睇完師兄一部分嘅分享, 我都入咗副HD600, 多多指教
eric_explorer 發表於 2017-2-3 12:29
睇完師兄一部分嘅分享, 我都入咗副HD600, 多多指教
恭喜C兄, 小弟自己覺得HD600係巨人殺手, 超高性價比, 可惜膠咗d ..... C兄慢慢玩, 嗒真d {:6_146:}
本帖最後由 ghhf 於 2017-2-4 06:35 編輯
小弟既WA5+++第一感國際版新鮮出爐, 同一風格, 將分散試聽體會及系統資料左執右砌, C兄可以頂住毒癮先, 本港版保証極度傳神, 更多底死毒料 {:6_138:}
Nice!
本帖最後由 ghhf 於 2017-2-14 07:02 編輯
好啦，小弟總算係開始吹番水本港台既WA5開箱第一感傳神版，有趣係本港台呢邊多人睇，但少人聲，國際台果邊少人睇，但多人聲。似乎本港台呢邊係積累咗一定既CDROM常客，習惯性地昅住小弟呢個超長氣帖，咁捧場小弟必定傾力泡製毒料，繼續荼毒各位C兄。{:6_122:}
WA5開箱已經足滿一個月，真係越聽越有，小弟亦巳經解開之前心中最大既疑問! 有睇開小弟私帖C兄就知道，小弟唔係善男信女, 有高尚品味，追求人機合一既超系統感動景界，所以如果WA5交唔出"一體臨場"效果(出文前，第一個感動效果已經揾到啦!)，就算係賬面上性能優越更多，對小弟來講，話知你係值十萬百萬系統，效果無feel就咩都係假，最多只不過係一舊大鐵唬人裝飾，都係不如WA22及WA6 SE! {:6_146:}
WA5的確係係另一個級數，就算係行原廠跟機膽，係技術性方面，都要將全副武裝，配上名膽完全體既WA22比下去! 依小弟自已既感受，只有係悦耳感方面，仲要係行平衡時，WA22先拍得上WA5! {:6_134:}
http://www.head-fi.org/content/type/61/id/1795400/width/500/height/1000/flags/LL
小弟心情真係複雜，一方面慶幸正機到手，原裝系統都有咁既效果(咁當然巳經唔係原版WA5, C兄記得小弟之前成日吹哂鷄話係有+++，另外加咗料升級咗3個部件)，確定自己無買錯嘢(性價比，值唔值老問題又唔好講住)，另一方面，又驚WA5太正，小弟以後會冷落唔再玩舊愛WA22同WA6 SE! 事實上，真命大婆出現咗之後，時間分配上點都一定係少咗比佢地。{:6_136:}
呢節吹住咁多，先報吓喜當熱身，下一節就進入細節及實際感受展述，毒料將有如滔滔口水連綿不絶, 一發不可收拾, C兄企穩 ...... {:6_174:}
本帖最後由 ghhf 於 2017-2-6 20:04 編輯
小弟又發牙癢有關失真偉論, 一脈相承理念, C兄無聊睇吓涉時間 ..... {:6_138:}
本帖最後由 ghhf 於 2017-2-14 07:02 編輯
係未入正式WA5試聽品評之前，小弟繼續吹吓花䋈，同入手過程有趣事。{:6_138:}
話説小弟出重手，決心打造一台珍品WA5，小弟要求多多，與Woo官方電郵不下十數次來回討論，除咗3個+++升級部件之外(輸出變壓器，電位器及單晶銅直流電源線)，提升强大內在實力，其實仲有想過一項有趣外在"升級"! 小弟要求特製金色機殼(現時官方只提供銀色及黑色選擇)，要一台獨一無二既"黄金"版WA5，仲要係"土豪金"果隻先夠搶! 小弟非常認真，比埋色版同色碼佢地跟住造! {:6_146:}
Woo果邊話做唔到"土豪金"，但可造到類似WA8既金色，呢隻色睇落係比較光亮新潮，小弟覺得都唔錯，跟住問價，結果特别造一隻金殼既代價，係要同升級WA5輸出變壓器差唔多! 係超出小弟預期，唔係土豪唔起(實數就唔講了)，而係係理性主導下，最後決定選翻原來既黑色! {:6_136:}
