小弟的整個參考級兩聲道系統 (無味、冰凍聲、平直低失真)

jastudio

Parco 發表於 2013-12-23 14:10
佢係冷，結實，但唔乾唔硬，亦唔衝

如果做得音源唔靚，由於佢好既照放大醜既亦照放大，唔過濾，乜狗屎垃 ...

哇好想上黎開吓眼界
快D搞家访
(Post76 Android 手機版送出)

Parco

jastudio 發表於 2013-12-23 15:33
哇好想上黎開吓眼界
快D搞家访
(Post76 Android 手機版送出)

好呀，歡迎歡迎
不過小弟 26  - 29 號會唔係香港，所以我諗要係 29 號打後先得，睇下師兄們可以約齊幾個一齊上又得，單挑亦得，得左

samuelhin

勁！仲有高手！

eyebyeye

Parco 發表於 2013-12-23 15:01
1. http://www.soundonsound.com/sos/aug06/articles/studiosos_0806.htm
哦，咁唔知師兄係你唔得定佢唔 ...

1)Parco兄應該係對喇叭好有研究, 請教一下,

a)如果以單一有足夠驅動力power Amp推全頻喇叭,唔知低音反射式(迷宮式)及氣墊式低音單元的喇叭,何者可以表現更佳的控制速度及相位準確度?

b)帶8吋低音單元的兩路喇叭, 該低音單元與高音單元的分頻點應設定在那裡?

c)假設該8吋低音單元需承擔20 - 8kHz的頻率響應范圍,除卻音色差異變化不計,其聲壓效率是否可做到+/-3db平直呢?如果可以的話,三路三單元(或更多路多單元)的全頻喇叭設計者是否愚不可及呢?

2)如果Parco兄你話尼對喇叭咁perfect, 唔明白點解兄台在#14樓話："好彩我呢度放唔落對 15 吋..."呢?

Parco

eyebyeye 發表於 2013-12-23 17:23
1)Parco兄應該係對喇叭好有研究, 請教一下,

a)如果以單一有足夠驅動力power Amp推全頻喇叭,唔知低音反射 ...

1a
兩者都唔多夠，唔係話佢地必定唔得，而係 monitor 仲有一個好重要的大前提，就係要反應快同低失真，我唔認為師兄所講的兩種所產生的失真會比簡單向前反射或向後直線傳導的低，尤其氣墊式係更加無人會用，好假，所以你唔會見 ATC, B&W, studer, Genelec 等知名靚專業 mon 甚至係數字台的退役老德國 monitors 會用師兄所講的兩種，為左低頻而犧牲保真度絕不能作為 monitors，氣墊式果D未聽過可以做 mon，頂多只能自娛

1b
邊隻 woofer driver 同邊隻 tweeter driver 先? 唔同牌字唔同 model，隻隻既頻響都唔同，test 出來條 line 都唔同，唔係淨係師兄你玩開果幾隻就可以為全世界下定論，何況邊隻配邊隻都好重要，唔係隻隻 woofer tweeter 都夾，亦唔係隻隻 driver 都可以做 mon, 所以通常好少自己由零起 DIY 喇叭，因為要廠預先夾好先，買左之後有邊D要執先再自己拆開佢摩改，盡量唔會影響到佢的頻響線，所以業界行內真正信的過的 monitors 唔會有好多。

1c
分二路三路定四路唔係好似師兄咁劃一讀死書紙上談兵就可以下定論，理論同現實通常都有一點差距。邊一隻 mon 用二路定三路，幾多路分音，主要係睇你 drivers 的特性同箱體的設計，如果你的 woofer 反應夠快，可以上高音D都唔會衰減失真的話，可以用二路都無問題，有D就要三四五路先得 (monitor 好少四五路，因為一般反應夠快)，不過如果分音大多而 passive crossover 又唔夠靚的話，咁可能仲衰。何況，最後結果都係要聽，再測量校對 metering 同 measure 確認過先得，而唔係紙上談兵一本通書睇到老就得。何況小弟並無講過小弟的 mon 已經係頂級果D，小弟果套對專業 studio 來講只係入門級，師兄有機會至少都要聽下 ATC，莫講話係 studer

