變形金剛:黑月降臨 IMAX 3D~~觀後感 (回文含內容)

ooo2003003

打Sentinel都還好......
打Megatron同shockwave果到我真係接受唔到囉

kefana

狂派大佬每集都比人秒殺，

祖迪

回復  祖迪


    祖迪兄:睇完都天光囉
emuho888 發表於 2011-6-29 13:25

都唔係好早JE, 天都未光

今日再睇多場IMAX HAHA!!!!

不過好不滿今日UA isquare imax安排囉!!! 我睇6:50pm場, 我6:40已經係小食部位置等入場, 佢竟然6:45先比人入場, 喂~~full house呀, 又開得一條電梯比人上去, 又多人迫住上imax house, 又要上多2層, 又要派眼鏡,又要分小朋友鏡同大人鏡, 最後我入到場已經6:55pm, 已經開咗場囉, 去到美國太空人準備上月球!!
大家話有冇攪錯, ua 明知咁多人又唔早d比人入場, 好喇~當你清唔切場要遲開, 你咪遲多5~10分鐘開囉!!! 我又唔係遲到睇唔到, 係你地安排令我睇唔到囉!! 我入場個陣, 只有半成人入到場~~~超可惡!!! 好彩我都叫琴日睇咗一場, 知道個幾分鐘講咩, 我啲朋友唔知頭唔知路囉!!! 越講越嬲!!!

AST(Gym)

我有個朋友仲唔好彩呀  早成2個星期訂飛,買到好位,諗住ENJOY番次啦  點知喺正隔離位有一家大細,有個細路由開場至散場喺度好大聲咁咸未停過   最慘係個父母唔識自動自覺帶埋個細路離場  如果咁樣真係好自私喎!! 佢打電話比我"伸"左成個鍾    其實如果有咁既情形 可唔可以要求戲院職員請佢離開呢?? 佢咁樣真係超影響人睇戲心情喎?

emuho888

回復 23# 祖迪


    頂！琴晚我又遇到ching同樣經歷！我9：40開場要排隊入場入到去已經9：50開頭無得睇

阿定

回復  祖迪


    頂！琴晚我又遇到ching同樣經歷！我9：40開場要排隊入場入到去已經9：50開頭無得睇{:6_1 ...
emuho888 發表於 2011-6-30 00:46

    我同你同場，我入到去，已經登左月，之前完全唔知發生咩事，重點係我無遲到，係上唔到戲院搞到睇唔到，安排完全有問題！

emuho888

回復 26# 阿定

完全戲院入場安排問題

祖迪

我同你同場，我入到去，已經登左月，之前完全唔知發生咩事，重點係我無遲到，係上唔到戲院搞到睇唔 ...
阿定 發表於 2011-6-30 01:39

真係好嬲!!! 2場都係咁!!!

mrlittlejacky

都唔係好早JE, 天都未光

今日再睇多場IMAX HAHA!!!!

不過好不滿今日UA isquare imax安排囉 ...
祖迪 發表於 2011-6-29 23:37

其實呢,你去得多呢度睇IMAX 你就知,佢一直都有呢個問題,係個場地問題.因為只得一條好少的路上去,
我好幾次係下便D人係咁上,但上便行唔切,電梯位差D夾到人, 所以下次再去就死都迫前D.一早上電梯

阿定

回復 29# mrlittlejacky


今次唔關事，我睇過好多次 isquare imax，無一次係咁的，佢今次明顯係場與場之間無足夠時間清場，但又開得太多場次，強行夠鐘就播，無理到自己無比足時間大家上去，邊有理由，成個場得20%人，已經播緊！