我的組合: 終極品聽 經典試聽大計!

ghhf

racingdinosaur 發表於 2016-7-15 12:33

HD600 悠柔感動

比C兄提一提，小弟襯午飯時間寫埋下集，口水一發不可收拾!

係一份"悠柔"! 呢個"悠柔"就緊要囉..... 非常强大，無可抗拒既感染力! 可以話係整個HD600配Hugo組合效果既感動核心所在!  全文: HD600 開箱與品聽

ghhf

品聽小結

小弟想用些少篇幅，補充一下其他以AK100及HP-V1既對照配置效果。所有對照組合效果都相當飲得杯落，用AK100以光纖代替USB作輸入之後，係欺文咗，以HP-V1作輸出就多一份豐鬆。

其中特别想講下配置2，同樣係一個"一體臨場"組合，Hugo既"悠密甘甜"，配HD600之後，成為"悠柔共鳴"，再經過HP-V1，巳經完全變換成"鮮活大氣"，效果非常孰識，盲聽唔知好似係一個係WA22既膽管組合效果。C兄從中可以進一步了解變化過程。

故事未完，其實只算熱身，下一步係點? 當然係上WA22玩換膽Tube Rolling遊戲先係戲肉所在，肯定係一個更精彩，充滿驚喜既世界，HD600真係可以去到幾盡?!

全文: HD600 開箱與品聽

racingdinosaur

ghhf 發表於 2016-7-16 12:15
品聽小結

小弟想用些少篇幅，補充一下其他以AK100及HP-V1既對照配置效果。所有對照組合效果都相當飲得杯落 ...

師兄，我有時間就會帶齊240ss+hugo去試HD600,

ghhf

racingdinosaur 發表於 2016-7-16 15:06
師兄，我有時間就會帶齊240ss+hugo去試HD600,

C兄，始終每個人既品味都不盡相同，你順便一次過試埋HD650

racingdinosaur

其實我已經試聽過800 & 650 &700 ,最後買了700 ,就是未試過600 ，看完師兄的詳細報告，600一定要試，其次就是新的T1 2代。

ghhf

racingdinosaur 發表於 2016-7-17 18:50
其實我已經試聽過800 & 650 &700 ,最後買了700 ,就是未試過600 ，看完師兄的詳細報告，600一定要試，其次就 ...

耳聽為實，祝C兄揾到心水耳機

ghhf

AKG K1000 開箱與品聽

小弟之前入咗2隻AKG K1000 (KK)，今日收齊貨，當然係第一時間出圖，吸引下C兄眼啦! 關注小弟呢個私帖C兄就知道，小弟同時係藏家，隨咗膽管，經典耳機小弟都想品聽收集，個人覺得好過追買潮流電子産品!

好啦，講番兩隻KK，佢地都係高序號，10702及10857，應該係接近正式停產前最後一批，最成熟産品，爬文好似話有d低序號係heavy-bass，其實小弟無咩所謂，反而真係希望兩隻唔同，咁小弟可以聽多d不同風格。

兩隻KK都跟咗原廠木盒及延長線接speaker out，其中一隻有埋manual。品相方面，除咗邊位有d正常使用過痕跡，及其中一隻左右logo脱銀之外，外表完全無可見損傷或拆曲，幾十年前產品有咁既品相，算係好難得。小弟驗查一遍，過咗一輪手癮之後，稍作整理就先入番箱。

小弟執一執個lab之後，就會將收埋咗幾個月既WA22重光，再推ED5-U，HD600，K340及最新到手既KK。ED5-U可唔可以有突破? HD600可以有幾大擴展性? K340既"緻密細膩"會如何演化? WA22又推唔推到KK? 佢地最終可唔可以達到小弟要求"一體臨場"效果?
















































WA22 + AKG K1000 試機第一感

收埋幾個月, 今晚推番台WA22出場, 用俄膽試機組合煲一煲去除WA22濕氣, 跟住第一次用WA22平衡4pins輸出, 試推兩隻KK驗貨, 音量要推到2點方向 ……........



