AV 潮文一則

nighos

lulled 發表於 2023-4-15 09:54
35mm廣角鏡影人像都可以 , 不過會變晒型 , 出嚟效果係唔同 , 咁你會唔會接受 , 如果接受到就OK囉 {:6_142 ...

唔係AV amp推喇叭，2聲道機推 (號角=AV喇叭) 又如何？

mark1

nighos 發表於 2023-4-15 12:12
唔係AV amp推喇叭，2聲道機推 (號角=AV喇叭) 又如何？

都可以架，聽過老麥推PRO，金仔推ARRAY，都好華麗的。

LeoChin@FB

lulled 發表於 2023-4-15 09:54
35mm廣角鏡影人像都可以 , 不過會變晒型 , 出嚟效果係唔同 , 咁你會唔會接受 , 如果接受到就OK囉 {:6_142 ...

根本呢啲嘢就冇定律嘅，咁攞支300 2.8，離開九丈遠嚟打女（冇變形喇啩），又唔算人像？
咸魚青菜，各有所好喇。
三十年前，聽過啲外國發燒友玩 7.7，覺得好癲，咁Q前輩嘅六大低音，閣下試過喇，又如何呢？
首先、針對主題，樓主搞呢幾件巨無霸嘅目的、係要有戲院感，各位會唔會去戲院、諗住聽歌吖！？
題外話，樓主嘅幾隻喇叭，令我回憶起四十年前去演藝搞搞震，多謝

mark1

LeoChin@FB 發表於 2023-4-15 12:39
根本呢啲嘢就冇定律嘅，咁攞支300 2.8，離開九丈遠嚟打女（冇變形喇啩），又唔算人像？
咸魚青菜，各有所 ...

我覺得"聽歌"/"好聲"依兩個字真係要細分一下

A) 電影
1)配樂 : 電影入面9成時間都有配樂，果D都係音樂 。尤其係音樂電影, E.G. LALALAND , THE GREATEST SHOWMAN , A STAR IS BORN 等等。就算唔係音樂電影，都係大把配樂，目的係搞氣氛，還原度高，氣氛就好。要高昂有高昂，要沮喪有沮喪，要驚有驚。相信為之靚聲好聲。
2) 音效 : 即係好似槍聲，刀聲，開門關門，噹噹聲等等。都係睇還原度。
3) 對白 : 清楚從容夠厚度等黎夠仔細。都係睇還原度。

B) 聽CD/黑膠/TIDAL 等 2.0 兩CHANNEL

又未必係聽還原度，因為有時錄音未必錄得好，還原度高反而好難聽。所以玩2.0 就係要更高既標準，音場大得黎又要收得緊，三頻又要點平衡，要甜要滑等等為之靚聲。(真係唔謧) 依點應該就係同睇戲最大分別之處，
子彈聲，要夠爆夠响，定要夠甜?

最開頭講 PRO 去聽歌，聽A 講既音樂電影/ SOUNDTRACK (TIDAL) OK , 係因為聽還原度高，有氣勢咁聽，聽現場感，唔使甜，有時仲要粗粗地，咁PRO 就叫好。
如果PRO 要佢好甜咁聽CD，咁就無咁好囉。

以上都係小弟愚見。只係要分清楚主要聽D 咩，咩取向，先有得討論。唔係就雞同鴨講。
小弟就表明，9成睇戲，聽倒下歌唔太唔順耳就OK。

反而諗起以前細個行鴨記見倒ED 喇叭，一隻一部板車車住，心諗，邊有人買架? 點擺呀? 點知今日屋企就有幾隻。感覺都幾得意。

C 兄演藝搞搞震 有咩搞?

LeoChin@FB

mark1 發表於 2023-4-15 13:29
我覺得"聽歌"/"好聲"依兩個字真係要細分一下

A) 電影

有啲混亂，搞唔清 閣下同 樓主𠻹
去放影室行吓，去銀幕後邊、睇 閣下用緊嘅中置喇叭，扮文青、睇吓啲音樂劇，如萬世巨星、盲仔打波子機（Elton John pinball wizard)⋯⋯🤣

matt88p

LeoChin@FB 發表於 2023-4-15 13:44
有啲混亂，搞唔清 閣下同 樓主𠻹
去放影室行吓，去銀幕後邊、睇 閣下用緊嘅中置喇叭，扮文青、睇吓啲音樂 ...

Mark 1 就係樓主講緊嗰個屋主

matt88p

mark1 發表於 2023-4-15 13:29
我覺得"聽歌"/"好聲"依兩個字真係要細分一下

A) 電影

咁我睇戲覺得最緊要粗聲, 得唔得㗎?

matt88p

小弟突然間諗返好耐之前曾經上網睇過一篇有關於JBL PRO 喇叭嘅寫法, 都講得幾有道理嘅,分享下:

還記得一位老前輩講過他對家庭影院的看法，其追求正是尋回一種戲院味，也可說是一種電影感，什麼是電影感我就不能確實回答到你，但意識上我會個人認為是一種與生俱來所熟識的電影聲音。
但又是什麼叫熟識的電影聲音呢?? 我試打個比喻，正如你在小時候所第一次接觸芝士的味道，熟識了芝士的味道就是這樣，相信日後一提起芝士味你就會想到那是什麼的滋味。而大家都知道JBL是 很多戲院所選用的揚聲器，一聽到JBL CINEMA揚聲器的感覺就如重拾在戲院中的回憶。可能這就是電影感、戲院味。

AskaLung@FB

所以見過有錢佬都係分兩個廳玩，一專係為睇戲一個專係聽歌，咁就冇交嗌啦🤣

lulled

nighos 發表於 2023-4-15 12:12
唔係AV amp推喇叭，2聲道機推 (號角=AV喇叭) 又如何？

我試過用舊金仔推 jbl 1400 , 聽小提琴輕音樂 , 嗰啲超高音出得非常幼細 , 好似高山流水 , 從山上飄落嚟一樣嗰種感覺 , 非常之靚聲 , 但聽蔡琴味道又唔同晒 , 從來冇一對喇叭會十全十美  

其實電影感有分聲音同埋畫面 , 而家啲電影全部數碼化 , 清真係好清 , 靚真係好靚 , 清到乜都睇晒 , 但冇乜味道 , 好多時睇返啲舊電影 , 我就好喜歡舊電影啲菲林味 , 顏色同質感都好自然 ,立體感比較強 , 冇辦法時代進步 , 好多嘢要淘汰 , 不過喺度講一句 , 各有各好 , 各有各優點