2
佢的確係能夠平直驅動到個振膜，不過打落空氣再傳入耳又係另一回事，因為空氣本身既係傳導體，亦同時又係吸音物料。我自己呢對，我用過校對碟來做過 freq level test，我呢對 mon 最低可以出到 30Hz 而無任何減弱，但 30Hz 以下就開始走下坡。但以做野來講，的確可以準確 mon 到絕大部份音樂，唯獨係 mon 大棚管弦樂的 bass 略有不足，未能出得足佢原本的氣勢。同埋我無話過我自己呢對 mon 係最 perfect，小弟的對業界來講絕對唔係最 perfect，只係入門級，小弟所講的所有準則大部份 studio mon 都好過佢好多，只係對於一般你地民用器材來講差距好遠，才會有個好似好 perfect 的錯覺，你真係要搵呀 Kent Poon 搵對 ATC 來聽下 (不過 Kent 爺近排已經開始轉玩瑞士 Weiss 野，唔知佢套 ATC 扔左未)，即係話，真正最 perfect 的果一堆 mon 的聲音係你地無法想像的。

eyebyeye

Parco 發表於 2013-12-23 19:05
1a
兩者都唔多夠，唔係話佢地必定唔得，而係 monitor 仲有一個好重要的大前提，就係要反應快同低失真，我 ...

1)我無講你其他器材,線材優劣,祗係覺得以你講得咁巴閉,用呢對咁設計嘅喇叭,應該達唔到你所想要的perfect 全頻平直、快速、線性, 交唔齊貨唧, 你自己都承認啦...

2)你話"氣墊式係更加無人會用，好假..."!?哈哈! 你知否絕大部份頂級揚聲器如Dynaudio, Gryphon, Genesis, Magico, Wilson Audio...都係用氣墊式設計? 唔知嘅真係俾你嚇死!

3)雖然玩HiFi同玩studio monitor確有部份唔同的取向,從來河水不犯井水，但其實頂級HiFi都一樣要求低失真高還原度、全頻平衡、速度動態、音色像真等等,一樣唔會filter左應有的noise,進一步更要求音樂感,或以大型揚聲及場地以營造現場感,並非如你所說"會有任何味道, 音色美化效果, 處理到 "特別好聽", 或 "暖聲" 或有任何潤飾"。"...所以要調得好聲征服此套器材的難度都要比任何一般家庭民用機的大...",簡直係夜郎自大,Bull Shit!

睇你寫嘢獅咁大個鼻,自吹自擂,無讚你係高手,小小異議唧就發晒老脾,咪以為你自己玩studio monitor就一定係好醒先得格,大把人玩得好個你啦! 唔係買齊所有studio器材就一定做到好嘅錄音師、音樂人架,本身無人格及音樂修養,光是調果幾粒EQ都有排你學啦! 哈哈!

siuping

我相信唔會有 producer 話部 Mackie mixer 係冷聲，behringer 要比佢更冷更中性…
至於咪方面，要乾淨通透應該揀 Sennheiser，大部份厚聲底 vocalist 都用佢…  shure 係帶有厚潤感既音染，更何況一支膽電容咪，所以單睇器材本身已經同主題唔太吻合…

Parco

eyebyeye 發表於 2013-12-24 01:06
1)我無講你其他器材,線材優劣,祗係覺得以你講得咁巴閉,用呢對咁設計嘅喇叭,應該達唔到你所想要的perfect  ...

