嘩!ching真係好多對300B
(Post76 Android 手機版送出)
wongkiss 發表於 2016-10-17 18:44 static/image/common/back.gif
嘩!ching真係好多對300B
(Post76 Android 手機版送出)
小弟行"先膽後機"策略，300B儲咗4對西電同2對俄膽，用哂彈藥，要等多一年先有得玩啦。事實小弟咁貪玩，一直渴望聽300B效果，到口肥肉竟然可以忍多一年唔食住?! 小弟又話自己係藏家，投資者，其實極其量都係二三流者，都無入刻字版WE 300A同WE 300B，入既全部都係閃電黄字版! 小弟自然係有自圓其說安排，遲些少再吹水。
本帖最後由 ghhf 於 2016-10-23 21:36 編輯
相親前驗身 (上集)
今日終於有d時間用TV-7幫300B膽驗下身，先試4粒俄膽，測值分别係82, 80, 78同72，同賣家聲稱2組配對有些少出入，其中一粒偏離比較大，不過佢又唔係用TV-7，所以又唔可以直接比較。{:6_146:}
小弟隻TV-7亦有可能未對好基準，所以絶對值意義不大，今次主要係設定好TV-7既300B測試設定，同攞個相對基準，下一節就會驗埋8粒WE 300B，睇下係TV-7之下驗值相差幾多。{:6_142:}
業餘電工 新玩具
小弟入咗呢件新玩具，主要原因係想有工具可以安全方便測度交直流電電流。小弟玩嘢好多時會要了解電流量，特别係直流電大電流，用佢作非接觸式測驗，真係又快又安全，正!
本帖最後由 ghhf 於 2016-10-30 21:41 編輯
相親前驗身 (中集)
終於來到驗測WE 300B，小弟先試之前入手既第4組及第2組共4粒膽，賣家佢地都有報告校正過TV-7讀數及實測相圖，係有非常可信長期優良信譽記錄者，所以小弟希望先攞個對照。{:6_142:}
小弟跟程序先做Line Test，亦比WE 300B插上TV-7兩分鐘預熱穩定咗先取值。結果分別如下(括號內係賣家宣稱測值): 82(84)，80(84)，74(92)，82(90)，其中第4組2粒同係D集USN-CW-300B，測值相當接近，第2組分別係DD集及D集2粒測值對比宣稱值就好明顯唔係好一致! {:6_146:}
對於呢個結果，小弟傾向相信自已隻TV-7同市場基準係有出入，又或者係小弟既測驗設定或程序出咗問題未妥善，請前輩C兄指正。其實小弟仲收有另一隻行得既TV-7，但同樣未有校正，下一節都會用佢再測驗一次攞多個對照。{:6_136:}
本帖最後由 ghhf 於 2016-11-8 22:55 編輯
驚嚇 與 疑惑
小弟今日搬哂兩枱TV-7(序號分別係1417及524)出來，用咗個幾鐘再做300B測試，之前入咗既第一組及第三組4粒WE 300B。先講TV-7結果(序號1417)，分別係78，76，40，12。前兩個讀數係第一組D集配對WE 300B，後兩個讀數係第三組分別係D及DD集WE 300B。
後兩個讀數非常嚇人，小弟唔係好相信結果，將相關WE 300B插係TV-7上等足30分鐘，反覆再測，讀數相對30鐘前變化為72(78)，80(76)，40(40)，40(12)，其中第4粒係30分鐘內讀數由最低12逐步升上40。小弟跟住又再攞番4粒300B俄膽再測，讀數(括號內係一星期前測值)分別係82(82)，80(80)，80(78)，82(72)，由此可見，TV-7開住時間長短，對測值係有一定影響!
最後小弟嘗試用另一台TV-7(序號524)測試俄膽，讀數對照剛測值係78(82)，56(80)，50(80)，24(82)，竟然可以有咁大差異! 見到咁疑惑既結果，小弟意識到無需再係另一台TV-7測試WE 300B對照，因為結果已經唔會有咩參考價值!
今次測試，小弟得到幾項結論，首先就係未效準既TV-7之間既測試結果，可以有極大差異! 另外，即使係使用同一隻TV-7測試，係小弟既情況，測讀時甚至有"漂浮游動"現象，反覆測試結果亦唔係好一致! 今次呢4粒WE 300B賣主無提供TV-7測值，但佢地分别都有AT1000測值58.9mA，52mA及ROE-TEST測值58.7mA，57.8mA，講到㡳都係要靠賣家個長期信譽! 小弟對今次私測既TV-7讀數，唔會太認真，或者過多一段時間，小弟會將其中一隻TV-7攞去做番個專業效準，到時就可能有一個比較認真既參考測值。TV-7校正服務索價USD 240，仲未計零件更換，如果連埋來回運費真係要成USD 500!
