咁你都幾毒下
(Post76 Android 手機版送出)
本帖最後由 ghhf 於 2016-8-19 23:10 編輯
wongkiss 發表於 2016-8-19 19:42 static/image/common/back.gif
咁你都幾毒下
(Post76 Android 手機版送出)
中咗劇毒既人，本身其實都好毒下既，所以之前有C兄話，追小弟私帖驚會中劇毒，都係有一定理由，有時已經唔係講緊純粹音質或價錢，係去到一種昇華咗既精神感染力(神枱)，代表一個時代既經典ICON {:6_146:}
本帖最後由 ghhf 於 2016-8-20 23:28 編輯
失真率 反思 低失真? 高傳真? 無咁簡單!
最近決定入WA5，睇過網上有關膽音系統及膽管失真率評述，甚有感想，小弟又要發下騒，噴下口水，想對"失真率"作一d反思。好多時睇到一d放音系統標示出失真率，數值實在小得讓人驚訝，好似在追逐小數後幾多個零為目標，盡力表達精確無誤，竭力傳真之能事! {:6_136:}
"失真率"係不同產品既銷售技術指標中，好多時未必係指係同一標準下測驗，單以各廠商提供對自己最有利既數據，好似橙同蘋果比較! 除非係有一個専門既review，係嚴格統一控制條件下測驗，結果就比較可信。{:6_141:}
究竟"失真率"對一個聆聽者既真正義意係咩嘢? 作為選購決擇因素? 係今時今日呢個年代，科技産品係去到有一定質量標準，小弟自己覺得"失真率"已經唔算得上係一個決定性因素，甚至可能係淪為一個純粹"人有我有"既技術性參考數字。以小弟既WA5, WA22及WA6SE為例，前者失真率THD〈= 0.08%與後兩者THD〈= 0.3%，對聆聽者既實際義意有幾重大? 而達到THD〈= 0.008%失真率，背後既義意又係咩?! {:6_134:}
"失真率"只係測量儀器係一個有限度片面條件下既抽樣測驗比較結果，極其量只能作為一個品質監測既保險手段，事實係失真率比較高，亦唔係一定表示"難聽"，有可能仲"好聽"咗! 推出市場既產品最終受衆既對象係人，唔係儀器! 人對各種效果，及更重要既係，佢地之間既各種相互干涉既"整體體驗"，係要來得"全面深刻"太多! {:6_146:}
小弟爬文，睇到話膽音系統相對現代主流電晶體系統"失真率"係"太高"，所以唔會考慮選擇前者! 如果未品聽過就下咁既決定，就係有d草率及本末倒置! "失真率"係比儀器聽出來的，人係應該聽"傳神率"! (注意: 唔係"傳真率"，容許小弟作多個抽象詞彙幫助展述) 品聽之後作出既選擇，係"感受所在"，以自主自由標準"傳神率"，對比既結果，係一個真實既選擇! {:6_142:}
好明顯，小弟所指既"傳神率"係一個主觀感性指標，同技術指標失真率無直接關係。C兄知道小弟偏好膽音系統，歸究最終原因，係小弟覺得更容易揾到"更高"既"傳神率"! 至於失真率，係達到一定客觀品質水平條件下，已經唔係值得小弟要去關心考量既地方。{:6_175:}
其實小弟亦聽過可以感動到小弟既現代主流電晶體系統，小弟唔係二分派，完全持開放態度。低失真? 高傳真? 無咁簡單! 仲要能"傳神"，先可以感動小弟! {:6_128:}
全文:PROJECT WA5 膽皇機 現世
本帖最後由 ghhf 於 2016-8-20 21:15 編輯
唔好誤會，小弟入d原廠西電盒，唔係想"裝假狗"賣假膽! 小弟唔會賣膽，其實係用番原廠盒，整理入好以前收集咗既各類西電膽，呢個絶對係作為一個藏家既虚荣執著 {:6_238:}
本帖最後由 ghhf 於 2016-8-21 12:16 編輯
放假繼續整理，做下d修修補補，呢粒6SN7W入手時個座已經爆裂咗，仲翹起界手。雖然唔影響音質，有C兄會選擇唔搞佢，小弟就決定要補好佢會整齊d，用導熱填料，先補兩邊，乾咗之後再填中間，不過亦唔可以太多，驚冷縮熱脹會比膽身玻璃受壓損毁!
順便搞埋粒USAF-596同TS 5998，防止"髮絲"繼續擴大!
