本帖最後由 ghhf 於 2015-8-6 15:55 編輯
t1174 發表於 2015-8-5 15:16 static/image/common/back.gif
3800 WAh ..... 比 purepower 2000 也大就一倍了..... 唔知對比分別大唔大呢？
電池補完 vs Purepower 綜論
t1174師兄既問題, 小弟借題發揮, 做個綜論留作參考. 小弟未玩過Purepower，以小弟經驗就咁睇佢同小弟既後級電池補完有好多唔同地方。
首先係設計上不同，小弟電池補完系統係以電池電力輸入，係最純正的(係真正獨立於公共電源既獨立系統)，比Purepower以淨化後DC作輸入係有優勢，但另一方面，Purepower設計係針對應用供電比高级音響系统，所以佢再生產出來既AC輸出, 失真及功率應該係會比小弟作一般應用既TS-700逆流器(正弦波輸出失真THD<3%，頻率+/-0.1Hz，穩壓+/-3%)勝一籌。不過小弟係現有系統上DlY加咗好多靚缐及屏蔽，加上純電池供電，所以最终效果異同，真係只可以耳聽為實。
係實際運作上，PurePower係Plug & Play一條龍設計(http://www.purepoweraps.com/regen.htm)，可以行dual conversion同時以純電池輸入，佢係呢個狀態時同小弟系統就好相似。小弟電池系統除咗開始時要一定設計及安全布置, 仲需要定時充電及後續維護，相對使用發生意外風險機會亦比較大，適合小弟呢類一路聽一路玩既DIY用家。
講到電量，雖然小弟新置高電量電池，不過係提升供電時間，因為小弟逆流器最大連續負載係700W，供電比任何Head Fi系統應該係大有餘力。小弟做一個簡單粗略估算，如果Head Fi系统耗電功率係100W，需求大约0.5A，220V。係電池组一方就大约係0.5 x (220/ 48) ÷ 80% (作為逆流及其他轉換過程損耗) = 2.8A, 48V。依呢個數據，现有既18AH電池係可以維持6小時，同小弟一年來使用經歷吻合。
系統換上80AH電池，理論上就可以維持24小時以上。如果以電池總放電量一半為安全持續使用水平，就大约係12小時。如果Head Fi系统需求倍增到200W，咁依比例新既電池補完系統大约亦可以維持6小時(最長12小時)。就算玩埋speaker系統去到400W都可以安全頂3個小時(最長6小時)。
最後講到做價(未計DlY接線及其他屏蔽配件)，大约係一隻旗艦级耳機既標價。新系统包括逆流充電器及電池组，提供大约2,400WH電能，最大連續負載700W係PurePower+ 1500一半，不過做價同樣只係Purepower售價二分一 (http://www.purepoweraps.com/pdf/PurePowerPlusUSPrices.pdf)。如果Purepower要用電池輸入提供連續小時計供電，就要配上同廠Powerpack電池组，每一组Powerpack大约提供額外電供30分鐘(http://www.purepoweraps.com/powerpackplus.htm)。
小弟電池補完或一條龍設計PurePower, 值唔值真係因人而異，聽到分别就值，聽唔到就係攞苦來辛，浪費金錢時間同空間，不如入多隻靚耳機好過了。
本帖最後由 ghhf 於 2015-8-6 15:45 編輯
電池補完, 逆流及充電部件。
CitiBat RA12-80 (12V80Ah)
http://www.citibat.com/download/RA/RA12-80.pdf
Meanwell TS-700
http://www.meanwell.com/mw_search/ts-700/TS-700-spec.pdf
Meanwell PB-600
http://www.meanwell.com/mw_search/PB-600/PB-600-spec.pdf
本帖最後由 ghhf 於 2015-8-6 15:50 編輯
小弟再做一個性價比分析:
如果小弟電池補完700W連續輸出功率(2,400WH電量, 電池4 x 12V 80AH)做價係100%，Purepower+1500就大约係200%，但提供高一倍1350W連續輸出功率(以AC轉換淨化DC作輸入再逆流AC輸出)。
如果Purepower+1500以纯電池輸入，提供與小弟電池補完系統相同電量輸出(2,400WH)，就要加4组Powerpack, Purepower+ 4 x Powerpack整個系统售價就去到500%。
結論: 與電池補完相比，Purepower以纯電池輸入運作的確唔係高性價比方案。
本帖最後由 ghhf 於 2015-8-9 21:14 編輯
充電除石維護一條龍
小弟收到呢隻叫BatteryMinder(1510)既智能充電維護除石火牛, 睇外表係膠, 但好有質感, 跟機有溫度感應, 2組接線, 一組出夾, 一組出耳圈, 連線配埋保險絲, 設計考慮週到. 美製產品原廠保用十年, 相當有信心, 不過出力略小12V 1.5A, 適合為電池長期持續維護工作.
