我的組合: 終極品聽 經典試聽大計!

ghhf

racingdinosaur 發表於 2016-7-7 11:40
師兄，我只有hugo ,而沒有純amp, 想在一萬之內揾部玩下，有乜好提議。

C兄係咪想入一台坐枱AMP? 小弟唔敢介紹未用過既系統，如果C兄好似小弟咁，鍾意欣賞不同組合效果，C兄可以考慮與Hugo直推效果不同風格系統。

如果要小弟介紹，就係WA6 SE膽機，可玩性極高。$10k筆直有好多選擇，論壇應該有好多C兄有好提議!

racingdinosaur

ghhf 發表於 2016-7-7 12:06
C兄係咪想入一台坐枱AMP? 小弟唔敢介紹未用過既系統，如果C兄好似小弟咁，鍾意欣賞不同組合效果，C兄可以 ...

枱擴我會就要諗多樣電源問題，所以我遲遲唔決定。

補充內容 (2016-7-7 16:20):
我也有考慮Lehmann

ghhf

racingdinosaur 發表於 2016-7-7 15:59
枱擴我會就要諗多樣電源問題，所以我遲遲唔決定。

補充內容 (2016-7-7 16:20):

C兄所言甚是, 電源有決定性影響, 小弟自己都大量投資咗係電源方面, 已不能自拔.

唔用膽AMP, 小弟就會選擇 M2Tech Marley

racingdinosaur

ghhf 發表於 2016-7-7 21:04
C兄所言甚是, 電源有決定性影響, 小弟自己都大量投資咗係電源方面, 已不能自拔.  

唔用膽AMP,  ...

https://www.facebook.com/groups/214688668659495/permalink/917348465060175/
我今晚玩呢d ,幾好，幾正。

ghhf

HD600 一體臨場 對照配置

對比過HD600及各耳機效果，又搵到第一個HD600"一體臨場"之後，小弟要再次强調HD600既耳感，係一個組合效果，小弟比多些少配置背景資料，以基本配置既"諧和感動 悠柔共嗚"，"一體臨場"對照其他4個配置(加入AK100, HP-V1既各種可能組合). C兄對之後小弟既描述，就可能有一個更實在既意會 ..... 全文: HD600 開箱與品聽

racingdinosaur

ghhf 發表於 2016-7-9 12:38
HD600 一體臨場 對照配置

對比過HD600及各耳機效果，又搵到第一個HD600"一體臨場"之後，小弟要再次强調HD6 ...

ghhf

racingdinosaur 發表於 2016-7-9 18:44

小弟希望呢兩曰先出咗個基本組合既"一體臨場"效果耳感比C兄參考, 之後再比其他配置效果作對照 .....

ghhf

HD600 諧和共鳴

利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

先來一個引言，話説小弟對HD600係Hugo上試聽效果(參考前文提及既基本組合)，感到非常驚喜，返復對比之後，最終確定係一個感動到小弟既"一體臨場"效果，"諧和感動 悠柔共嗚"。有關注小弟呢個私帖C兄就知，小弟出文都係有番咁上下深度，自知有所偏執，所以都盡量保持科學精神，唔會無的放矢!

入番正題，咁HD600既效果如何可以打動到小弟? "諧和感動 悠柔共嗚"如何分解?! 一如以往，解讀方法首先就係要理解"悠柔共嗚"，然後"悠柔共嗚"如何成就"諧和感動"?! 好啦，小弟要來料! C兄準備好未? 坐穩d先好繼續睇落去，小心反櫈!

HD600比小弟既第一個印象係"鬆容"，小弟即時就意會到HD600同HD800原來唔係親兄弟，由外到內，就算驗埋DNA，都唔會揾到有承傳關係! 所以係不存在從屬直接比較既條件! 全世界都比廠商以型號誤導咗! HD600初聽頭兩節比較生硬，未能發揮音樂感，第三及第四節，就表現出中低頻彈性，場感迅速擴展，變化之快，真係可以用越聽越有來形容! 來到第五及第六節，層次感及高端伸延力亦得到釋放，而且全頻均稱，富有音樂感。係呢個位，小弟已經覺得係技術上巳算係無可挑釁，逹到"享受"級别效果。

踏入第七及第八節，就係決定性感動效果既展現! 一下子就迷倒小弟! 原來感到既"鬆容"及"彈性"，出現咗質既變化! 小弟決定要對比埋其他耳機，特别係小弟聽過LCD3既"一體臨場"果種瞬態"波動內勁"，及ED5-U既同步多層次響應。唔同其他耳機既彈性效果，HD600既效果巳經唔係彈性咁簡單，而係一種好獨特既"共鳴"，係開放式配以玩具膠質感既設計下有呢種效果，小弟的確感到驚奇!

呢種"共鳴"使小弟聽到更多背景音律(注意: 小弟所指既係響應分配對比，唔係技術性分析力既明細度)，而且有一種連貫性迴響，擴展出一個"通透空間"既同時，又充滿連綿層次質感。好似係有一種協調效果(T1比出既就係一種協調效果)，其實唔係協調，因為協調仍然可以感受到其中既牽引作用力，HD600既"共嗚"係來得出奇地自然，感覺唔到有作用力在控制運轉，Hugo配上HD600，原有既"精密控制"，可以講係被完全化解咗! 更貼切既講法應該係被昇華咗! 由技術性走入感性, 有形力量到無形"諧和"境界! 呢個感性既"諧和"，就係成就"一體臨場"既其中一個必要條件!

C兄請先回一回神，故事已講咗一半，應該大致可以理解到"諧和共鳴"，咁"悠柔感動"又應該如何拆解? 比多些少時間C兄思索，小弟下一節再分享另一半故事，同樣精彩!

racingdinosaur

ghhf 發表於 2016-7-9 22:31
HD600 諧和共鳴

先來一個引言，話説小弟對HD600係Hugo上試聽效果(參考前文提及既基本組合)，感到非常驚喜 ...

師兄，睇你咁寫法，我唔買返個600玩下都唔得喎。

ghhf

racingdinosaur 發表於 2016-7-10 02:02
師兄，睇你咁寫法，我唔買返個600玩下都唔得喎。

C兄, 對小弟來講, HD600的確係值得玩既耳機. 小弟聽埋AK100及HP-V1配置其他照對組合既效果, 亦無使小弟失望, 小弟可以肯定遲d上到WA22時, 將會有更多驚喜, HD600可以去到幾盡, 真係好期待.

不過話又要講番轉頭, 小弟係非常主觀的, 由其是係後半既感性感動部份,  絕對係與聆聽者本身既品味取向有關. 小弟好快會出埋下集, C兄睇埋參考慢慢再決定係咪入手都未遲.