ghhf 發表於 2015-2-16 20:56 static/image/common/back.gif
斯路C兄你都笑小弟, 如果有金礦, 小第可能會打做一台金版WA6 SE
小弟套Head-Fi既硬體配置應 ...
點會係笑? 羨慕就有，而且師兄有動手能力可以試用電池方案玩台式系統，真係佩服師兄{:8_387:}
睇黎師兄你真係好喜歡WA6SE呢部耳擴咁喎
本帖最後由 ghhf 於 2015-2-21 14:21 編輯
斯路 發表於 2015-2-16 21:41 static/image/common/back.gif
點會係笑? 羨慕就有，而且師兄有動手能力可以試用電池方案玩台式系統，真係佩服師兄
睇黎師兄你真係好喜歡WA6SE呢部耳擴咁喎....
斯路C兄所言，引發小弟好多感想，其實小弟算係一個特别個案，除咗音樂，其中亦有收藏嗜好，優化組合配套及無線電小工程，係好夾小弟品性，一次過滿足哂小弟幾項興趣，的確係點止音樂咁簡單 {:6_122:}
講到WA6 SE小弟覺得係正確選擇，3粒膽管簡單結構有咁高既音質效果，絶對係一個經典設計，亦由於佢既簡單結構，易於改變膽管組合，加上小弟鍾情"膽味"，所以一拍即合，做就小弟"最好玩"既理念 {:6_138:}
咁唔代表小弟對主流或其他系統例如: Stax, HDVD800, T2, WA5, WA22無興趣，只係小弟覺得WA6 SE係小弟發展到巳不可被取替既地步。記得小弟係建立系統其間面臨幾項決擇，始終無放棄WA6 SE，就係因為佢簡單而高效設計，雖然小弟未有機會體會WA5及WA22，不過係高度配套優化後既WA6 SE，比前兩者單純效果可能亦有獨特過人之處，而且WA6 SE係"更好玩" {:6_146:}
推進優化過程本身就係經驗累積，使小弟對音質既體會不斷提升，從純粹技術性既系統優化，轉到追求"超系統"既"一體臨場"昇華效果，期間實在得益不淺，耳界大開，而且小弟係樂在其中，咁當然呢一切都只係小弟自我成就，陶醉係自我井底小小世界既一個體驗分享 {:6_122:}
本帖最後由 whitefang 於 2015-2-17 14:07 編輯
總算睇完ghhf兄的分享了, 好耐無上來76, 之前只是路過睇到回覆
實在精彩, 我現在很後悔之前研究CAS耳機系統時像師兄一樣把進度記下
師兄的堅持實在令人敬佩, 還有對WA6SE的執著
其實會如此認真玩耳機系統的人真的不多
恭喜越燒越好聲{:6_210:}
本帖最後由 ghhf 於 2015-2-21 19:21 編輯
登峯造極
終於重新接番哂佈置好各組件連線, 執順咗條電氣, 減少相互干擾, 出聲又再順滑咗(電池補完的確係闗鍵, 逆流供電組同充電組電路係唔會同時運作). 雖然仲可以再執得更好, 但小弟而家坐係sofa上聽Head-Fi, 真係有"登峯造極"感覺, 應該係氣順再配上腦放效果. 小弟希望曰後有機會試聽WA5, WA22及Stax靜電耳擴系統, 究竟同小弟呢套茶枱上及sofa底既雜作既效果有幾大異同 ….. {:6_128:}
電池補完計劃全文
http://post76.hk/forum.php?mod=redirect&goto=findpost&ptid=189701&pid=3176562&fromuid=87952
本帖最後由 ghhf 於 2015-2-25 09:02 編輯
接地編
經過2星期試驗, 對小弟呢套有電池補完既系統, 得出結果係, 接地盒同接地線係慢熱都要煲的, 而且線材質料及質量係會影響效果. 小弟特意換番對音源敏感既HD800優化組合來試聴, 用手頭現成線材自製咗一條接地專線比逆流器接大地, 配合Entreq Sliver MinimUS小地, 效果好似係百米飛人紀錄:
9.00=無任何接地
9.90=逆流器接大地(cheap綠色線間接接地)
9.95=逆流器接大地(藍色專線接地)
9.98=逆流器接大地(藍色專線接地) + WA6 SE接Entreq Sliver MinimUS小地
詳細效果小弟曰後再分享 ..... {:6_136:}
