YYSKY 師兄之 : 更換 TV 針座電源線 - 實習篇

john.cwk

YYSKY 發表於 2013-6-4 00:59
徒弟仔咁夜至回應你係有啲苦衷，因為一定要加你分，但手機做唔到所以咁遲，下午已睇過三次呢個post，而家再 ...

多謝師父加分
師父唔好咁講啦!  您已經比左最好既我 (讓我部 TV 終可用到紅腸 )
而且無師父根本不會有這個 topic

---

師父曾說過 :

「 貼牆不能用IEC座唔夠位轉，唔係啲廠點解唔落呀，如果唔貼牆加番個座都好，

    內部用1mm金銀單支線做OK。

    內部走唔到之字係殼外走都得，出殼後走L形順住插電方向用Cable座索帶固定。」
底座 + 曲尺 IEC + TV 最左邊用來穩固電源線果粒 Heat Sink，就是依著上面要求所造出來的

---

另師父要求 1mm 單支線，我度過條銀線蕊原來只有 0.5mm，所以再買了條 2mm 回來，
其線蕊最接近 1mm 的了(有 1.3mm)，其實.... 我是否弄錯了... 應該指連線皮 1mm 呢

---

師父還說過將線蕊直入 TV 針座， IEC 的銀線也照著做埋了  

YYSKY

john.cwk 發表於 2013-6-4 02:55
多謝師父加分
師父唔好咁講啦!  您已經比左最好既我 (讓我部 TV 終 ...

其實電線係計導體直徑，我指1mm足夠被10A電流通過即2200W，用粗咗只是難做及貴成本，通電大啲仲安全，用細咗就有潛在危險，因為要預備短路跳制前一刻給大電流通過的。

john.cwk

YYSKY 發表於 2013-6-4 03:28
其實電線係計導體直徑，我指1mm足夠被10A電流通過即2200W，用粗咗只是難做及貴成本，通電大啲仲安全，用 ...

還擔心自己是否弄錯了   該晒師師父!

YYSKY

第二層⋯

圖文並茂係你強項，都花不少時間來做，你會得用支架來固定條線，相當難得，好有構思能力，相信係揸住條紅膠或卡尺去配的。
有老虎鉗都幾肯買架撐，應該平時都整呢樣那樣的，完全似足我呀，當年我成個擴音機殼都係自己摺，而家做咗古董放係私人博物館。
見你用石屎釘打賓子，好專業，市面有一隻叫自動賓子，只需用力壓下即自動打不用拿鎚仔撞，多出隻手好做好多啦。

不過係我就用1分厚4或6分闊鋁片摺，比較省工序，摺啱凹形中間開4個孔用索帶固定，當然現時你做法強度大好多。

基本上成個過程由你製作出來，啲相片無必要用我名做水印啦。

YYSKY

第三層⋯

亞加力膠片有潛在危險，要換用電木板，

可能被我誤導咗，係我話膠片，而家睇見你圖文先聯想到有呢個危險，所以話開發一件產品細微問題要見到至想像得到。

B5呢個盒仔好易撞爆，如上所述改為電木板工序大，不能用黏貼方法，要上羅絲，建議用老鼠尾方式，但是接線有外殻的IEC座無靚料的，或者可以用個硬膠盒仔代替照原來方式安裝，華輝可配到啱用的。

A5圖你單看這圖不難發覺潛在危險係乜，需然而家是夾實條線，但線尾一擺動個線芯係跟隨郁動的，當你將佢摺一個90度固定，之後點擺動個線芯係唔郁的，你可試驗下，線芯郁動底板插座有機會爆裂，所以我相當強調呢點。

YYSKY

第四層⋯

買線會得預長少許底讚，買長半尺都唔平，啲圖有畫中畫值得一讚，

線頭應該開長少少，因為扭實後可能會短咗㗎，扭實後再cut啱長度個線頭係齊口，個線口唔齊在接線時有分別㗎無咁穩固的，呢個情況焊錫問題不大，

啲針做得好靚，老實講我未必做到咁好，年紀大手振振呀。

安全測試，連續23小時⋯服咗你，30分鐘已足夠啦，在露風情況下我有啲保留，點樣試要再研究。

母針有微溫⋯唔合格啦，呢類接線任何一點都唔會發熱的，微溫即是過電流不足，有幾個可能，本身材料純度不足變成低ohm電阻，或是針套針中間接觸點不夠大，可加焊錫補救，同時在整支針外面上層錫由線頭至針尾，加大過電能力。

YYSKY

第五層⋯

啤鉗都買埋勵害呀，嚴格來計呢條銀線次咗少少，呢條音樂絲帶二手銀番做，不過都夠用，

直接銀線係乸針裡碰接個座，又一次證明你的思維創意，不過要問個座隻腳係方形還是元形呢，若係元形怕會接觸面不夠大，應該配啱支針銀線焊外面，因公乸弧度相同接觸面最大最好，方形的話咁條單支銀必須鎚成平面來增加接觸面，而乸針都最好方形做到最大接觸面。

單支銀多套一條熱縮管會更好。

YYSKY

第六層⋯

基本上無問題，只是順便一提，

DIY電源線裡水線係頭到尾要接好，不能話個TV不用水線就頭尾插不接水線，萬一插去別的鐵殼機器用，咁變成無接水氣係極為危險的，有屏蔽網就只接蘇頭那邊，尾插不接。

而紅腸直入機這條個蘇頭都要接水線及屏蔽網的，因水線在L線與N線之間扭絞的，有化氣作用，若需要改變方向插電時，要盡量抝條線改變方向，唔係拿著蘇頭拖過去，都係擔心郁動到個底板座啫。

YYSKY

john.cwk 發表於 2013-6-3 20:09
多謝晶 Sir 加分

本來打算做畫質比較，誰知部 Bluray 一定格就濛...  

唔一定要停畫面至拍攝的。

YYSKY

好明顯，徒弟仔係不怕麻煩無限耐性地做兩種版本，圖文並茂精心製作而成為實例，極具參考價值，

但都提醒有意改做的師兄們，內裡包含所需工具知識等等，請先衡量自己能力所及至開展。

我個人比較喜歡用盒仔裝個座，方便玩換線好玩啲。

再一次多謝徒弟仔幫我將純理論構思變成真實，其間不斷修正改做，老點咗佢用膠片，而家至諗到電木板，sorry呀。

大部份具創意製作的係佢個人諗到，為徒弟仔鼓掌。