http://www.head-fi.org/image/id/9652355/width/900/height/900/flags/LL
而家想翻起，WA5開箱成個月，配上其他部件之後，睇落黑色既WA5要比金色或銀色，更能得到配襯效果，黑色果然係永恆最易襯色! 好彩小弟當時無財大氣粗，決定臨崖勒馬，如果真係去咗金色，C兄唔難想像, 會撞色撞到眼花(金色會唔會有腦放心理作用?!)，只改顔色而無實質性能提升，成個WA5系統既性價比更係會大打折扣! {:6_142:}
今節小小花䋈(本港台獨家)與各位C兄共享，跟住就來堅料 ..... {:6_177:}
本帖最後由 ghhf 於 2017-2-19 12:51 編輯
終極品聽 西電組合 - WE 300B/ WE 274A
好囉! 好囉! WA5開箱個幾月，今日2017年2月12日，小弟第一次裝上呢組西電終極膽管WE300B/ WE274A，正式品聽一代經典膽王風範! 兩組西電膽都係1950年代既舊膽，仲要係連出廠日期都一樣完全配對，可以話係正嘢珍品! {:6_127:}
小弟唔知點解自己可以忍得住，唔係開箱日即時聽西電膽，其實就算係試吓d西電膽都好應份。之前膽同機都未到手就好心急同興奮，但所有嘢集齊哂之後，小弟反而非常平靜，完全無衝動要先試西電套裝! 小弟真係聽足成個月原廠膽，聽咗超過40節100小時以上，先覺得差唔多夠喉要轉膽繼續。 {:6_146:}
經典名膽同正機當前，呢種平靜係咪異常?! 或者小弟下意識真係唔想咁快就知道終極組合既效果係點樣，想盡量留後先去品評! 除咗原廠既Psvane 300B，話哂小弟仲有另一組俄膽SED SV300B，其實小弟亦已經聽咗幾節SV300B，而家聽西電WE300B係好自然，好嘢留係最後先聽，就可以有多幾次驚喜! 事實上，WA5新機落地，等佢行番百零個鐘，比較穩定暢顺，無咩頭暈身㷫，先上西電膽亦係比較安全妥善! 有錢咩AMP都隨時可以買到，燒咗套西電膽，唔單係經濟損失，損失既仲係經典人文文化遺產，小弟會自責! 真係罪過! {:6_131:}
今日搞咗成個鐘清理咗d腳位，幫WE274A加埋轉接頭(5腳去4腳)，上埋WA5。終於來到第一次開機，一齊點着WE300B同WE274A既重要歷史性時刻! 年前一直期待既心願，係彈指片刻之後就會實現, 小弟怯場而家心裏面就真係有d雜念，唔知順唔順利出到聲，出到聲，又會唔會有咩古怪雜音，最後係音色正唔正呢?! 一連串問題，係插完膽，最後檢查，直到伸手轉動電源開關既一刻，都不斷浮沉腦海! 小弟真係未試過係開機時，隻手覺得咁重，手指覺得咁殭緊! 好似落咗重大賭注, 就快要揭開輸贏謎㡳! {:6_136:}
噠! 一吓清脆聲，終於見到WA5藍色指示燈開始閃亮，短短幾秒，就見到暗紅色膽管燈絲，總算係過咗第一關，無爆火花! 不過仲有十幾秒要等，小弟對眼一直釘住d西電膽，但又唔敢太接近，準備有咩異樣，第一時間就係斷電! {:6_204:}
閃呀! 閃呀! 時間過得非常漫長! 好唔容易等到藍色指示燈停定長着，跟住戴上HD800耳機，小弟開始係player播放歌曲。{:6_128:}
吓!!! 心裏一沉! 大鑊! 無聲嘅?! {:6_140:}
http://www.head-fi.org/content/type/61/id/1815785/width/500/height/1000/flags/LL
http://www.head-fi.org/content/type/61/id/1815782/width/500/height/1000/flags/LL
