ghhf 發表於 2016-8-29 18:01 static/image/common/back.gif
入咗部WA22之後，其實小弟已經想搞部WA6SE，玩內部升級，等WA5到手，就可能同時搞埋WA22 ........
今次有排你玩啦師兄，上埋摩機毒瘾！
Ccs56084342 發表於 2016-8-29 18:15 static/image/common/back.gif
今次有排你玩啦師兄，上埋摩機毒瘾！
呢個係比較長遠啦，淨係玩膽再搞好個供電小弟先會玩電容啦 {:6_134:}
本帖最後由 ghhf 於 2016-9-6 21:32 編輯
小弟入多一款5692訊號管，SYBB及RCARB版各一對，WA5同WA22又有多d效果組合 {:6_128:}
本帖最後由 ghhf 於 2016-9-4 17:20 編輯
膽! 膽! 膽!
呢兩日都天陰陰成日落雨，不過無妨小弟曬膽! 今日又收到幾盒好嘢，小弟又例排以好期待興奮既心情開箱咁話! {:6_138:}
係兩粒唔同年分既WE 300B，一粒5639出廠，D集跟原裝西電盒包裝，品相一流，係典型NOS! 另一粒6113出廠，係DD集，無跟原裝盒，西電logo有d矇，膽身玻璃亦有幾處微花，品相唔算係好理想，但除此之外無咩鬆爛缺損。{:6_142:}
兩隻WE 300B睇落係無咩長期使用過痕跡，都似係藏品，今日佢地落入小弟手中，唔知係好彩定唔好彩，不過小弟最少會比機會佢地一展所長，盡情發聲! 佢地唔係配對，但都有NOS級輸出，睇下係WA5上既效果又會係點。小弟已確定用唔配對膽，對膽本身及WA5唔會有咩損害，只係可能影響最終輸出效果。{:6_146:}
驗完貨，過埋一輪手癮，就入番盒，之前入既西電盒而家正好用番來裝粒WE 300B，另一粒個原裝盒雖然好爛吓，不過小弟決定唔換新盒比佢，一新一舊拍埋都幾特别! 繼續等WA5! 又吹住咁多先，去圖 .......{:6_128:}
仲有呢4粒Svetlana 300B俄膽，賣家算係唔話得，全部係9813出廠組成2配對。雖然小弟話俄膽係陪跑WE 300B，不過佢地極有可能將會係插住係小弟台WA5上最耐時間既300B，作為日常品聽，同試配了解各款訊號及整流膽效果既主力。{:6_142:}
爬文有人話用咗呢隻俄膽差唔多10年先死，算係咁啦，不過而家個價位唔算係平，巳經差唔多係跟機强國膽既2倍價位。小弟一次過入咗4粒組成2對，唔係貪佢平，而係驚再遲d，就入唔到呢隻有返咁上下質素既近代膽，焗住入"金銀閃閃"d現代靚仔膽作為日常品聽試音。唔係有偏見話現代膽一定就唔正，不過小弟係傾向聽咗經典舊膽，再聽近代，最後先玩現代。如果有機會，遲下再出文比較不同年代膽管效果。{:6_134:}
ching好膽大，有排配
(Post76 Android 手機版送出)
wongkiss 發表於 2016-9-3 17:23 static/image/common/back.gif
ching好膽大，有排配
(Post76 Android 手機版送出)
好明顯，小弟既餘生係離不開玩膽，結下咗不解緣 {:6_121:}
本帖最後由 ghhf 於 2016-9-5 22:14 編輯
未聽先"評估" - WA5 vs WA22 vs WA6SE大比拼!
