我的組合: 終極品聽 經典試聽大計!

ghhf

moliu 發表於 2016-6-29 16:09
樓主好富貴

如果同HE1000/ LCD4/ Abyss/ 009比仲差好遠，好彩佢地已經唔係我既目標。

入埋隻KK，小弟會收下手，因有另一件相關大事籌備中，小弟呢套sofa㡳系統，遲些少將會搬去一個私竇，可以玩得更盡興

ghhf

HD600 一體臨場 - 諧和感動 悠柔共嗚

利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

又係人弟噴口水既時候，係繼續之前，小弟要提醒C兄，請先提升戰鬥力! 唔好以為忍住條氣唔使變身，都可以對抗小弟毒咒，須知小弟絶對係有口味偏執，鍾情"鮮活大氣"，聽慣"豐鬆飽容"效果。小弟所有耳機除咗ED5-U，K340及將到手既KK之外，都巳聽過佢地各自既"一體臨場"組合感動效果，聽過好嘢再加埋偏執，要求自然就會唔同咗，小弟之後既描述只能代表一個"特定組合"效果，並不表示耳機及其他相關配備之間優劣品評。

首先係各耳機係Hugo上既綜合效果評論，小弟唔打算長篇大論逐隻數，只用返自己既效果級别來作概括描述。小弟之前已有篇幅講咗ED5-U，係Hugo直推上似乎無咩作為，未能算合格，待遲d係WA22上再作突破。對於D7100及LCD3，係Hugo上既表現同小弟聽過佢地各自既"一體臨場"效果相比，雖然有一定彈性音樂感，但層次感不足，場感亦未有被推開推起既感覺，平平無奇，只能算係"舒服"。

T1既效果中高檔質感線條及伸延性相當吸引，場感人聲有感染力，不過低重部分略嫌不足，所以整體上係介于"舒服"與"享受"之間。至於HD800配上Hugo，就係一個"享受"級既組合，效果係無可挑釁，係Hugo既"悠密甘甜"，HD800既"冷傲直白"，加埋得到既就係"精密緊緻"，呢種效果小弟認為係有一定既代表性，似乎係現代主流風格既基線。

聽完其他耳機(K340同KK後補)，小弟確定HD600係Hugo上既獨有效果! 無錯! HD600比出既係一個"諧和感動 悠柔共嗚"既"一體臨場"感動效果。C兄先細味其中內涵，小弟唔詳評HD600效果住，今個星期改將HP-V1接上Hugo，再推HD600作為另一個參考效果，下星期日先一并交待精彩戲肉!

lcp12325

ghhf 發表於 2016-6-29 15:44
呢對明明就係喇叭掛耳?!

無錯，小弟入AKG K340時，一齊入埋隻AKG K1000(KK)，無他，小弟就係鍾意有挑戰性 ...

退燒咁多年，估唔到仲有人玩老爺耳機

樓主這個KK什麼價位入手？

ghhf

lcp12325 發表於 2016-7-3 13:08
退燒咁多年，估唔到仲有人玩老爺耳機

樓主這個KK什麼價位入手？ ...

C兄, 小弟只係以自己覺得最好玩既心情行事   

呢隻KK相信係真正用家轉售既, 實價唔講啦, 睇佢新淨高序號真正用家, 有些少逸價, 都係合理範圍 .....

ghhf

全文: HD600 開箱與品聽, HD600, HD800同Hugo今時今日都仲係街貨, 小弟描述佢地組合效果, C兄不難對比小弟口味之間異同, 亦更容易理解小弟其他吹水內容

ghhf

KK x 2 好事成雙 純屬收藏


小弟作為藏家另一面目 ......

ghhf

HD600 對比 HD800

係未出詳評H600既戲肉部份之前，小弟想用些少篇幅比較下HD600同HD800既性格異同。正如小弟一開始所提到，一個係橙，一個係蘋果，用任何一邊作為標準，去量度另一邊都係不太合適，不過吹水始終都要有比較，咁小弟就用"相對"方式去評論一下。

首先，HD600既聲底小弟覺得係係HD800，T1呢類"數碼"效果與LCD3，D7100呢類"模擬"效果之間。如果HD800係"冷傲直白"，咁HD600就係"諧和鬆容"，完全係兩種格調，佢地係"冷"與"暧"，"快"與"慢"，"緊"與"鬆"，"直"與"柔"..... 等等既相對對比。係呢種咁大對比既情況下，小弟唔會話入HD800唔使玩HD600，又或者話入HD600就唔使上HD800，兩者皆有自己既特質，所得效果係滿足唔同耳感需求。

不過話又要説回來，即如追求無邊際空間場感，鉅細無遣分析力，極緻甜潤高調線條感，超重低音震撼力 ..... 等等，當耳機已達到一定既技術性能，再追求所謂"完全技術性超越"呢種概念，其實已經無太大意義，不如將有限彈藥，投資係其他配套上! 好明顯，小弟呢段嘢，係耳機商最唔想聽到既講法。

小弟又吹住咁多先，戲肉在後頭!

ericcho

耳機到了一定水平，玩的是味道。

最近除了常聽AKG K340，偶爾也會聽這Sennheiser HD224，其低頻量殘缺，但中頻自然，高頻順滑，聲音密度高，人聲(女聲)很好聽，小提琴也不錯！

ghhf

ericcho 發表於 2016-7-5 17:55
耳機到了一定水平，玩的是味道。

最近除了常聽AKG K340，偶爾也會聽這Sennheiser HD224，其低頻 ...

C兄講出咗金句，遠勝小弟長篇大論，噴到成地口水

Ccs56084342

ghhf 發表於 2016-7-5 15:00
HD600 對比 HD800

係未出詳評H600既戲肉部份之前，小弟想用些少篇幅比較下HD600同HD800既性格異同。正如 ...

師兄你愛600嘅熱度真系超乎想像，但小弟真系難以對其產生感覺！只覺得系質素普通得來幾順耳嘅耳機—隻！