本帖最後由 ghhf 於 2015-4-12 18:50 編輯
第三期改裝
終於來到最重要亦係最危險既第三期改裝, 其實之前都係臨時性既試驗, 係為呢個階段定案, 燒到上腦既小弟"野心"今期就完全表現哂出來, 放棄13A頭及插座盡量減少接點, 將所有接線換上高質單芯粗身單晶銅電源線, 最後亦採用並接方式為逆流器及WA6 SE接上大地, 第三期就告一段落! {:6_146:}
第三期改裝後既結果再一次讓小弟非常振奮! 雖然好似只係換咗短短幾條接線, 減少接點及優化接大地位置方式, 系統表現又進一步升級, 竟然仲可以有咁多細節, 非常有層次, 協調一致, 建構出咁完美感動場感, 小弟聽到既效果真係好難再用筆墨形容, 之前所有既努力, 巳經完全無憾, 一次過收獲成果! {:6_128:}
第四期係將最後既臨時接線排除去, 並採用接線直接互相銲上, 機箱鑽孔用螺絲固定逆流器及接線位置, 將後級供電系統逆流器完全屏蔽, Sofa底藏電就完滿告成! {:6_165:}
接地編全文
http://post76.hk/forum.php?mod=redirect&goto=findpost&ptid=189701&pid=3402742&fromuid=87952
(免責聲明: 所有電源改動及連線, 仍小弟跟據個人經驗實踐行為, 有關改動及連線可能會損壞相關器材, 及違反原廠保養條款, 甚至危害人身安全. 小弟無意鼓勵其他C兄模仿, 小弟亦不負責模仿後產生既任何後果同損失)
本帖最後由 ghhf 於 2015-4-19 20:17 編輯
小弟呢個星期雖然無咩搞作(其實係佈設緊大鑊嘢 {:6_122:}), 不過點都要做番d嘢過下手癮, 之前入手收埋咗大半年既古董, 今日先正式幫佢做完簡單番新維護, 安全第一, 上緊番d螺絲, check埋有無short, 換個新13A頭, 機殼接地, 龜裂咗電源線噴潤滑劑, 最後再套埋膠圈保護, 跟住做些少調整, 提高測試結果準度 {:6_146:}
試胆機{:6_128:}
(Post76 Android 手機版送出)
Ching, I think you can consider replacing the cable between psu and amp and the potimeter.
edm230 發表於 2015-4-19 20:25 static/image/common/back.gif
試胆機
(Post76 Android 手機版送出)
隨住時日增長，小弟d收藏都有番咁上下矩模啦，呢件古董以今日科技水平巳經唔能夠做足好全面測試，不過對小弟呢d扮下嘢既半專業(半桶水至真)就夠用啦，而且好玩得來又有懷舊味，最合小弟品性，結果重要不過唔係一切，可以同時享受過程就先係至爽 {:6_165:}
joyway 發表於 2015-4-20 00:05 static/image/common/back.gif
Ching, I think you can consider replacing the cable between psu and amp and the potimeter.
小弟其實想"移動"WA6 SE深入了解佢好耐架啦，有d地方又想執一執做些少優化，不過而家未係最好時機，一來未過一年保養期，二來想佢行順煲熟d先，三來係要做埋風險配套先再搞WA6 SE優化，應該會係不日上演(2015年年尾) {:6_122:}
本帖最後由 ghhf 於 2015-4-26 21:41 編輯
小弟今個星期繼續任性, 延續燈膽故事. 話説執好部tube tester, 正式進入玩膽另一階段, 始終係久經封塵古董又第一次正式試玩, 用一粒巳知係全新膽(平嘢, 玩死燒咗都唔覺肉痛既, 呢粒嘢似係俄版不過出聲效果真係幾正, 唔好以為小弟只聽名膽, 小弟好雜聽, 覺得佢性價比奇高, 所以一次過入咗全新10粒做儲備), 做試驗同攞個參考值. Tube tester選線路係測試5U4G全波整流膽, 要分別試二組線路, 以最頂標度作參考, 兩組讀數都大約係11, 太好啦! 部古董起碼仲行得, 做到基本測試 {:6_136:}
