不吐不快...影音舖態度

Momogo

上親旺角賣音響果幾層都係咁既感覺不良....
佢地好似都唔想做生意定覺得我地企係度睇佢D器材都有問題咁.....  
一入都去就話睇啱邊D隨便試....但一開聲話試又同你講,你係買先好試...
試都未試點買呀大佬....買部機返屋企聽唔同買棵菜呀.....
有時覺得唔係想運吉...而家想聽真D先出手姐
有時佢地好D服務....下次買野都一定第一時間去返你間舖頭幫襯你啦.....  
唔係點解成日D人都覺得旺角賣音響果D舖頭係劏舖....跟本初哥都無信心去幫襯佢
有D覺得香港音響普級化唔到....好大因素都係呢班人係度

眼見高級耳筒生意越做越大越普及....
其實都係有D舖頭開始比客人自己任試.....
試啱咪自動打開荷包比錢囉

好簡單....Apple D野好
都仲要配合埋好既服務....
D生意咪會自動送上門囉

各位師兄前輩們講錯唔好炳

4Ktv

但好多香港人試完後，再去無機demo 個D鋪去買平價貨，各有責任，而且有時有些Ching 試機時都要扮到一定會買個樣去試，扮豪客，就算唔係即刻買，都唔好扮到試試吥運吉個樣，人呢老sales 呢，識睇款，識睇格。

joe_76

十分同意ching的講法，點解洗$都要受氣呢！？

唔系話洗$大曬，而系一d基本的服務態度都無...如果我做廠商或代理，一家會filter過d retaliers先比佢賣，費是影響自己個品牌。

十年前系咁...今時今日都系咁...

~Do you hear people sing? Singing a song of angry men...it is a song of people who will not be slaves again...............~唔通真系要搞革命？！

sealteam4

唉，我以前都同你一樣氣憤
但自己生意見識多左見人多左(我並非音響業，其他服務性行業)，就知道生意難做，當你頭一年好用心去服侍客人時，十個有九個都係服務完取了資訊，甚至取完好處後，唔會幫襯，或者要更多禮品，講價.........最後白忙一場，一年二年後，就會麻木，然後就會冷漠，之後就變成一個衰人
我而家想提醒自己對客要有專業待客態度，但日日見又來同一個運吉MODE，各有苦處

當然，打開門做生意，預左，無論客人點，都要當所有人入來都是大客咁先得，呢點做上級的一定要教訓或教識(睇住)下面細的
這是必須的

AC812

joe_76 發表於 2013-5-10 14:49
十分同意ching的講法，點解洗$都要受氣呢！？

唔系話洗$大曬，而系一d基本的服務態度都無...如果我做廠商 ...

x2

calcal

當然，態度好的個客都未必返轉頭幫襯！相反，態度差的個客就絕對唔會返轉頭 (最少唔會再幫襯果個sales!)

Momogo

calcal 發表於 2013-5-10 15:12
當然，態度好的個客都未必返轉頭幫襯！相反，態度差的個客就絕對唔會返轉頭 (最少唔會再幫襯果個sales!) ...

Agree CalCal兄...係連再去果間舖頭都唔想

Momogo

4Ktv 發表於 2013-5-10 14:45
但好多香港人試完後，再去無機demo 個D鋪去買平價貨，各有責任，而且有時有些Ching 試機時都要扮到一定會買 ...

其實所有人都唔係即試即買....
仲要大部份產品都唔係一個平民化既價錢{:9_415:}
點解要扮豪客去試....因為佢地D老Sale太白鴿眼,大要分等級....唔係即刻買就當運吉{:9_422:}
所以音響舖係香港咪做黎做去都做唔到普及化囉....所以都覺得好灰{:9_405:}

rockerlam

我呢，好多時真心想出手先去試，咁多數我都會帶埋架車仔，諗住試o岩就比錢搬走，

可能架車仔比人覺得有誠意會買，所以好多時招呼都還可以。

blackcolor

我習慣響大鋪試，未遇過呢個問題！

再者，有時就算貴少少，都寧願返轉頭幫親曾經響人地到試機既鋪頭+sales! 人地有 heart serve 你，我覺得返轉頭搵返佢買都應該！

大家都係打份工啫！賣得貴係公司問題！但佢又比你試又幫你駁機，就係佢個人！

大家好來好去，世界都會美麗的！