不吐不快...影音舖態度

ilavbnm

fmchan 發表於 2013-5-14 18:40
呢D咪係佢地做生意之道囉. 誰是誰非冇所謂, 最緊要有"效益"地"生存".

生存空間一定有...不過已經細左好多
唔擴大市場...效益亦只會越來越少
以前成條西洋菜街都係影音店...依家不復再囉
鴨寮街都變晒賣電話&攝影器材o既舖頭囉
香港地...做影音店難做...做顧客又受氣...點解攪成咁...

Wilmer威馬

ilavbnm 發表於 2013-5-15 02:18
生存空間一定有...不過已經細左好多
唔擴大市場...效益亦只會越來越少
以前成條西洋菜街都係影音店...依 ...

其實一隻手掌拍唔響，上得 Post76 肯分享 o既 ching 已經係絕世好客，但係就算動員全 Post76 注冊會員，又可以養得起幾多間舖同養到幾耐？咁大家可以想像下全港有幾多低質消費者。。。。。

好似前面大家話唔知地庫點解咁報價，我 02 年前響地庫打過工，有超過 4 成客係格價格得好克人憎，因為行幾步就第二間舖，呢 d 克人憎格價客捉到旺角區競爭大間間舖都唔想放生比第二間呢個心理，例如件貨標價 $1.5K，一般折實 $1.2K，可以打死狗同 A 舖講價講到 $1K，然後就走去 B 舖格完就話 A 舖報 8 舊！8 舊可能係返貨價冇生意先格硬做賺數期 turn 錢，但係最麻煩係格通街之後同行之間產生誤會，就互相向代理投訴。

再深入 d，有 d 舖因為呢個現像成形後，就借題發揮去向代理投訴攻擊某 d 同行，等代理 cut 佢地貨，久而久之，地庫就用「買先報實價」呢招去擋 d 克人憎格價客，其實幫襯過地庫都知，例如件貨標價 $1.5K，佢地一開口已經會報 $1.2K，你唔講價都唔會買貴，而只要你真係表示到係真幫襯，唔會減 $50 咁小家，一定直落 $1K，如果了解左，其實冇乜大不了。

不過 hifi 行最大問題係冇左班中層人材，老板級 o既老屎忽享受過香港 o既光輝歲月返唔到轉頭變左揀客做、後生果班店員仔又完全唔敬業，即係冇真正 o既 sales，其實呢個現像唔止 hifi 行，好多行業 o既 sales 最多都係公司大資源足跟書背，好 d 就多 d 所謂培訓，但真係要佢地說服個客由只係 window shopping 到肯比錢、sell 走件貨！？嘿！嘿！亦係呢個原因，大部份人會自己做好哂功課，出動就只係格價。。。。。相對性，久而久之，亦變成大部份人唔再主動信 sales，站於 sales 立場會變成咩心態？心照！

諗返 7、80 年代，冇咁多資訊，冇得自己做好哂功課，都係信 sales，果個年代坐舖果班（唔計西洋菜街盛極一時 o既飛磁頭黑店）就真係可以令個客由只係 window shopping 到肯比錢、sell 走件貨之餘，仲真係可以交心做到朋友！所以今日 o既景象，冰封三尺、非一日之寒，所以大家都係用一個「化」字去面對算啦！

obee

Wilmer威馬 發表於 2013-5-15 04:56
其實一隻手掌拍唔響，上得 Post76 肯分享 o既 ching 已經係絕世好客，但係就算動員全 Post76 注冊會員， ...

唔好望番轉頭, 香港一定好難好似8/90年代咁風光. 旺角多人格價都好正常, 人人買野都想平, 有錢賺就成交, 無得賺就bye bye.

Tomy

好懷念80年代音响盛世嘅西洋菜街。   

mattzxc

kenneth_obee 發表於 2013-5-15 10:08
唔好望番轉頭, 香港一定好難好似8/90年代咁風光. 旺角多人格價都好正常, 人人買野都想平, 有錢賺就成交,  ...

Agree...
生意就係咁做...有時買得咁貴GA野,真係唔係差果幾百一千,SERVICE做得好,俾多少少我又冇所謂....(唔知其他人係咪咁諗啦)
所以我第二次去地庫,買ND5XS時...SERVICE又唔同晒,唔知係咪我錯覺...

szetojason

Wilmer威馬 發表於 2013-5-15 04:56
其實一隻手掌拍唔響，上得 Post76 肯分享 o既 ching 已經係絕世好客，但係就算動員全 Post76 注冊會員， ...

我以前係旺電做電腦仲好笑,情況一樣,d客睇死我地要cash找數,1粒cpu,dvdrw,我地賣cost+$5,都大把客花2個钟行晒成个場,仲要同你講平多$2,真係水都唔想比我飲一滴,都唔好講乜,不过我唔食都仲要交租,咪又係笑住收$講多謝.最多係个心度XYZ佢

Wilmer威馬

kenneth_obee 發表於 2013-5-15 10:08
唔好望番轉頭, 香港一定好難好似8/90年代咁風光. 旺角多人格價都好正常, 人人買野都想平, 有錢賺就成交,  ...

唔係「風光」問題，係買、賣雙方自我態度問題，而家關鍵已經唔在於有幾多單生意，而係在於一單生意 o既成功率同愉快度，好似我咁，你最明白，開心 o既，唔洗你講我自動減價，唔開心 o既唔做，而呢份「開心」係建基在雙方，唔係單方面。

格價係正常，但係「作價」就等如屈，打死狗同老屈完全係兩回事。

Wilmer威馬

mattzxc 發表於 2013-5-15 11:09
Agree...
生意就係咁做...有時買得咁貴GA野,真係唔係差果幾百一千,SERVICE做得好,俾多少少我又冇所謂.... ...

佢地記得你就唔會再玩咁多擋格 o既花招，自然感覺都好 d

Wilmer威馬

szetojason 發表於 2013-5-15 11:25
我以前係旺電做電腦仲好笑,情況一樣,d客睇死我地要cash找數,1粒cpu,dvdrw,我地賣cost+$5,都大把客花2個钟 ...

唔算好笑啦！好多客直頭格硬 o黎，好似我賣 Tonemax 解码，Silkline II 報價 HK$4800，有客話淘仔先至 $3888，我話果個係人民幣價，人民幣￥3888，計埋運費貴過 HK$4800，佢居然仲理直氣壯大大聲咁話：「咩呀！？我睇繁體版香港站架！我成日淘野，有鑽架！昆我！？」，大佬。。。。不如你拎埋把孖人牌 o黎搶好唔好！？