來到呢個階段, 繼續登峯造極, 今日係老地方執咗條殘殘地舊線做接地, 效果真係好唔同, 直頭改變咗平衡, 小弟會行多幾曰煲下, 再比品評 ..... {:6_146:}
本帖最後由 ghhf 於 2015-3-1 22:59 編輯
挑戰極限
小弟繼續挑戰極限, 話說發現接地線材質料及質量係會影響音質效果, 決定一勞永逸, 小弟特意自製咗一條接地專線比逆流器接大地, 又收集咗幾款線材, 手頭現成用剩普通藍色及高級單晶銅電源線, 另外找來單芯純銅及鍍銀銅線, 作最後極限優化 {:6_122:}
其實小弟有研究過一d音響接地文章, 如果要認真深入精進, 係要花唔少時間及技術心力, 甚至有說市區公共接地點其實反而係一個噪源, 所以有發燒友既系統係完全唔接公地云云. 小弟系統亦可以完全獨立於公共交流電網, 甚至唔接大地, 效果巳經係無出其右, 小弟耳淺, 暫時未聲到更能感動小弟既其他Head Fi系統效果. 經過評估, 小弟決定唔會用太多時間係呢方面, 一方面小弟系統相對簡單, 只有3個組件, Macbook, Young DSD及WA6 SE, 又有"電池補完", 系統本身係非常淨靜, 即使無訊號輸入, 亦聽唔到任何底噪, 更無所謂交流哼聲之類 {:6_146:}
雖然係咁, 逆流系統始終有200V+高壓交流輸出, 亦有電池充電組件連接市電, 基於安全第一, 小弟決定都係要接大地, 但只係作重點出擊, 係只供電比WA6 SE既逆流器接大地, 其他組件Macbook用內置電池, USB +5V及Young DSD +15V電池組供電. 事實上, 經小弟"耳聽為實"既結果係, 試驗時間比較短, 接大地比無接大約有3-5%分別(係極致效果, 電池補完, Entreq小地及逆流器接大地, 配"一體臨場"膽管耳機組合時, 除去逆流器接大地後既分別), 專注重覆翻聽, 決勝就在於一聲嘆氣, 一個震音, 多一分豐滿, 多一分鬆容韻律 ..... {:6_136:}
好啦, 吹完一輪水, 入返正題, 試聽過幾條不同線材既接地專線, 以藍色電源線接大地效果為基準, 鍍銀線更明亮更能特出主題, 不過超大動態及高速度就顯得咄咄逼人. 單晶銅電源線效果係極度純滑, 好似原本係拍照片, 但出來效果就似畫, 非常浪漫, 不過小弟覺得有d超越現實. 單芯銅線效果小弟最喜歡, 完全無壓逼感, 整體多咗一份鬆容彈性, 但又唔會hei, 非常舒服耐聽, 兩支效果出聲就更實在, 小弟最後決定用純銅單芯線, 作進一步系統配套優化試驗 {:6_146:}
為咗得到最好效果, 呢兩個星期小弟一直固定Entreq小地連接到WA6 SE, 而家接大地方案巳經敲定, 下一步小弟就會改動Entreq小地, 連接到DAC既USB地位, 甚至改變線材, 體驗效果異同, 進行接小地優化後, 再同各位C兄分享 {:6_128:}
本帖最後由 ghhf 於 2015-3-7 21:04 編輯
繼續接地篇, 自從選定咗接大地專線比逆流器接大地, 小弟成個星期都無做過嘢, 係想比系統有時間穩定運行一星期, 可以更清楚接地後既效果. 今曰再分別除去接大地專線及Enterq小地盒比對效果, 粗略量化除去接大地專線=-3%, 除去Enterq小地盒=-6%. Entreq小地盒效果要比接大地專線效果明顯 {:6_146:}
當完全除去所有接地後大約有-10%表現, 小弟會咁樣作比喻, 系統原來既"深淨, 緻密, 極甜"突然hei咗好多, 雖然小弟系統巳經有"電池補完", 係咁高音質水平基線上, 呢個差別對小弟來講, 接地效果絕對唔係"錦上添花", 特別係Entreq小地盒效果, 可以算得上係一個系統升級, 至於值唔值呢個問題, 就留番比各位C兄自己主觀衡量 {:6_136:}
係跟住呢個星期, 小弟會將Enterq小地盒改接Young DSD USB輸入端接地, 檢視與接WA6 SE效果異同, 作最後接地安置後, 小弟再報告 {:6_128:}
呢個星期做咗好多嘢, 而且繼續不斷有驚喜, 不過小弟未有時間詳述, 先去圖預覽, 比系統行多一個星期, 再分享效果 {:6_136:}
1. 單芯單晶銅接地專線新試
2. 輸入端保護蓋
3. Entreq小地盒改接Young DSD
4. 屏蔽試驗