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
雖然年尾WA5先到手，不過小弟想繼續噴口水，不但未聽先興奮，未聽先吹水，仲要未聽先"評估"WA5既效果，來個WA5 vs WA22 vs WA6SE大比拼! {:6_138:}
其實唔使小弟去評估，無人會比Woo官方更了解自己設計既產生! 小弟先引用官方有關文件，Wooaudio_Amplifier_Comparisons總結比較各產品效果。官方對各種效果既評級以5星為最高，Woo頂級系統WA234評級全部係5星，雖然係好自然既參考基準安排，不過WA234唔係小弟既選項，所以就唔想太多，想太多驚會玩埋幅身家! {:6_136:}
小弟係特别注意WA22，WA6SE及將入手既WA5，先睇下WA22係6項效果中官方自己既評價，WA22係悅耳度(Euphonic)得最高5星，音場空間感(Sound Staging/ Space)，音色還原(Resolution of Tone)及自然感(Naturalness)係4星半，另外兩項動態響應(Dynamic Response)及細節分析力(Resolution of Detail)就係4星。WA5係動態響應及音色還原得到最高既5星，其餘4項都係4星半。至於WA6SE，最高係動態響應有4星半，其他效果都係4星。{:6_146:}
官方既評價可以睇到對自已產品定位，小弟對WA22及WA6SE既評定唔會感到意外，自己既感覺亦係差唔多。其中既分别相信係同產品本身既設計有關，特別係WA22既全平衡設計及WA6SE既獨立供電部件。WA6SE的確係爆發力及速度感比WA22係要勝一籌，另外悦耳度係一個有趣指標，小弟覺得係屬於比較感性，依小弟個人感受，似乎係涉及一種整體性既"柔和穩淨"場感氣氛，係WA22平衡系統相對地的確係比較容易感受到既。{:6_142:}
好啦，跟住就係"評估"吓WA5既效果，好明顯大家都係單端系統，WA5相對於WA6SE係有絶對性既優勢，係供電部份，WA6SE雖然都有隔離供電設計，不過只係單組，WA5更上層樓，兩组火牛以兩粒整流膽各自獨立運作供電，WA5既內部亦係用咗升級更高質素零件，更何況WA5仲有獨立既300B功率放大，提供更大輸出能力，佢地評級上既差異係絶對無容置疑! {:6_165:}
WA5及WA22效果之間既異同就係小弟要去探索既地方，官方既講法係WA22係悅耳性方面係比WA5略勝半粒星，音場空間及自然感相約，其他效果特別係動態響應，音色還原，細節分析力, WA5都要比WA22優性。如果以WA22及WA6SE之前既比較，及WA5係WA6SE既"全面性升級"，咁WA5對比WA22既官方評級似乎就係順理成章。前者係動態響應及音色還原比較突出，後者係悦耳性就比人印像深刻! {:6_127:}
再由産品設計角度去睇，WA5無疑係供電及內部用料質量都要比WA22優性(亦反影咗係WA5同WA22之間重量及售價多於1倍以上既差異)，前者有隔離供電組件，由兩粒整流膽提供2組獨立供電，後者係一體式設計，WA22亦無提供内部零件升級選擇。最大輸出功率方面，相對WA22既2W，WA5係佔盡優勢，4pin XLR輸出可提供高達8W功率，可以專推AKG K1000呢類低敏感度耳機。{:6_169:}
係衆多相對較弱勢既配套條件下，WA22既全平衡線路設計，似乎係為WA22攞咗唔少分，亦係佢既獨特定位所在，官方既評級亦唔係全面性傾向WA5。對有話WA5配原廠膽可以將全副武裝既WA22砌低，小弟其實係抱質疑態度，收到WA5之後會第一時間驗證! {:6_158:}
最後係所用膽管，佢地可以用相容型號既6SN7訊號及5U4G整流膽，功率膽就分别係WA5既300B及WA22既6080/6AS7G/7236/5998/421A。如果單以可玩性來講，WA22係最高，有最多可配膽管組合，不過小弟最想知道既係，當配上同樣係TSRP/ SYMB訊號膽及WE 274A整流膽時，WA5既單端WE 300B設計對WA22既平衡WE 421A設計，最强對最强究竟又會差幾多呢?! {:6_134:}
綜合各種材料及個人體驗，WA5將會非常有力量感，唔單止係大動態，富音樂感，主體輪廓亦會比較鮮明立體，仲會體現出一份"鬆容不逼"既大氣度。WA22仍然會以獨特既一份相對"柔和穩淨"空間場感氣氛帶出悅耳體驗及最高既可玩性吸引住小弟! 睇下係咪一如小弟所料! 有趣既地方係，小弟既環境，加上咗"電池補完"比較穩定既供電，WA5相對有優勢既超强隔離供電部份既作用，就會可能無咁明顯，可能會比WA22追近咗，所以最終效果亦係有一定變數! {:6_141:}
小弟"啊媽係女人"既評估又吹完啦，多謝收睇，PROJECT WA5年尾再會! {:6_128:}
ching收唔收到風會出wa22se
(Post76 Android 手機版送出)
本帖最後由 ghhf 於 2016-9-6 11:17 編輯
wongkiss 發表於 2016-9-5 17:57 static/image/common/back.gif
ching收唔收到風會出wa22se
(Post76 Android 手機版送出)
WA22-SE好似話係咁既款, 用4粒6BL7做輸出, 多咗個盒。小弟直覺對佢無咩好感，換咗用6BL7少咗好多配膽組合，對小弟呢類玩組合"相對效果"，唔係追求所謂"絶對音質"既用家，幾正都係假 {:6_141:}