小弟正係度研究搵緊最合適整個系統運作流程及有關部份性能及工作時間.小弟心目中最好安排係行Dual Chargers, 先以PB-600為整套48V電池組大功率過夜充電(10A, 8小時), 再切換到BatteryMinder(1.5A)進行獨立電池平衡維護, 再自動化每日運作流程. 呢個係終極目標, 而家要試下BatteryMinder性能, 收埋PB-600及80AH電池就可以進行整合自動化, 又有排玩 ...... {:6_122:}
本帖最後由 ghhf 於 2015-8-23 17:38 編輯
免責聲明:
所有電源改動及連線, 仍小弟跟據個人經驗實踐行為, 有關改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.
電池不死 誓不休
話說小弟企圖回復電池電量，為電池吊鹽水及進行深度放電(到8V)然後再充電。结果試咗2次之後，效果完全無分别。充好既電池一加負載，一陣就跌到10V，完全係無料到。連用得最少，平時只作備用既B1第五粒電都出現同樣"無力"現象。 {:6_136:}
雖然好失望，小弟當然唔係咁容易放棄既人，決定要置電池於死地，來一次生死決擇。小弟最後用咗8粒電阻并接得到大约6歐姆大功率電阻，為電池放電大半日到3V，各位C兄無聽錯，今次唔係放到8V，係由10V放到3V，d電阻熱到用手都攞唔住，小弟要揾把USB風扇吹住散熱。再用一粒3歐姆電阻二次放電，再由3V放到0V，今次C兄又無睇錯，係0V電池。跟住比電池開路一陣，反彈停咗大约係開路電壓1.6V，粒電應該係死得啦。 {:6_147:}
放死粒電，救唔救得番? 小弟用PSU限壓限流6V，0.2A比電充咗個幾鐘，粒電上返3V，就出BatteryMinder(3V以下電池佢都唔理)，自動波充咗成日，粒電又救得番，可以上到13V以上。最後再用PSU限壓限流14.4V，1A做過壓再平衡充電。
玩咗一大輪，效果係點? 係咪一樣"無力"，一加負載就跌Volt? 等小弟用同樣流程處理埋其他幾粒電，試聽後再報告。 {:6_146:}
本帖最後由 ghhf 於 2015-8-16 23:41 編輯
電池補完 PROJECT 80AH
好啦, 經過死地放電既電池, 救返之後效果如何? 的確係有改善! 但效果始終未算理想, 復電係要一個時間過程, 小弟會充放多幾次睇下效果係咪繼續有改進. 小弟玩電池期間學咗唔少嘢, 對鉛酸電池特性多咗了解, 但小弟對於現有既18AH電池組既急救要告一段落, 佢地遲d會用番做緊急照明同通訊充電之用. {:6_136:}
升級電池補完系統既5粒80AH電池及PB-600充電器就到手, 小弟要重新計劃一下系統布置.係PB-600大電流充完電池組之後, 會轉換到BatteryMinder(小弟另外入咗5隻BatteryMinder)為每粒電池獨立平衡充電, 提供全天候保養. 每3個月除咗會做一次深度放電再平衡充電外, 5粒電池亦會順序替換(A1,A2,A3,A4; A2,A3,A4,A5; A3,A4,A5,A1 ….. )達到備用及均衡使用效果. {:6_146:}
係安全性方面, 由於用上大電量電池, 又準備用24小時充電保養,除咗保險絲及充電器本身溫度感知補償之外, 小弟會加入一個獨立溫度感知斷路開關及警報系統, 係電池附近達到一定溫度(例如40度), 就會完全切斷整個系統AC供電, 及切斷電池組迴路, 並發出刺耳警號, 就算小弟唔係屋企, 都會提早吸引人注意, 通知小弟有緊急狀況. {:6_136:}
另外小弟會做埋個中央控制箱, 將系統各部件進行遙控, 同時加上延時繼電開關(relay), 各部件之間狀態關係, 開關先後就可以集中控制及進一步自動化, 係要花多d時間整備, 但成個系統就安全完善, 係小弟樂在其中工程終極目標. {:6_128:}
本帖最後由 ghhf 於 2015-8-23 19:43 編輯
免責聲明:
所有電源改動及連線, 仍小弟跟據個人經驗實踐行為, 有關改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.