兩隻KK各自聽咗15分鐘，聽落感覺係好平穩，算得上係實淨，似係AKG一貫風格，亦有一定彈性及音樂感。小弟之前預期KK既效果，可能會有d疏離感，低頻弱勢，甚至可能有飄既感覺。雖然比預期好，但就而家俄膽組合既效果，心裏有數知道係未能推起推開KK，伸延性及場感並未打開。

小弟笑係因為聽過呢15分鐘，小弟對WA22推好KK既信心已經大增，其他大耳牛一般音量係9至10點位已經夠聲，推KK就要去到2點位先適合。應該唔係最大功率輸出既限制，而係同膽管既匹配度所引伸既效率問題，肯定係一場配套硬扙。

跟住會出動WA22"豪邁大氣"組合TS 5U4G，WE421A/ TS5998，配NU 6F8G，會一會KK，攞個感覺，睇下到唔到位!






電源 第一

小弟今日一收工就趕番屋企開壇，昨日重新開箱WA22試機，只係用咗鷄記13A黑電源線直插拖板。無錯! 今晚上番"電池補完"比WA22，效果當堂升咗一大級，雖然未換膽，仲係用緊俄膽組合，小弟已經開始感受到KK既獨特風格。好囉，KK咁快就來料show off，似乎係緼藏住一股非常强大既"實在"(live)力量，係小弟現有其他耳機所不及，小弟暫時只可以咁樣形容!

今晚聽埋配上"電池補完"既效果，小弟已經可以完全肯定，WA22推KK係完全無問題，只等待小弟去發掘最理想既"一體臨場"膽管組合。小弟而家有好大期望，睇下點!




接線 第二

小弟今日入咗一個6.3及兩個3pins XLR公頭，唔係最貴亦唔係最靚，特登選番Neutrik襯番條KK原廠線伸延線! 保留番果種味道!

小弟準備將兩條原廠線，原本接喇叭既4pins散線，改上6.3，及3pins XLR，咁KK就可以有更大彈性，同時接4pins或3pins XLR及6.3輸出。小弟其實亦想驗證，WA22既XLR同6.3輸出有無分別。










線的誘惑

小弟今日搞咗大半日，總算將兩條原廠伸延廠線改裝完成，一條由6.3(藍黑線并接6.3共地，白線接中間腳，紅缐接邊腳)去XLR 4pins，另一條係2個XLR 3pins(紅藍及白黑線分兩組，分别接兩個頭2腳及3腳)去XLR 4pins 。

改完線之後，小弟即刻將KK XLR 4pins頭改接伸延線上XLR 4pins頭，再經6.3及XLR 3pins上WA22試聽。同樣既線材下，WA22既6.3同XLR既輸出有無分别? 加咗伸延線後，KK既最終表現又係點?

小弟而家可以用充滿驚喜來形容! 少少投資，勞力時間，換來既係一個有決定性作用既效果! 小弟點解咁講? 聽多一星期，等小弟完全了解歸納KK既獨特性，作一個品聽小結，係絶對既好消息!
















突發!!! Hugo + AKG K1000 = 非同小可!!!

話說小弟剛剛改好兩條KK原廠伸延缐, 正在驚訝接上WA22後既效果, 再順便將另一隻KK用條改好既6.3去XLR 4pins伸延缐接上Hugo直推, 純粹手痕, 完全無想過呢個組合會有咩好效果. Hugo直推KK果然係要開到白色, 先達到合適的音量! 咪住, 一聽之下, 完全無勉強甩漏, 竟然係咁既效果!!! 小弟今曰係雙喜臨門!!!

品聽配置

訊源:	MacBook Air, Audirvana, WAV 24/192
數位介面:	USB數據及電源獨立雙頭連接, JitterBug
數位/類比:	Chord Hugo
功放:	Chord Hugo
輸出介面:	6.3
耳機:	AKG K1000, 配原廠伸延線改6.3至4pins XLR

今晚要好好品嚐KK既渾身解數, Young DSD + WA22 + KK及Hugo + KK ……






神器的震撼

小弟係上一節改裝咗KK兩條原廠伸延線後，配合改裝伸延線，係WA22上發現驚訝效果。跟住又貪玩無意中嚐試用Hugo直推KK，效果更即時KO小弟，之後再聽多咗兩節確定，小弟真係開始感覺得到KK的確係有獨特既"神級"風範，"神器的震撼"似乎係最合適形容詞!

