先拔頭籌: FIIO X5 開箱啦喂!

muffy

Andykong 發表於 2014-1-29 11:22
係 development cycle 有 4 個 version 其實唔算多, 我反而想知, 現在賣緊係第 四版。 咁十二月出既  dem ...

呢個問題我就真係唔知啦...
我只係知道中間曾經改過4次版 (可能更多都未定)
不過而加呢個版本我都收貨, 同當初差好遠

Andykong

jan2115 發表於 2014-1-29 14:02
ching想問點updata  firmware，我copy左落張卡到要禁d咩

http://www.fiio.cn/UploadFiles/m ... /20140115183315.zip  (page 4)

柏崎夜空

今次等小妹decode呢d偽工程用語幫大家排毒

其實 firmware 的調音效果可以好大, 甚至比换零件更明顯

「其實…可以」呢種句式最易過骨，呢種叫一般論述，有可能發生唔代表係普遍現象，而且同你討論緊個部機係咪有關先？唔講換咩零件，同點改寫firmware，呢種講法只係purely water blowing。

X5 係用  PCM1792a 解碼, 呢粒 chip 其實是  pcm1794 的  software controlled 版, 即係成個解碼部份是軟件控制

唔識既人睇到呢度一般都會覺得PCM1792A 同出晒名既勁chips PCM1794差唔多，實情係點，好心你睇下spec sheet先啦。

功能齊備的 beta firmware 和 optimise 好的 production firmware 其實可以完全唔同, 所以我12 月聽過 demo 機後, 我曾在此分享, 要比 D 時間做好調音先作定論, 就是因為我知粒  PCM1792a 是軟控的。

因為粒chips係software 所以software 寫得唔好俾機會人改，同部機線路唔完善，所以俾d時間人地改，講緊同樣既野。小妹看到既係有時d人會好樂意俾機會，有時就唔會，咁同「俾個機會個男仔改過啦，一次偷食者(佢Brad Pitt咁既樣仲要高富帥)」vs 「毒男仲要偷睇咸網好難接受攞(佢又毒又窮)」，都唔明點解要俾機會佢，明顯係有「私心」同「偏心」啦。Sorry

DX50 由 v1.2.0 開始叫做  stable, 到現在 v1.2.8, 累積的音效分别都幾大, 尤其改到供電時, 又點會唔改聲。 其實現在D 機, DSP 已扮演主導角式, development team 會 software engineers 會多過  electronic engineers, 所以由  beta version 到 production version 唔同晒聲, 是見怪不怪。

都係咁啦，dx50同fiio又唔啦家，同公司就話有track record啫(但你睇而家D新機同舊機差好遠就知呢D assumption廢架啦，今日有錢仔聽日都可以變敗家啦)，何況而家無？計我話期待同幻想總係美好既，但現實就好殘酷攞，我就諗唔到理由點樣憑而家既野信呢間公司會得攞。

改零件方面, 我相信只能趕及换組裝零件, 主版全部  surface mount component, 要再買料改線人手换件應該做唔切, 但換其他非  surface mount 零件則不是問題, 例如將轉盤由金屬網面改膠皮都得, 但這是涉及操控和組裝多 D, 咁換個  3.5mm 插都會有影響, 但唔會好大分别囉!

我唔知「不是問題」既信心點黎啦，我剩係知道拆機改裝好難啫，，然後又係好常見既錯誤類比法︰換3.5插無分別，唔代表換caps/ 換電阻無分別。IMOD 同 RWAK100 剩係飛條線，咪又有一堆人講到識飛咁 - 無實物，無線路，無

Andykong

柏崎夜空 發表於 2014-1-29 15:01
今次等小妹decode呢d偽工程用語幫大家排毒

確實係點講都得，但我聽過 AK100 vs RWAK100，又確實是有明顯分別，而且算係正面改善，值唔值咁貴就見人見智，我唔肯比都唔代表人地唔比，但如果 X5 demo vs X5 production 確實是有 AK100 vs RWAK100 既分別，咁 3K 樓下買  X5 production，我比囉！

其實你遂個字來捉我語言偽術，何不直接指出錯誤內容，例如 PCM1792 vs PCM1794 有什麼實際分別? 例如 X5 點解無可能由 firmware upgrade 便達到今次的改善？例如現在賣緊既 X5 點樣唔得？

提供資訊的交享比找疑點和錯處的分享更幫到大家，我都希望大家知多 D，做個精明消費者，你證明我白撞都於事無補，對嗎？

柏崎夜空

Andykong 發表於 2014-1-29 15:23
確實係點講都得，但我聽過 AK100 vs RWAK100，又確實是有明顯分別，而且算係正面改善，值唔值咁貴就見人 ...