去圖 ...... {:6_146:}
幾個有趣數字
有幾個數字小弟一直都想確定一吓，有咗新既非接觸式電流測表，真係好方便，今日就實測"電池補完"供電系統一次。有預期之内，亦有同規格指標有唔少出入，都見怪不怪! 呢3個值有咩意義，醒目既C兄可能已經有眉目，小弟下一節再補文吹水，去圖 ...... {:6_146:}
本帖最後由 ghhf 於 2016-11-17 16:00 編輯
呢幾個係電池系统實際操作時既電流值，分别係最大充電，空載輸出及負載WA22輸出。先睇充電測值，接近規格1.5A，完全符合小弟安全慢充電既安排! 其次係空載電流，以電池組輸出50V計，0.4A時既功率就係20W，即係未開WA22時既耗電量。 {:6_142:}
最出乎意料既係負載WA22時既電流去到1.9A，即係耗電達到95W! 考慮到WA22規格係54W耗電量，咁實質系統效率係少於60%，同預期80%或以上相差甚遠! 如果將來上WA5，規格要求電量係140W，係接近WA22既3倍，就算以60%作為轉換效率，電池組輸出就要有230W以上! {:6_136:}
照咁估算，以後用WA5聽一節大約(3個小時)就巳經接近20%現有電池組總電量，即係話電池組要長命耐用，聽完最好就即刻要充電，如果每日都用WA5聽，咁就要排程日日都充電。時間方面，而家聽1小時要充返2小時，將來就變成6小時，即係每用WA5聽一節，就要充返一日電! {:6_146:}
另外，60%既電量轉換效率的確未能讓人滿意，其實小弟既電池補完，雖然係用電池供電，但絶對唔係一個綠色系統，甚至係有d過咗位，額外消耗多40%電量，不過對提升音質輸出又的確係有一定效果，講到底最後都係要睇個人主觀既性價比取向! {:6_175:}
本帖最後由 ghhf 於 2016-11-18 13:59 編輯
Woo Audio一連10日(18 Nov - 28 Nov)又做9折特價，一年一度，有買爽手! {:6_138:}
另外收到風，話出年第一二季會出新機，應該有傳聞已久測試中既WA22 SE，不過SE既設計唔係小弟杯茶，舊年小弟呢個時候入咗一套WA22，今年就 ...... 加料大陰謀準備中 {:6_128:}
本帖最後由 ghhf 於 2016-12-31 20:09 編輯
PROJECT WA5 正式啟動!
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
小弟今次又襯Woo Audio既年度特惠週，出重手正式入咗台WA5! 之前話彈盡糧絶唔入，而家又入，小弟究竟玩邊科?! 只可以講世事難料，隨機應變，小弟係後續既吹水環節將一并交待，自圓其説! {:6_138:}
今次係入咗隻WA5黑色版，加多3隻轉接座，原廠跟強國Psvane貴族300B及5U4G膽各一對，可圈可點，唔知對6SN7又係邊隻牌子(極可能係RCA或GE，如果SY就有d驚喜)?! 估計貨期12月中應該就到手! {:6_139:}
呢張單唔係嘢少，唔知C兄有無留意到，一項神秘升級小弟額外要求加料上WA5，保留些少秘密，紅色括住既升級部件(提示: 唔係膽管升級，因小弟自己既藏膽巳經甚豐)，待時機成熟，小弟吹都吹唔切，自動就會爆響口，驚死無人知咁話! {:6_174:}
http://cdn.head-fi.org/b/b3/900x900px-LL-b33d105e_wa5-invoice.jpeg
http://cdn.head-fi.org/3/3b/900x900px-LL-3b36f6b1_wa52.jpeg
收到之前張攞命單之後，即係標示小弟既PROJECT WA5正式啟動! 但呢排反而靜咗，係因為小弟已轉戰某國外Head-Fi論壇，可能吹得無咁傳神，但會有比較多WA5用家分享交流，小弟去個邊開位霸番個吹水帖，都係好正路。{:6_146:}
WA5既吹水分享小弟準備係果邊開波，有關注開小弟私帖心水清C兄，好易發現小弟係另一邊既私帖，C兄有興趣亦可以過去贈吓小弟慶。雖然係咁, 小弟最傳神既聽感分享, 始終係離唔開呢個中文台! {:6_138:}
小弟呢隻加料版WA5(叫佢WA5+可能係比較合適)，應該12月中前到手，第一時間就想知WA5+只配原廠膽管，係咪真係可以砌低小弟而家手上既WA22最強完全體! {:6_175:}
神秘的升級 WA5+++
感謝Woo廠方既安排及協助，終於敲定咗小弟隻WA5既最終升級方案。雖然WA5用料本身巳經叫premium級，不過小弟決心要將佢升格成珍品，換咗兩個主要終極部件之後，應該再加多個+叫做WA5++(升級邊兩個部件?! 提示係"一頭一尾"，小弟講d唔講d，先釣下C兄癮)，效果肯定要比原版更穩定更上層樓。{:6_128:}
如果要作預期簡單比較，除咗WA234既多用系統性能可配2A3，300B及45之外，小弟呢隻强化咗既WA5++應該唔會輸蝕得去邊。或者WA234既單道式設計有更好既分離度，但WA5既完全獨立隔離電源設計亦有佢既優勝之處。{:6_142:}
