我的組合: 終極品聽 經典試聽大計!

ghhf

小弟之前入咗2隻AKG K1000 (KK)，今日收齊貨，當然係第一時間出圖，吸引下C兄眼啦! 關注小弟呢個私帖C兄就知道，小弟同時係藏家，隨咗膽管，經典耳機小弟都想品聽收集，個人覺得好過追買潮流電子産品!

好啦，講番兩隻KK，佢地都係高序號，10702及10857，應該係接近正式停產前最後一批，最成熟産品，爬文好似話有d低序號係heavy-bass，其實小弟無咩所謂，反而真係希望兩隻唔同，咁小弟可以聽多d不同風格。

兩隻KK都跟咗原廠木盒及延長線接speaker out，其中一隻有埋manual。品相方面，除咗邊位有d正常使用過痕跡，及其中一隻左右logo脱銀之外，外表完全無可見損傷或拆曲，幾十年前產品有咁既品相，算係好難得。小弟驗查一遍，過咗一輪手癮之後，稍作整理就先入番箱。

小弟執一執個lab之後，就會將收埋咗幾個月既WA22重光，再推ED5-U，HD600，K340及最新到手既KK。ED5-U可唔可以有突破? HD600可以有幾大擴展性? K340既"緻密細膩"會如何演化? WA22又推唔推到KK? 佢地最終可唔可以達到小弟要求"一體臨場"效果?


全文: AKG K1000 開箱與品聽

ghhf

Hugo + HP-V1 再戰耳機群雄

唉! 小弟明明話重光搬番部WA22出來，點解仲繼續玩縮水版HP-V1? 原因係，之前用Hugo直推試聽K340，覺得好似拖住拖住條氣，有心無力咁，之後小弟無意中試下改出HP-V1推K340，效果順咗好多，而且有被推開一層既感覺，雖然仍未算非常滿意，巳經有好大分别。

小弟係HD600開箱文亦有提過，作為對照，HD600配Hugo以HP-V1輸出，同樣係一個"鮮活大氣"既感動組合。小弟認為要認真品聽一次各耳機係配上HP-V1既效果，唔可以隨便輕輕就咁略過!

玩番一個星期Hugo + HP-V1，當係上WA22之前熱身，下星期出段文，評述番再戰耳機群雄效果!

wongkiss

ghhf 發表於 2016-7-22 16:39
Hugo + HP-V1 再戰耳機群雄

唉! 小弟明明話重光搬番部WA22出來，點解仲繼續玩縮水版HP-V1? 原因係，之前用 ...

好期待你hp-v1推iem既聽感
(Post76 Android 手機版送出)

ghhf

wongkiss 發表於 2016-7-22 22:34
好期待你hp-v1推iem既聽感
(Post76 Android 手機版送出)

C兄係咪指用AK100 + HUGO + HP-V1 + T20呢個"一舊鐵"流動系統既效果?

ghhf

wongkiss 發表於 2016-7-22 22:34
好期待你hp-v1推iem既聽感
(Post76 Android 手機版送出)

睇來C兄係對HP-V1有興趣，小弟其實係近期幾篇口水文中，都有提及以HP-V1作輸出效果。C兄可以到呢個私帖頭版目錄選文參考，不過主要係推大耳牛，至於推IEM，小弟得一隻T20，過兩日再寫番一兩段更新文比C兄參考。

ghhf

wongkiss 發表於 2016-7-22 22:34
好期待你hp-v1推iem既聽感
(Post76 Android 手機版送出)

"一舊鐵"流動系統: AK100 + HUGO + HP-V1 + T20

利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!

回應C兄有關HP-V1配IEM效果，就小弟而家既環境而言就係推T20既效果，為求認真，小弟特意品聽所有可能既流動組合，並簡潔品評比C兄對照。

1. AK100 + T20
偏遠偏薄，極端位伸延不足，有喊叫感，甚至有齒音浮現，好明顯係推唔起，未能算合格效果。

2. AK100 + HP-V1 + T20 (配3.5→3.5銅過機線)
呢個係當前小弟覺得最好效果組合，HP-V1將效果最少推出一圈，雖未至於有大氣感，分析力及層次感亦未盡理想，仍有鮮活及音樂感，鬆容舒服耐聽，係一個"舒服"與"享受"之間既效果。配用銀線，音形線條略嫌明硬，失去耐聽感。

3. AK100 + Hugo + T20 (光纖連線)
Hugo作為DAC，分析力，音場緻密感，都得到明顯提升，馬上顯現Hugo既身價! 可惜Hugo"緻密"配上T20本身偏向"緊湊"格調，瞬間極端表現過尖過深，有音壓過大之嫌，呢種"又緊又密"效果，覺得太過進取造作，反而未能滿足基本"舒服"要求。

4. AK100 + Hugo + HP-V1 +T20 (光纖及RCA→3.5連線)
HP-V1代替Hugo作為輸出，音壓過大表現有所收歛，即使再配以銅質過機線，雖然增加咗一份闊度，不時仍然感到一分緊逼張力，效果只能勉強算得上"舒服"。

就而家小弟所得主觀效果，Hugo配T20並唔理想，期望T20隨住時間會有進一步演化。 C兄注意，小弟只有T20，所以代表性不足，更不能涵蓋其他衆多IEM配Hugo及HP-V1概組合效果! 不過小弟可以講，HP-V1係其中，係有"放鬆"及"拉近"作用。

小弟乘機再補充多些少有關HP-V1性能，雖然佢只有3.5輸出，有趣既係，小弟覺得佢推大耳牛時既"放鬆"及"拉近"效果似乎係更明顯! 而且效果更取決於訊源及DAC，而非單純HP-V1本身輸出功率限制有決定性應響。同樣以HP-V1作輸出，推同一隻大耳牛，以AK100光纖入或用AK100作DAC，相對以Macbook USB輸入或Hugo作DAC，效果差别係可以用等級來分别，前者可能係"有心無力"，後者可以"鮮活大氣"! 請參看稍後"Hugo + HP-V1再戰耳機群雄"品評!

wongkiss

hugo真係又愛又恨，要夾iem或耳牛
(Post76 Android 手機版送出)

ghhf

wongkiss 發表於 2016-7-26 17:33
hugo真係又愛又恨，要夾iem或耳牛
(Post76 Android 手機版送出)

Hugo個DAC係唔錯，不過同様無可能百搭，佢既"悠密甘甜"如果再配d"緻密"或"緊湊"型耳機，音形線條就可能過度崩緊，顯得唔自然

wongkiss

ghhf 發表於 2016-7-26 19:56
Hugo個DAC係唔錯，不過同様無可能百搭，佢既"悠密甘甜"如果再配d"緻密"或"緊湊"型耳機，音形線條就可能過 ...

認同要細心去配搭，好大驚喜
(Post76 Android 手機版送出)

ghhf

收埋幾個月, 今晚推番台WA22出場, 用俄膽試機組合煲一煲去除WA22濕氣, 跟住第一次用WA22平衡4pins輸出, 試推兩隻KK驗貨, 音量要推到2點方向 ……........