好好笑攞，指出晒你錯咩就話睇唔到，然後反問「何不直接指出錯誤內容」，呢D文字功力小妹真係服左你。

PCM1792 vs PCM1794既分別，spec sheet咪有攞，我係度條列出來有咩意思，唔係你以為睇spec sheet可以認聲掛？唔可能攞。

同埋唔好屈我，我無話過x5無可能大改善，我針對既係，點解有人咁願意俾機會一部DEMO好難聽又無往績既機，仲要去相信佢會因為改左firmware就會好聲左。我係唔明點解。仲有如果係firmware問題，我唔明點解demo唔upgrade左佢，而家呢個情況我聽左部demo我鬼會預到你production唔係咁既聲，又如果有人鐘意demo既調音多D呢(機會低D咁啦)?

以小妹聽過X5 demo既聲音，簡單講就係非常差勁，聲音假乾尖，音場奇怪，呢個價錢我會用番舊iPod攞。

tkkhome

柏崎夜空 發表於 2014-1-29 16:08
好好笑攞，指出晒你錯咩就話睇唔到，然後反問「何不直接指出錯誤內容」，呢D文字功力小妹真係服左你。

P ...

我同意你的看法，硬件唔得，firmware 再好都冇用，firmware 唔係識飛既，firmware寫得再好都冇可能變做一部萬元級的player,軟硬件在player的影響我認為是二比八吧，所以正式賣街的x5已經算是另一款產品了，因為零件有不同

Andykong

柏崎夜空 發表於 2014-1-29 16:08

我針對既係，點解有人咁願意俾機會一部DEMO好難聽又無往績既機，仲要去相信佢會因為改左firmware就會好聲左。我係唔明點解。仲有如果係firmware問題，我唔明點解demo唔upgrade左佢，而家呢個情況我聽左部demo我鬼會預到你production唔係咁既聲，又如果有人鐘意demo既調音多D呢(機會低D咁啦)?

既然重點係呢度，我又盡量回應啦！

我都係聽完兩次 demo 機，接受唔到，所以睇晒 Head Fi 既報告 (Fiio 有將機交比 Head-Fier 循迴測試)，就算評價非常正面，我都無入手。問過某店幾次可否有 production version 試聽。其實唔蠢既都識諗，佢 3 月先有行貨賣，Fiio 講明頭批 2000 件唔比佢地賣，佢去淘記跳部 production 機返來唔難，但個客聽完話要買，咁無貨比人，點算好先？你無貨，個客唔會等你 2-3 個月，咁人地去買水貨，或者自已淘，咁咪無左個客囉！所以門市做法，有貨賣就即極落力 sell，無貨賣咪唔做野住囉！更甚者當日 DX50 斷貨時，唔小鋪頭話 「DX50 非常衰聲， X3 好好多唔好等啦」，當然到 DX50 返貨他佢地又換了對白。玩左咁多年，有幾何見到 sales 係用心幫個客或者幫間廠架？如果從保障生意做出發點，唔難明白點解會讓部 demo 繼續 outdate 的。

Fiio X3 出左一年，以 2013 年中計，$16xx 買到，我覺得收貨，你可能 prefer IPC，無問題啊，大家各有 preference，最後我無揀佢係因為 DX50 靚仔 D 兼可以換電池，如果講聲，兩部同價我都收貨 (DX50 頂底有 roll off, 長聽會舒服 D)。由面世後 Fiio 有 firmware update， 唔好話聲改善幾多，剩係 X3 由 10小時續航 optimize 到 16 小時，再經 firmware update 加 DSD support 和 USB DAC 功能，千零蚊想點啊？有人從此立論話 X3 本身未成熟就攞出來賣，不值得信任；但我睇到既係當日佢出時已經有很高的 C/P 和競爭力，而且仲持續改善，大家各自有獨立的 opinion，唔需要一定認同既，但亦無必要指控或解釋，多 D 空間各自發展，各自精彩，何樂而不為呢？