加埋其他系統配套，例如電池補完，單晶銅電源線，發燒保險絲，Zendo訊號線，減震鼠，木粒，地盒，接頭保護蓋，BGT等等。再上埋終極膽管組合TSRP/ SYMB 6SN7，WE 300B及WE 274A，最後輸出比AKG-K1000，WA5++變成完全體之後就真係自成一極! 又係果句未聽先興奮! {:6_143:}
好心急，好急心呀! 有關注小弟私帖C兄係咪都有同様心情? 仲有成個星期先有貨收，係咁期待既心境下，齌等好容易出現心理唔平衡，所以小弟要繼續搞下氣氛，同各位C兄玩下猜猜升級佢是誰! {:6_138:}
話說小弟將定製既WA5其中兩個主要"一頭一尾"部件升級，其實係同同門大佬WA234好有關係。先睇下WA234既規格，究竟WA234有邊兩個部件會被小弟收納入自己既WA5?! 其實已經好明顯，不過事情又唔止咁簡單，C兄用下心思想像一下，下一節收貨前小弟就會開估! 保證新奇，好玩，又有趣，而且興奮至極! {:6_143:}
http://cdn.head-fi.org/3/3d/900x900px-LL-3d4e8b8e_2016-12-03-19-54-27.jpeg
睇個view count似乎真係有人釘住小弟個私帖，一路食花生當睇好戲，緊係知道戲肉在後頭! 好啦，未收到貨前，小弟繼續展述升級考量及安排，自圓其說噴口水刺激各位C兄，先製造個高潮保持住個氣氛! {:6_138:}
先講下d背景，其實WA5升級考量係源於之前小弟爬過文，有關WA5及WA234聽感比較。普遍都係認同WA234較WA5有明顯音質優性之處，而唔係單純額外提供可轉換輸出膽2A3, 300B及45功能性方面升級。{:6_142:}
WA234價位比WA5要高出接近2倍，一定有佢既獨到理由，性價比，值唔值呢d老問題，係另一件事! 老實講，對於純手工製作系統，最貴就係巧熟既人力資源! 綜合對比過規格之後，小弟個人認為有以下因素: 更高級輸出變壓器(EI96 Permalloy Core)，分段式電阻電位器(Seiden 46-position Stepped Attenuator)，完全獨立分道式設計，優質超重機身，兩聲道共達120磅，重量係WA5既一倍! 咁當然仲有其他設計及細節位上既異同，不過已經超出小弟可預期及評論範圍。{:6_146:}
http://cdn.head-fi.org/d/de/900x900px-LL-defe3885_2016-12-0411.29.14AM.jpeg
上述四項因素中，後兩者係提升咗分離感及穩定性，影響比較係係整體氣氛及背景方面。相對地，前兩者既影響就直接得多，因為佢地係整個訊號處理流程中，最前及最後端兩個最重要部件! {:6_134:}
對於小弟玩開幾款膽機WA6 SE，WA22，就快到手既WA5及Woo現今頂級産品WA234，都係有輸出變壓器作最後匹配轉接(Output Transformer Coupled)到放音耳機或喇叭。呢種系統既聲底表現，最後一關輸出變壓器既特性，對最終音頻輸出質量及效率，起着直接決定性作用! 係值得投資既其中一個最重要部件，如果能力所及，就要盡可能用到最優級别型號。{:6_128:}
至於輸入端既電位控制器，係整個系統中最常用到作調節既部件，C兄唔使小弟多噴口水都知，高質既輸入電位器係穩定優質音頻輸出既先決條件! 由於小弟無打算日後會賣出呢套WA5，與輸出變壓器一樣，係能力所及下，小弟係會去到盡，用最靚料! {:6_126:}
來到呢度，唔使開估C兄已經知道小弟升級咗WA5後端既輸出變壓器及前端既電位控制器。不過由於一d兼容性既限制，WA234用緊既分段式電阻電位器無法直接上WA5，最終選咗另一個有過之而無不及既極品升級方案，小弟留返些少神秘感，收到貨開箱時再交代! {:6_122:}
http://cdn.head-fi.org/f/f6/900x900px-LL-f66864f4_2016-12-04-16-31-48.jpeg
小弟呢隻升級咗既WA5++與WA234可能仍然有一定程度上既效果差别(WA234獨立分道設計及超重機身作用)，但巳未必去到全面一大等級式既層次。WA5++造價方面，與WA234比較就仍然係以整倍計數! WA234小弟一定唔會入(除非中咗六合彩)，WA5++不失係小弟個人能力所及，取捨後最優升級方案! {:6_165:}
C兄見到呢件寳貝, 就知道小弟有幾咁認真, Alps RK50已被加上小弟既WA5++ {:6_128:}
http://www.head-fi.org/image/id/9424492/width/900/height/900/flags/LL
http://cdn.head-fi.org/c/c0/900x900px-LL-c0e4cb7f_2011052801065764291.jpeg
今曰小弟總算同Woo廠方講掂數，完成最後WA5+++(點解又多咗個"+")既採購項目! 條DC cord係WA5既獨有設計(完全隔離電源)，由原廠OFC升級上SC質料, 亦再加咗長度!