雖然殺出程咬金，突然有雙驚喜，小弟都係決定唔會一開始就講"神級"效果，依小弟一貫風格，係一路調節確認，一路續步展述，KK推煉過程展現性能及效果，C兄知道小弟出文係越後越精彩，請繼續留意，不容錯過。


WA22 6.3 XLR 力推 AKG K1000

今日打風，小弟順勢全日休息，繼續考驗KK及WA22性能。將兩隻KK分别以6.3及3pins XLR接上WA22，睇下WA22同時力推兩隻KK效果如何!

首先WA22的確係可以同時推動兩隻耳機，就KK既效果，雖然音量要由11點調到12點，推兩隻KK時既效果，明顯係無咁進取，表現係比較柔和，小弟咁講，係因為感受唔到勉強或有心無力感，同時推兩隻KK，整體仍然係一個非常舒服既效果。

跟住小弟再返覆將兩隻KK，經過改裝伸延線，分别輪流交替接上WA22既6.3及XLR輸出，以同様耳機及線材，體驗不同輸出接口效果異同。係電平輸出上，完全感覺唔到分别，不過XLR輸出(注意，呢度小弟係指3pins XLR再經伸延線到KK，至於4pins直推KK既效果，小弟遲d會再補充)既空間音場及通透度，明顯係要勝過6.3一籌，小弟今日總算解開有關WA22特性既幾個疑問。






Young DSD + WA22 + AKG K1000 全平衡的期望

話説小弟改裝KK原廠伸延線之後，配合WA22，發現效果非常正面，特別係改行全平衡時，就更能表現KK性能。事實上，就呢幾星期小弟對KK既感覺，除咗要用上更大電平及功率，同時更需要有强大分析力，寛鬆及空氣感既配套，去"吹起"KK。

小弟總算係KK既組合上第一次真正體驗全平衡效果，而且亦係暫時係KK上揾到既最好既效果，所以小弟選定以全平衡連接模式，繼續推進下一步Tube Rolling階段。小弟可以先透露好消息，係改裝伸延線，平衡連接及高壓大氣膽管組合下，KK巳經發出"神級"效果，面對現代旗艦，毫不遜色，更有獨特既"實在的震撼"，係其他耳機所未及! 小弟選定好連線模式，下一節就係戲肉，將從頭回顧及分享整個將KK推出"一體臨場"既過程

另外小弟原本想將KK伸延線改到其他6.3接端耳機都可以用，不過而家決定唔大改了，將原廠線保留只供KK專用，繼續保留原有4pins XLR輸出端，只改接AMP一端分别為3pins XLR及6.3，係不失原有格調既同時，亦可以配合KK同時使用當前主流系統既平衡及非平衡輸出。




換膽 第三

小弟以後出品評文既同時, 會盡量提供埋相關配套資料比C兄參考:

品聽配置

訊源:	MacBook Air, Audirvana, WAV 24/192
數位介面:	USB數據及電源獨立雙頭連接, JitterBug
數位/類比:	Young DSD, 電池補完
類比介面:	XLR銅線
功放:	WA22, 電池補完, 減震鼠
膽管組合:	NU 6F8G訊號管, TS 5998功率管, TS 5U4G整流管
輸出介面:	4pins XLR
耳機:	AKG K1000

yodingdong

其實我覺得CHING花咁多係收集耳機上不如試下唔同嘅DAC/AMP
個邊提升空間更大IMO
配搭好緊要，AMP聲底係tube rolling改唔到嘅

ghhf

yodingdong 發表於 2016-7-18 15:23
其實我覺得CHING花咁多係收集耳機上不如試下唔同嘅DAC/AMP
個邊提升空間更大IMO
配搭好緊要，AMP聲底係tube ...

C兄，小弟同時係一個藏家，所以見到經典好嘢會比一般玩家有時入得多d既。

小弟睇中咗pro-ject既一款產品，有兩個DAC及兩組filters, 仲有可選晶體及膽輸出，兼有RCA /XLR，準備入手!

至於Tube Rolling, 小弟個人覺得，耳機配不同膽管組合，有好大變化，耳機性格甚至可以完全被改變，真係差好遠。

ghhf

Pro-Ject Pre Box RS Digital  

http://www.box-designs.com/main. ... =source&lang=en