至於 X5 既發展，上年 4 月初已經係 Head Fi  開吹水帖，現在未 international launch 都吹到 259 頁 (我只睇左大半，頭個 100 頁太天花龍鳳跟得無咁貼)。中間睇住老板親自係 Head Fi 同用家交流，人地話佢錯既，只要講得通，佢認，肯改，有承諾既都未有空頭記錄 (無論 X3 定 X5)。瞭解用家要求後亦會 adjust 自已既產品計劃，例如用兩個 SD slot 加大 capacity (原建議加大內傳會改 product cost)，老板落場做 show 和用家交流「聽取民意」我見唔小，但真係持續咁做是小見的，仲要坦誠交流話「你要咁咁咁我要加價先得，所以做唔到，不如我改成咁咁大家點睇？」，我欣賞佢既做法，請問呢樣又是否需要解釋呢？

到我睇左 muffy 師兄既開箱文，覺得有唔同計法。HeadFi 講到識飛都好，佢地未聽過部 demo 機有幾差，所以未能作準。但有自已傾開計既師兄親口証實，淘寶貨同 demo 機有很大分別，咁 HeadFi 既 review 咪可以接納成 reference opinion 囉，所以呢個時候我認為可以落單，我明白係仲有風險，早玩早享受，遲玩平幾舊是常識吧！ 2700 入手，遲 D 行貨 3000，咁唔鐘意即放出去蝕幾多先？ 最多咪 3 舊，呢個風險值唔值博大家獨立決定啦，成年人唔需要睇人頭，也唔需要由別人認同的。

其實大家聽到和睇到既都一樣，唔明點解唔可以心平氣和來分享，就算有不同意見，咪 agree to disagree 囉，有大不了？

打到呢度，真係有點手指軟，老人家用 Q9 係唔多夠效率，但相信「越辯越明」去到呢度，都已經無需再辯，明既會明，唔明既由佢啦，大家不妨繼續懷疑 X5 係咪真係好聲，我有貨在手，又信自已隻耳，明天是大除夕，小弟提早放大假，好好享用我件新玩具，恕我失陪了。

jan2115

Andykong 發表於 2014-1-29 17:57
既然重點係呢度，我又盡量回應啦！

我都係聽完兩次 demo 機，接受唔到，所以睇晒 Head Fi 既報告 (Fiio ...

ching洗咩咁勞氣，大家分享下新玩具開心咪得lol，d人系都覺得自己部機最好聲都無辦法，2千零蚊部機你估佢曉飛咩

Matt.P

Andykong 發表於 2014-1-29 17:57
既然重點係呢度，我又盡量回應啦！

我都係聽完兩次 demo 機，接受唔到，所以睇晒 Head Fi 既報告 (Fiio ...

不如咁啦，師兄新年拜完年有時間，抽一日約大家試下部x5咪仲好，何必筆戰？

jasone_ti

恕我中文差,從andy師兄的回應中實在看不到有回答到柏崎師兄的質疑,只是在1872
現在的情況是沒實物試
我絕對同意越辯越明,可惜你只是在1872,說完不同詳細'解釋'後被質疑卻以其他東西回應,例如你可以講下1972同1974似在那,data sheet人人都有
至於你話睇同聽到既一樣,更加唔係
得你有實機,面對任何質疑只需用你未聽過真野黎回應,你點玩都得
我聽到既demo好垃圾,但我睇到既版本係換fw完cp爆燈,唔好玩啦
各路打手又做唔齊功貨,淨更新fw要推遲咁多?咪玩啦
討論係好,但你唔知你同咩人討論呢
你又知唔知咩係炒屎王?佢直程有上依度添
Fiio 阿翠思 noble連續有人寫,佢朋友落哂奶力谷行添
對住依d人點討論?