另外有兩粒DC cord plugs又想點?! 小弟一貫本色，當然係仲有嘢要DIY玩到盡啦!
http://cdn.head-fi.org/a/ab/900x900px-LL-ab6f3ae0_2016-12-09-19-52-31.jpeg
最新消息小弟隻WA5要多兩星期先到手, 慢工出細貨係好事, 不過對小弟就係漫長難奈 {:6_147:}
得意忘形, 唔記得加番段免死宣言, 整理好吹水文後, 小弟保持一段冷靜期, 再多聽WA22完全體, 攞深d印象準備兩星期後同WA5(而家應該係WA5+++)對并, 鹿死誰手, 真係無從估算, 一切耳聽為實! C兄要同小弟一齊齋等下啦, 食住自己先 ...... {:6_138:}
由於要求加料升級，原本兩星期交貨而家變咗要成個月，如無意外聖誕節前WA5就到手啦! 好多年都無收過咁正既聖誕禮物! 收到貨第一件事係開箱，再開殼睇埋內部配件，C兄準備好等睇最新鮮WA5全相寫真集，小心口水鼻血一齊來! {:6_212:}
又有最新消息，小弟隻WA5已經完工! 不過要多少少時間執正條3呎特制DC電源線，據說個look係好靚仔咁話! 另外又透露咗小弟隻WA5試配上某大廠最新版精制既300B及274B，效果讓人興奮! 以乎係预期中事，但應該係有對比既意味，暗示小弟隻特別版WA5真係正一籌! {:6_190:}
至於邊間大廠膽就唔出聲講啦，話哂唔係小弟自己既耳聽為實，玩新膽係來日方長，小弟亦傾向唔玩新膽住，先依原來計劃詳品咗西電WE 300B配WE 274A呢組經典組合，然後先再對比現代膽效果! {:6_211:}
最少要多一星期先收得貨，所以聖誕禮物就無收唔到啦，即係最新期望係變新年禮物! 有進度好過無消息，不過小弟又要等多七日，真係望穿秋水，日子難挨! {:6_209:}
又來最新最新消息同索爆靚相，小弟條嘢(WA5專用DC電源線)已經完工，金光閃閃，真係索! 配上黑色WA5，形成强烈對比，非常搶眼，未聽就已被刺激腦放先興奮! {:6_157:}
佢有形有款，但係更實際，收到既信息係，用多咗時間精制既呢條3呎單晶銅線(Single crystal copper)，明顯地進一步釋放咗空間感，清晰度及分析力咁話! 小弟自已既感想都係認為，效果係有一定程度既提升(小弟個人既感受就好似係一種淨化既效果)，不過最終都係要以自己耳聽為實為依歸，C兄等睇小弟既開箱報告! {:6_142:}
http://cdn.head-fi.org/4/42/900x900px-LL-420bdab4_2016-12-313.11.52PM.jpeg
至於送貨期，1月3日先可以出貨，咁小弟可能都要去到1月第2個星期先收到貨! 投資加料，一等再等，收到好嘢都係值得既! 睇住小弟隻WA5+++個屁屁同索爆DC線，先望梅止渴，去圖 ..... {:6_127:}
http://cdn.head-fi.org/8/8c/900x900px-LL-8ce39da9_WA5-with-OCC-DC-cord-fullMedium.jpeg
http://cdn.head-fi.org/6/64/900x900px-LL-645e5f55_WA5-OCC-DC-cord-fullMedium.jpeg
http://cdn.head-fi.org/3/30/900x900px-LL-301e4e6c_WA5-OCC-DC-cordMedium.jpeg
