聽 beyond 係阿哥教我既, 第一隻 LP 都係阿哥買, 仲係 5 個人年代既 beyond, 而家仲有 keep 住
果時我乜都未識, 只係覺得 "舊日的足跡" 好好聽, 當然當時得小學 2 年班既我係唔會明白歌詞內容.
之後到 "猶豫" 既 LP 全都係阿哥買既, 雖然我全部都有聽, 但唔算好沉迷. 仲好記得 "命運派對" 本歌詞最後一頁果張相好恐怖, 每次聽到最後一首歌都唔敢睇.
直到屋企擁有第一部 LD 機, 阿哥租左 1991年生命接觸 演唱會返屋企睇, 比家強既冷雨夜 bass solo 喚醒左, 而我第一次真正認識家駒就係佢係冷雨夜 live 中, 四隻手指戴晒介指都可以彈得咁流暢, 覺得很神奇, 由果一刻開始, 我知道咩係結他, 咩係 bass, 咩係鼓, 簡單D講, 即係認識左咩叫樂隊.
當年家父有一枝陳年木結他, 我成日拎出黎扮家駒彈, 最初梗係亂彈啦, 但日子有功, 慢慢都可以彈到幾個 chord, 當對音樂既認識加深左後, 再重溫之前 beyond 既歌先知每一首都好深度, 就瘋狂地愛上 beyond, 直至遇上 1993 年既惡夢......
後話, 繼續革命係我買既第一張 beyond CD, 呢隻碟D聲好特別, 同之前或之後 beyond 既碟都唔同聲, 中頻好出, 感覺特別厚聲, 更加凸出左家駒既聲音, 直到而家每一次聽返呢隻都仲好鐘意呢種聲 |
[複製鏈接]
發表於 2011-4-5 18:37
有好多,都係多年前買
樓主