1. 首先我無講過我D野好巴閉，只係師兄你自己自作多情有點妄想覺得人地自我稱霸。何況，即使係瑞士野，都一山還有一山高，即使你有三百幾萬買對 studer 都唔係叫咩巴閉，成日都用巴唔巴閉的思維去度己度人，無論係家機定專業機都肯定唔係一個識玩之人的態度。同咁既人傾談已經好浪費時間。我無承認過我自己果對唔係快速、線性喎，何況如果你認為唔夠快的話，咁請師兄先行定義點為之夠快，高鐵又係叫快，法拉里又係叫快，747 又係叫快，定係講牙買加保特果種快先？佢的確係驅動上全頻平直喎，我認既只係  30Hz 以下個 air acoustic arrival 的 power 有 damping, 同 level damping 係兩回事，何況，你需要 20Hz 以下夠力來俾邊個聽呢? 大笨象？
仲有喎，如果師兄你真係講到你自己真係咁識玩的話，應該唔會未聽過後級的價一定要是喇叭的價的至少 1.5 - 2 倍，所以後級靚過喇叭幾倍係好正常，要記住大馬拉小車的效果永遠好過小馬拉大車，所以點解好多錄音室即使用到德國後級，都依然只係用英國喇叭。一對只係發揮到 30%-40% 的貴喇叭其實係難聽過一對發揮到 100% 的平喇叭。尤其係果D 4000 元 AV 音箱用一堆 100 元的功放來推真係只能當係 AM 收音機收得太差。單單係小弟的玩法就己經可以發揮到九成幾。所以你唔會係人地的同一對喇叭同一部前後級度聽到一模一樣的聲，上個月家訪果幾位老師傅，我開頭搵塊薄布簾遮住套系統，無一位師傅肯相信咁既聲係出自此套系統，直至我移除布簾嚇驚佢地之後，佢地都亦然四周搜查全屋以為我真係會收埋另一套貴好多既系統來存心呃佢地，死都唔肯信自己對眼。
仲有喎，pro studio mon 仲要比一般家庭機有更大一點的 damping factor 喎，因為 pro studio mon 對控制力同低失真要求更高，對單元振盆的控制更加要係控制到定到死一死。

2. 你講既果幾個牌子只有兩三個有 studio monitors
a. 有好多其實唔係 pro reference monitors, 只係 PA and for 練習用的 mon，同 pro 參考校對要求的 mon 有好多分別 (何況 studio mon 仲有分近場中場遠場)
b. 好多時廠方所謂的 monitor，業界之中都未必隻隻當係 monitors，相反某一D廠方並無標明係 pro mon 的喇叭，業界仍然會當佢係 pro mon 咁用，即係話，係唔係 mon 唔係廠品牌話係就係，唔係就唔係，一切都有業界手中行家之間流傳話事，只係好多時兩者意見都相差不遠。所以如果閣下係某品牌的代理，批發或銷售東主的話，咁就真係可以慳返啖氣了。
c. 咁你要先講清礎氣墊式的定義先？如果你所講的係 driver 向下向地板的話，咁就肯定唔會係 pro mon, 有的都只能作為 PA 用 mon, studio 係唔會用一個獨立 mono 或置中的 subwoofer 的。如果你所講的係指密閉式封箱的話，以前會有，而家幾乎無，因為密閉所造成的「假 bass」本身個音染失真已經唔細，已經搞亂左原本錄出來的原音。如果你係指填充吸音物料「模仿」既果種的話，你可以話我果對係，裡面的確有大量類似物料。

3. 你講呀師兄？如果你真係用咁既系統當 hifi 咁口味奇特的話，恭喜你，你好快會俾一大班發燒友圍攻，出來話你套野又冷硬衝了。你慢慢同咁多位師兄解決你既「夜郎自大」啦，haha, bullshit.

