間，兩隻KK既效果係有d唔同，上手用家聽唔同音樂，耳機本身亦有唔同變化，小弟好快就出文回述番KK品聽到既效果變化。

ghhf

換膽 第三 - 濃密緊實

KK既品聴又來到換膽部份，小弟首先要回顧下呢幾星期KK既變化，為之後更精彩既評述，做好個引子。

有C兄指出，對KK印象未有"動聽"感覺，低頻欠包圍感，偏乾偏瘦，而且整體帶金屬味，可能係比較新機未煲夠?! 相對小弟係KK開箱試音時，以WA22配俄膽組合，第一印像係"濃密緊實"，聲底係係模擬(LCD3)與數字(HD800)之間，表現出一定動態及音樂感，但一聽就知道係未被"推起"，不過呢種"濃密緊實"比人感覺到，背後似乎係有一股强大力量有待爆發，而且係一種非常"實在穩淨"既效果!

有趣既係，小弟發現兩隻KK係初聽既表現係幾唔同下，一隻高頻反應非常好，但低頻無氣無力，另一隻就低頻敏感，但有脹肥感! 佢地都未能展現應有層次及空間感。兩隻KK都係高序號10857及10702，相當接近，所以效果差別，應該唔係耳機批次質量異同，可能係舊機已用上一段時間，上手用家品聽不同格調音樂，耳機本身亦有唔同既變化結果。

小弟再用俄膽組合(清新明麗)輪流推兩隻KK幾節之後，佢地之間既效果差異係收窄咗，似乎産生變化，開始向小弟品聽音樂格調方向演進! 仲越聽越大聲，6AS7G兼容既俄功率膽，最初時要去到2點位電平，音量先覺得舒合，之後係1點位就可以了。係聽咗幾節俄膽組合試機熱身之後，就換咗一組高壓大氣既膽管組合，效果果然猛進! 另外無意中亦發現KK由Hugo直推，竟然有意外驚喜，實在係讓人一聽難忘!

待續......