不吐不快...影音舖態度

Tomy

喜喜天使 發表於 2013-5-11 11:35
不如正面啲講下禮貌店鋪啦，最近去過幾間毛幫襯刀感覺唔錯
馬sir
農埸

讚成.        

柏裕中心16樓 詠雅音响,服務態度唔錯.         
呢間賣線嘅都唔錯 ==>LABKABLE PRO SHOP 兆萬中心18樓.         

ADA

Wilmer威馬 發表於 2013-5-11 11:22
所以情願忙就做少 d，唔請人，依家 d 後生，十個有七個都同老闆有仇咁，唔知諗乜。。。。 ...

撞正d有煙引嘅重弊, 因為公司唔準食煙, 佢地定時就出街行一轉 !

馬爺辛苦你了.

Wilmer威馬

fmchan 發表於 2013-5-10 18:04
講真人地打開門口做生意, 點會唔明"生意"係應該點做咩? 所謂服務差既鋪頭, 到而家執笠未呀? 未既即係話佢地 ...

你講 o既野冇錯，所以有時我都做到幾灰，但係唔好唔記得，好多舖頭可以生存只係因為香港消費環境仲有一定優勢：交通方便、電子貨幣、個人信貸、基本購物保障、即係只係「時勢做英雄」，好似我響大陸果邊，就算同城同市 d 客都随時要坐成粒鐘車特登 o黎、舖頭想開卡機又唔係咁易、亦唔係個個客腰纏萬貫带定現金、去提款部機又隨時有每次限額仲要得雞碎咁多，三幾千可能麻 Q 煩煩要分幾次提、部份跨行提款又有手續費、大陸主流消費者又唔似香港人咁易有 credit card 或 OD 可以選擇先洗未來錢、市場又一街水貨、假貨、二手當全新同你爭，你試下叫香港呢班大哥將呢套「港式管理」搬上大陸呀！？唔好話執唔執，會唔會比客打，有冇命返香港先算啦！

我都其實算係嗅寸果隻，但係我至少唔會第一次入舖白鴿眼、唔會唔比試，但如果玩完一次又一次，次次擺明消磨時間、又或者真係態度差到 200% 消費之神上身果隻，我都會趕，仲出動埋「娘親」趕添！ 不過呢 d 情况只係小數，因為我唔會生客一入 o黎就埋身，只會點下頭，等佢自己睇，等個客真係有興趣主動問野，所以大部份所謂「過街老鼠」都唔會開口，真係搞搞震果 d 都未必即趕，睇態度啦！但會係有熟客在場個熟客都問做乜啋佢果 d 就真係可能會出動埋「娘親」趕啦！

所以唔好再太依賴香港一 d 先天基本優勢，經濟一年比一年差，好多呢 d「優勢」已經開始形同虛設，如果可以令到 d 客試完之後，心悦誠服咁儲錢 o黎比現金幫襯你，而唔係靠鬧價平到客人比埋利息 draw 錢幫襯你都仲 jetso，咁就係「英雄做時勢」啦！

Wilmer威馬

ADA 發表於 2013-5-11 12:02
撞正d有煙引嘅重弊, 因為公司唔準食煙, 佢地定時就出街行一轉 !  

馬爺辛苦你了.  

我都一日落幾次街食煙，不過好多後生食煙可以耐過食飯加痾屎果下利害呢！{:9_433:}

nicknick

Wilmer威馬 發表於 2013-5-11 12:03
你講 o既野冇錯，所以有時我都做到幾灰，但係唔好唔記得，好多舖頭可以生存只係因為香港消費環境仲有一定 ...

「消費之神上身」 ＜﹣﹣笑咗！

莫講話sales唔鍾意呢D人，我做客去舖頭睇野聽到D消費之神呀之呀左都會嫌佢地煩。

Wilmer威馬

nicknick 發表於 2013-5-11 12:12
「消費之神上身」 ＜﹣﹣笑咗！  

莫講話sales唔鍾意呢D人，我做客去舖頭睇野聽到D消費之神呀 ...

講起消費之神，試過有位大叔買套唔過千枱頭機仔，試過下已經呀之呀佐左成 9 個幾字，但係佢係買 o既，揸往張金牛叫開部新 o既，好！繼續忍。。。。check 完機後問有冇送貨 set 埋機駁埋線喎！我話幾百蚊野冇呢 d service 架啦！點知佢話：「我買電視送部幾百蚊藍光機，個師傅都同我 set 埋部藍光機、依家呢套機仔又係幾百蚊，仲係比錢買，點解唔可以 set 埋機？」，我當場就 O 左嘴幾秒，原來撞正個傻 o既！Ok。。。。我 pack 返部機，就開佢波：「咁你諗真 d 先返 o黎買啦！我呢度擺哂風水陣，好邪架！只要個交易唔開心，消費之神會詛咒你架！」。。。鬥傻 o羅！跟手佢好迷咁：「嘩。。。。咁架。。。。。咁唔洗 set 啦。。。。」，比錢，拎走！

rayray2525

果次去買LS50 最初係MK 友X某層睇 問埋佢LS50個價 佢本身已PLAY 緊 企係到聽 個SALES 見我地企係到聽 佢熄機...
我同我個FD都 O左   果下諗唔洗R 之後即走

我即刻坐車去TST SHOWROOM 試埋 比錢買 貴DD 都好過受氣

nicknick

Wilmer威馬 發表於 2013-5-11 12:38
講起消費之神，試過有位大叔買套唔過千枱頭機仔，試過下已經呀之呀佐左成 9 個幾字，但係佢係買 o既，揸 ...

佢聽你咁講完，可能驚唔買的話仲大兇，所以即俾錢！

喜喜天使

Tomy 發表於 2013-5-11 12:00
讚成.         

柏裕中心16樓 詠雅音响,服務態度唔錯.         

Ching你個減價post巧久毛更新喇

Tomy

喜喜天使 發表於 2013-5-11 13:22
Ching你個減價post巧久毛更新喇

噢…  個減價post係HoHo兄架，
我負責支持咋，睇書仔好似有D減價嘢，
今晚post.