4. 老實講喎，就算我個鼻無獅子咁大個鼻，都肯定有資格猴王咁大把口，唔係在於小弟有邊D器材，而係在於好多老行家都肯肯定小弟的發揮器材的技巧，即使你再點踩都好，係現實中都仍有唔少肯定，DMT 個老細佢屋企的 CAS 同 DAW 係我同佢 tweak 的，連我自己的 Tony 叔的 DAW 系統又係我同佢 config 同 setup，連鄧氏同文化中心果位特約老錄音師果部野都要搵我去搞，可以肯定的係，如果無小弟獨門的玩法的話，你係同難搵到有同一套器材可以出到同一水準的聲。所以咪以為你自己玩高價靚 hifi 器材就一定係好醒先得格, 大把人玩平器材玩得好個你靚聲過你啦! 自吹自擂,無讚我係高手,小小異議唧就發晒老脾？莫非師兄飲大左幾杯就見到一D我地都見唔到既野？你呢種人我見過好多啦，佢地講講下咪又只係空心老棺的土豪，好似隔離數字台有一班老而不化，自得娛樂的老人家，成日以為 software effecters 只係識模仿實物 analog hardware effecters 的聲，覺得永世都係衰聲，但自從我俾佢地聽過呢個 reverb 之後：http://www.2caudio.com/products/aether，佢地就已經開始受左好大刺激失常，老羞成怒落唔到台的九唔搭八離題萬丈了，小弟就買定爆谷睇下呢度又會有幾多台老羞成怒的大龍鳳。覺得好似好唔尊重佢地？正常，因為佢地又唔係 Tony 果種老人家咁，開放接受任何 timeline 的技術及科技，有容乃大，只要係好聲同有水準的都照客觀對待，呢D經常 update 的先係值得尊敬的老師傅，數字台果班？果次我同 Tony 食飯同佢講返，大家都幾十歲人 Tony 都照樣恥笑佢地啦，人地而家玩到連 win8.1 touch mon digital console controller 都學人玩埋。睇左你寫的咁耐，你這種人，晒氣同你發老脾？慳D啦，多你一個唔多，呢D咪又只係買定花生等睇戲咪算囉，你無咁既能力可以動到我真氣，你會唔醒太高估你自己呢？唔係有套hiend家庭器材就可以學人當自己係好嘅錄音師、音樂人架，本身無專業態度。如果你能夠解釋得到俾我聽咩係 air acoustic 的 Damping factor (唔係器材電的 damping factor) 之後先再慢慢教你用幾多個 EQ 音來玩啦 (其實而家咁多好 effects 仲會有幾多人真係咁依賴 EQ? update 下啦)，哈哈，你連玩得晒 Aether 都有果難，師兄你唔係淨係一味寫嘢大笨象咁大個鼻，自吹自擂就得架嘛，哈哈哈哈，算罷啦你，哈哈哈哈哈

Parco

siuping 發表於 2013-12-24 10:31
我相信唔會有 producer 話部 Mackie mixer 係冷聲，behringer 要比佢更冷更中性…
至於咪方面， ...

師兄你要睇下係邊隻 Mackie 喎，純種舊 Mackie? 定係而家有個公仔頭 made in china 的 VLZ3? 中國的會爆炸喎，哈哈

Shure 唔係支支 mic 都係厚潤沉實喎，如果你講緊既係 SM58 的話就完全正確，果支我都玩過，仲幾難推幾難 gain 下，但 Beta57A 係好唔同架喎，果支都叫厚沉？師兄你究竟有無真係玩過 Beta57A 呢一隻架？唔可能用第支 shure 代表到呢支喎。
同埋師兄唔係諗住 dynamic 既高音可以同 condenser 有得比掛，兩種用途好唔同喎

仲有，小弟所講的主題形容詞只係指播放系統，而唔係講拾音系統，希望師兄唔會係搞錯左。
拾音錄音你可以想錄幾暖幾凍都得，隨你自己的音樂調音風格喜好而玩，有人仲故意做個膽 guitar amp 添。只係 monitor 的系統必須符合我所講的要求範圍之內，一定程度的平直同低失真。所以 mon 唔可以暖唔可以用膽，但收音拾音可以因情況用。咁先係開工。