高温斷路遙控系統
收齊5隻BatteryMinder之後, 小弟既Project 80AH正式啟動，而家4粒電池24小時獨立充電，附加埋除石功能，係80AH新電未到手之前可以睇下BatteryMinder效果。{:6_136:}
針對使用80AH大電量電池及BatteryMinder既24小時維護充電需要，小弟設計咗一個最簡單既"高温斷路遙控系統"，除咗高温斷路，兼備啟動觸發及緊急手動斷路遙控，系統亦採用較安全"無電斷路"設計，即使温度回到安全水平亦不可自我復電，系統必須以手動重新再啟動。同時使用低操作電壓設計，選定系统操作電壓為12V，由電池组中作備用既第5粒電池獨立供電。{:6_146:}
C兄聽到小弟咁講唔好以為係咩複雜線路製作, 小弟一向奉行簡單就是美信念, 斷路遙控系統其實只係需要幾件常見零件, 核心元件係40度熱敏開關，平時係閉路，到咗40度就斷路，小弟入咗6粒，有5粒為每個80AH電池作獨立温度感测，第6粒感測充電部件附近温度。{:6_165:}
控制部份係一個作為"大腦"既中繼relay(4组控制，一组連接供電受觸發後作自我鎖定，一组作電池组DC大電流relay，一组作警報開關，最後一组作充電系統AC高壓relay)，2個按鈕開關(红色提供0到1啟動邏輯輸入，黑色提供1到0手動斷路邏輯輸入)组成一個簡單温度感测及邏輯遙控系统。{:6_122:}
另外有一個DC大電流relay(4组并接可安全通過30A電流)作為邏輯遙控系统伸延，控制80AH電池组迴路開關。搞完個感温遙控核心及DC部份relay，下一步先加AC部份既relay。{:6_134:}
小弟呢個帖玩玩下好似大半口水都去咗講電源控制同無缐電，雖然小弟1-2星期先更新一次，不過見到個view count又一路有増長，證明個帖一直都有人參閲，咁小弟就繼續吹水，去圖(小弟用風筒逐粒試熱敏開關推relay，熱風吹10秒就斷路，停吹1分鐘之後又回到閉路)。{:6_128:}
本帖最後由 ghhf 於 2015-9-8 17:22 編輯
PROJECT 80AH 進入直路
小弟收到最新消息，80AH電池巳到貨，原本要8星期，而家快咗成個月，PB-600充電機就要10月先到，不過無阻小弟工程進度，因為5隻BatteryMinder已經到手。好期待電池開箱，今個星期六日就可以做個基本連接，先幫新電池慢充滿及做测試。
經過成個月既電池急救，小弟相信自己巳經掌握到一定既復電技巧，舊電池電量巳收復大部份失地，小弟會將舊電移開換上80AH新電池，咁當然係要全新既位置及接線布局，及加入高温斷路控制，有興趣C兄準備好等睇嘢{:6_136:}
重量級80AH電池開箱
今日小弟終於收到5粒80AH新電池, 雖然事先已經知道新電池重量同大小, 但到手之後感覺明顯同想像唔同. 1粒電池22kg接近50磅要攞上手行幾步原來真係唔係咁容易, 好彩電池設計本身左右有手抽可以方便用力. 5粒電池放好泊埋一齊真係有d氣勢, 體積方面比想像中容易安置係sofa底 {:6_134:}
正式用之前小弟會上咗個高溫斷路系統先, 小弟幫感溫開關加咗個接線頭, 準備用導熱膠貼好係每粒電池背面中間位置, 之後要根據實際安置好既位置, 盡量簡短佈線減少接點, 遂部完成連接電量升級 {:6_136:}
本帖最後由 ghhf 於 2015-9-17 21:02 編輯
80AH電池使用曰誌
唔好以為小弟一收到新80AH電池就急於放電同充電, 小弟會擺佢地一個星期, 監測佢地電壓變化, 穩定咗先試行, 呢組新電標榜設計10年"長壽"電池, 睇下係小弟既特殊環境下, 電池組表現如何, 小弟會不斷更新呢個post記下80AH電池組變化作曰後參考.
2015 年 9 月 10 曰
收到5粒12V, 80AH全新電池, 命名為B1, B2, B3, B4及備用B5. 開路電壓分別為: B1=12.83V, B2=12.86V, B3=12.86V, B4=12.86V, B5=12.91V.
2015 年 9 月 15 曰
第一次使用電池組, 放電6個鐘由50.6V跌去到50.4V. 大概用去20%電量, 用BatteryMinder獨立充電大約要12小時, 電池開路電壓升到13V, 電池組負載初壓係51.0V (開路52.0V).