跟住找來小弟藏品三大系列NOS代表, 分別係西電274系列, GEC/ Osram/ Marconi及Tung Sol系列5U4G代表, 仲有最新入手既GZ34系列. 得到讀數分別大約係9-10(西電274系列用5U4G線路), 10-11(5U4G線路)及12(GZ34線路). 雖然小弟部tester無線路係直接測西電274系列, 不過5U4G線路下既讀數對小弟來講巳經足夠作為衡量優良膽管參考 {:6_122:}
另外小弟既西電274系列收藏亦差唔多囊括咗各階段及不同結構膽管, Globe 274A環集及杯集, 樽形274A杯集, 274B碟集及日集, 樽形274A黃印字D集, 其實小弟巳經大略聽到西電274系列其中分別及走向, 遲些少小弟再係"經典試聽大計"同各位C兄分享詳細聽感異同 {:6_146:}
講到最驚喜係小弟得到2粒金屬座版Mullard GZ34, 造形結構與小弟現有274及5U4G直熱式(Directly Heated)藏膽完全唔同, GZ34應該係非直熱式(Indirectly Heated)整流膽既經典佼佼者. 小弟用tube tester測試過之後, 非常猴急咁插上WA6 SE, 聞名不如見面, 唔係浪得虛名, 不過小弟唔想咁快比詳評, 聽多一個星期再分享聽感. 第一節聽完4個鐘, 小弟只可以咁講, 如果錯過咗GZ34, 將會係小弟玩整流膽歷程既一個必然遺憾 …..{:6_128:}
本帖最後由 ghhf 於 2015-5-3 17:58 編輯
總算來到戲肉, 小弟再玩咗部古董Tube Tester大半日(其實似係小弟被玩多d), 先搞掂試6EM7功率膽部份, 完成測試NOS流程試驗, 其中有好多有趣地方, 遲些少再分享 ..... {:6_136:}
本帖最後由 ghhf 於 2015-5-2 22:43 編輯
本帖最後由 ghhf 於 2015-5-3 19:04 編輯
又係小弟吹水既時候,試功率膽測試要比整流膽要繁複, 最大問題係小弟收藏6EM7形號唔係現有Tube Tester Valve Chart列表上, 網上亦搜尋唔到完全相同設定, 只好自己推考判定(好在小弟都有返咁上下背景, 難唔到小弟既), 經過成個鐘參照比較, 先有信心確定線路為804及007, 分別對應第一及第二組極管, 最後再參考試表中6NS7及2A3各測試電壓參數及實驗可讀效果後, 先可以完成片中流程. 係一分鐘淡定操作既背後(台上一分鐘, 台下十年功)之前其實已經用咗幾個小時既反複試練.
ZH38HvvY760
最重要係睇到部Tube Tester仲係完全功能正常. 小弟唔窮追絕對"真"值(好似有d香港人追求所謂"真"普選咁, 小弟無意係度討論政治, 只係作個有趣比喻), 因為代價太大不附合理性經濟原則(本末倒置, 將相對手段變成信仰式終極目標, 正如小弟追求既係"一體臨場"高度均衡協調景界, 唔會認為只有某系統, 如WA5, Stax靜電系統既效果, 或只有西電膽先係"真"正品味音質), 小弟唔肯定到手前Tube Tester係巳被調適校準(Calibrated), 測試NOS"相對"參考值, 就已經足夠小弟作出優劣判斷, 絕對值對小弟義意其實不大. 另外, 小弟發現一d有趣既事實, 有自稱全新NOS及小弟係WA6 SE聽到效果非常好既膽管第二組極管係完全開路的, 是否意味6EM7第二組極管被忽略? 或者根本不用? 定係小弟搞錯咗咩地方, 希望先進C兄指正 {:6_146:}
話說小弟呢幾期都係集中係玩Tube Tester, 小弟部Tester本身從外表面損耗, 插座狀態, 及A電位器係經常被設定特定位置有不良接觸及跳位現象, 就知道呢部之前一定係一個professional用緊, 名付其實飽經實戰閱歷既古董. 小弟做呢d紀錄, 係為自己留為日後一個回味參照, 亦希望比後進一個有趣參考. 係實際方面來講, 小弟要有個方法測試已經略有規模既膽管藏品, 另一方面係滿足小弟過手癮技術性貪玩品性, 其三有古董靚膽藏品, 就唔可以少咗經典古董Tube Tester, 點都要有番一兩台撐下場滿足收藏家既虛榮心態.雖然現階段小弟玩膽唔係專業, 亦無時間成為專業, 不過世事無絕對, 唔排除再過一段曰子, 小弟會做番個project, 用手上現有藏品砌番一部完全屬於自己設計既膽機耳擴, 睇下點 ...... {:6_128:}