本帖最後由 ghhf 於 2016-8-22 13:14 編輯
呢d品相無咁好既膽，音質一樣，加番些小啞黑油，就唔多覺，小弟主要係留番比自己曰常品聽，相好既就主要係收藏，隔一年半載先聽番一兩節做覆檢，大時大節先出場比硑其他效果 {:6_235:}
本帖最後由 ghhf 於 2016-8-24 13:45 編輯
膽皇 都係膽
小弟聽過一句電影對白"神都係人，不過神做到人做唔到既嘢!"，小弟引呢句對白唔係想同 C兄討論神論或哲學問題，其實係想引申小弟對WE 300B既一d觀點，"膽皇都係膽"，無論如何被神化，仍離不開膽管本身電器特性既固有規律限制。{:6_142:}
既然膽皇都係膽，離不開膽既固有形態，不過佢可以被神化，唔會純粹係一個偶然，就算真係偶然，都要有一定既機緣及最重要既元素，實力! 實力係一切傳奇既開始及基石! 無實力，如何吹捧，點樣既機緣際會，都係白白溜走，係扶唔上神壇。歷時接近一個世紀，被奉為膽皇必定係有其客觀條件，所以小弟完全唔會懷疑WE 300B既實力! 小弟又貼圖，參考各款300B既生産歷史: The 300B Tube is still Alive!
自古寶劍赠英雄，現今知音入名膽，小弟唔敢話自己係英雄，都可以勉强叫知音，呢組配對WE 300B算係有幸得手，除咗會有好效果(小弟特别去信Woo官方，確定WA5所用既300B及6SN7係需要成對的，5U4G/274就可以無咁嚴謹)，亦係有歷史價值既一面，加埋小弟現有既藏膽，真係可以起個小"神壇"'來供奉。雖然係講下笑，除咗係作為藏家一份個人虛榮執着，小弟可以為經典歷史承傳作些微貢獻，亦係感到榮幸! {:6_128:}
其實小弟之前係有想過入番部戰時舊膽機，配埋d舊藏膽，組成真正成套懷舊經典西裝組合，甚至係跟有名衆多300B線路自己DIY一部! 不過最終都係放棄咗呢d念頭，前者涉及收復及運輸問題，後者涉及製作品質控制，小弟唔係行內人士，亦無相關工具配備，所以硬上只會係吃力而無好效果。最終選WA5現代産品配經典線路，以小弟既情況亦算係一個最佳安排! 小弟都係專注返係品聽效果上 {:6_146:}
雖然成壇嘢要年尾年先砌起，小弟對WA5配WE 300B有咩期望? 有咩效果想確定? 實際品聽佈署又係點呢? 下一節再展述 ...... {:6_165:}
本帖最後由 ghhf 於 2016-8-24 15:40 編輯
WE 300B + WE 300B
小弟為咗上WA5及WE 300B，已經係全力出撃，要改食樹皮，其實係戒食街餐，改食住家飯同飲靚湯，慳$又健康 {:6_149:} 雖然係咁，小弟仍然入多咗兩粒WE 300B，佢地都係達到NOS水平，品相完好，但係唔係成配對，出廠年份係61及56年，結構唔同分别係DD及D集。相對一d離地天價叫賣，真係要感謝賣主成全，以合理價位入到佢地，小弟藏品又更豐富! {:6_143:}
美中不足係未能完全配對，所以小弟會再等機會同緣份，入多兩粒NOS相近年份既DD及D集WE 300B，希望最終能集合到多兩對WE 300B，咁就太正啦! 以小弟當前既經濟實力，係唔可能繼續咁樣發展落去，所以小弟準備係三粒Globe WE 274A藏品中，選一粒無咁配對既，去換兩粒WE 300B，以一粒換二粒係可行既，佢地係處於差唔多既市場價位。{:6_142:}
http://post76.hk/data/attachment/forum/201504/26/213815vzchodhzll937ghg.jpg
講番兩粒新入手既WE 300B，雖然未完全成對，同樣係NOS，咁小弟都會好奇插佢地上WA5，睇下同之前成對既WE 300B效果差幾遠。小弟覺得應該係聽到有差别，但唔會出現重大既奇異效果! 年尾小弟品聽時，會一并展述配對與無配對效果其中異同! {:6_146:}
本帖最後由 ghhf 於 2016-8-25 22:09 編輯
呢個星期小弟都一路圍繞住WA5同WE 300B吹水，雖然又係無咩人出聲，估唔到都有咁多人關心睇帖! 小弟出多一節文，就會暫停，到年尾先繼續WE 300B既承傳傳奇! {:6_234:}
跟住會先完成埋WA22推KK既品聽報告! 保證精彩，唔好錯過呀! 不過真係要小心中毒，唔係講笑! {:6_244:}
ghhf 發表於 2016-8-25 21:58 static/image/common/back.gif
呢個星期小弟都一路圍繞住WA5同WE 300B吹水，雖然又係無咩人出聲，估唔到都有咁多人關心睇帖! 小弟出多一節 ...
師兄放心，小弟毒癮淺，一隻Ｋ812，－套prime，－對ＫＴ88後級，－對jm lab已满足，百毒不浸，睇左你Ｄ報告仍未見瘾起！