http://www.head-fi.org/content/type/61/id/1815784/width/500/height/1000/flags/LL
http://www.head-fi.org/content/type/61/id/1816452/width/500/height/1000/flags/LL
http://www.head-fi.org/content/type/61/id/1815781/width/500/height/1000/flags/LL
http://www.head-fi.org/content/type/61/id/1815803/width/500/height/1000/flags/LL
http://www.head-fi.org/content/type/61/id/1815779/width/500/height/1000/flags/LL
http://www.head-fi.org/content/type/61/id/1820318/width/500/height/1000/flags/LL
http://www.head-fi.org/content/type/61/id/1820367/width/500/height/1000/flags/LL
本帖最後由 ghhf 於 2017-2-14 07:01 編輯
話説小弟第一次品聽西電終極組合WE300B/ WE274A，過程係既緊張又刺激，上哂所有嘢，最後一開機，發現無聲出?! 真係咁大鑊?! C兄又比小弟忽悠咗啦! 如果真係大鑊嘢無聲出，小弟仲會有咁好心情，即曰出圖出文咩! 小弟搞吓氣氛用比較肉緊既語調表達，C兄可以抺汗啦，唔使替小弟擔心! {:6_138:}
其實一切係非常咁順利，不過一開始戴上耳機同係player放歌都係會無聲既，因為小弟有個好習慣，就係係每次熄機之前，先轉到最少音量。所以每次開機後，都係要將WA5音量重新調節一次，當前系統設定音量大約係11點位置，小弟覺得最適合。{:6_142:}
小弟一連品聽咗兩節，大約5個鐘，第二節效果要比第一節好太多，好明顯係要時間煲吓膽! 究竟西電套裝WE300B/ WE274A既效果同原厰膽效果相差幾多?! 小弟要聽多幾節再下定論，不過由第二節既效果來睇，西電膽係展現音律韻味方面係明顯更突出，小弟慢慢再同C兄報告進度! {:6_128:}
本帖最後由 ghhf 於 2017-2-14 08:22 編輯
經典試聽大計
小弟呢壇PROJECT WA5+++係會有排玩，甚至玩過世，因為可玩組合實在太多! 小弟既"經典試聽大計"亦已經隨住西電WE300B及WA5到手，靜靜咁展開同實現緊。{:6_142:}
有關小弟將要品聽既膽管及各膽管組合表現評價，小弟會放係國際台私帖，分別係Tube Register及Impression Register，本港台呢邊唔會出表，因為行兩套易錯又難管理。小弟用咗Woo AMP既評分項目，同時加上小弟個人獨特級別分類，對應小弟一貫既三個效果，其中Inspiring就係"一體臨場"。以各位C兄既聰明才智，用些少時間就會非常清晰了解! 小弟會更新及擴展呢幾個表，並會經常引申作為參考，有興趣C兄就要多留意。{:6_146:}
第一波熱身係先玩住27(=3x3x3)個膽管組合，小弟既藏膽當然會之後陸續加上，最終會有超過200個可能膽管組合。如果計埋可以轉DAC同換訊號線(x2x2)，會超過800個。如果進一步換埋耳機(x5)，咁就有4,000個可能系統組合，要聽哂一轉真係唔嘢少!{:6_138:}
题外話，小弟係自己私帖睇番部黑色WA5既品相，雖然一開始無金銀色咁搶，但黑色既神秘又有力量感，而且配襯得體，越睇越順眼，小弟自己心底都非常讚嘆! {:6_165:}
