聽BEYOND, 好細個讀中學時就開始, 果時BEYOND+草猛, 係我地讀書時既最HIT, 真正開始識BEYOND應該係秘密警察, 果時細個學人出黎玩, 有邊個唔識"秘密警察 心中滿憤怒 秘密警察 惘然獨對"家駒果把聲, 到依家有邊個可以咁 ROCK咁怨, 冇, 到依家都冇, 果時細個聽歌好簡單, 買左盒帶之後, 一定係由頭聽到尾, 慢慢, 對BEYOND就有左一份感情, 之後仲可以係電視睇埋BEYOND放暑假, 簡直係冇得頂, 果時細個, 好攪笑, 以為佢地幾個企係度, 彈野係台風, 跟本唔知原來音樂係咁做出黎....
之後既黑色迷牆, 電影, 真的愛妳, 我最記得我竟然係同祺哥一樣, 聽得最多最多都係 Beyond IV, 真的愛你, 曾是擁有, 與妳共行, 逝去日子, 好多呢個專輯既歌聲一響起, 腦中就會有畫面出現, 好多讀中學時既畫面會出黎來....好懷念呢......
跟住落黎, 聽BEYOND既歌已經係生活既一部份, 另一隻好喜愛既就係 Deliberate 猶豫, 入面有 Amani, 堅持信念, 不再猶豫, 係要聽Rock N Roll, 我早應該習慣, 誰伴我闖蕩, 高溫派對, 誰來主宰, 愛妳一切, 仲有細榮第一次唱既, 完全的擁有, 呢隻碟, 真係好正好正, 果時我都有一隻係手, 我仲記得係CD來, 跟住之後就係 1991年, Beyond唯一一次既紅館SHOW, 亦係唯一一次, 「生命接觸」演唱會, 果時小瑟太細, 跟本就冇可能有錢去玩場睇, 不過當佢出LD時, 我都開始做緊野了, 就買左一野, 果時亦都係小瑟岩岩開始學人玩AV, 仲記得用B&W前置, KENWOOD AMP, TV係SHARP 29", 同一對不知名既後置, 果時隻 LD 已經有DD, 不過當然係2.0啦, 但我睇呢隻LIVE起碼超過 200次, 基本上日日都睇一次, 冇辨法, 成個LIVE既RUNDOWN真係順到不得了, 睇哂成隻碟跟本就唔覺唔覺............
但過左冇耐, 佢地去日本, 之後仲話出事, 真係想像唔到, 有咩理由要係佢??? 唔係真既, 唔會既.....果時仲同一班朋友係屋企睇新聞, 大家都喊出來了........
過左咁多年, BEYOND對我既影響係前言默化既, 到依家, 當我想搵歌聽時, 都係首選BEYOND既歌, 係屋企搵機炸, 例牌都係BEYOND既點解, 好聽既歌, 就係冇得解, 係正就係正!!!!
BEYOND永遠都係BEYOND!!!! |
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2011-3-28 21:37
發表於 2011-3-28 22:15
樓主
