AV 潮文一則

avbaby

喺屋企可玩到戲院器材，羨慕到呢！

Oushinc

補充番少少，依篇潮文嘅用意並唔係叫大家一定要追 Pro，Pro 亦都唔一定係最終目標。我只係想分享吓 AV 真係有好多可能性：例如前面玩三隻一樣。點解玩前三一樣？因為好多混音室，戲院都係前三一樣。混音嘅時候，好多時真係未必會顧及家用中置喇叭嘅感受。就以 JBL ARRAY 880 為例，就算咁大隻喇叭，有時都會緊緊地。當然，crossover cut 幾多，大家各師各法，出嚟效果亦都唔同，詳細亦都唔會喺度討論。

希望大家理性消費，玩得開心，以適當嘅器材喺自己空間發揮到，不要盲目追隨。

matt88p

Oushinc 發表於 2023-4-13 10:33
補充番少少，依篇潮文嘅用意並唔係叫大家一定要追 Pro，Pro 亦都唔一定係最終目標。我只係想分享吓 AV 真係 ...

我要揸 "GT 丫佬" !!!!

mark1

avbaby 發表於 2023-4-13 07:41
喺屋企可玩到戲院器材，羨慕到呢！

老實講，我度都係夾硬玩。
相信好多師兄見倒相，第一下都可能會問:

咁大隻得唔得架?
ED 戲院喇叭唔應該放響家用架喎!
咁大隻會唔會聽得好辛苦?

其實調返轉又咁諗，有D SETTING ，咁細隻得唔得架?

唔係細就一定好，或者大就一定好，所以，好難講，真係要睇好多因素。好睇個場大細，個人取向，耳聽為實。
其他場，小弟唔敢講，所以只能分享自己地方，自己同一D朋友既COMMENTS。

小弟個廳大約4M X 5M，喇叭擺位基本跟足DOLBY SETTING，加ANTHEM 9CAL 加恃，講真，都勉強OK，當然永遠都係坐後一尺好聲D。可惜地方就得咁多，只能係咁，細喇叭音場又唔夠刺激。小弟都係理境斗士，相信每位香港既師兄都係一樣，唔關個場有幾細事，係個場有幾大幾細都好，點發揮個空間先係考功夫既地方。

小弟轉PRO 好主要幾個原因係
1. 地方問題 : 因為PRO 前氣孔，可以貼牆放，幕就可以移遠一尺多 : FREE 返成20平方尺出黎，無咁呀位，影像又好睇D，睇得舒服D，收幕時都空間大D
2. 中置 : 雖然換左透聲，880升空後，陰場確實好左好多，但都係唔及1400 做中黎。要換埋1400 的話，成本又太高，更難搵單一隻，即係前三一樣基本無可能
3. 大件頭 : 任性，但夠刺激，開細細聲D 聲都好出好清楚大聲，D"音"夠"響"，音場好FULL，戲院感重。(個人口味，當然知道好多師兄睇戲唔係要戲院感的 )
4. 價錢 : 相對家用，喇叭同後級都係相對便，保養都相對唔使太講究，粗用粗用

當然有PRO 就有CON
1. 音樂 : 音樂戲係OK 既，但真係要2CH聽音樂 ，就唔滑唔甜唔夠味精，如果您話佢粗(當然係)，我會話佢好RAW，好睇SOURCE 好唔好，無修飾咁比哂您。小弟當BACKGROUND MUSIC 聽下JAZZ , SOUNDTRACK 就覺得好正，尤其係D HORN 聲。(真係要聽歌只能分家，窮一世都做唔倒兩重其味)
2. 重 : 搬上樓要生理準備，最緊要有樓主ED朋友咁幫手先好入手。多謝! 多謝!
3. 難搵 : 可遇不可求，唔係成日有二手，小弟係好彩，咁岩有好朋友換地方割愛售出。
4. 高音: 本身戲院喇叭預係幾百人既場聽，唔係幾個人聽，太近距離，高音會有D 刺，TARGET CURVE / ROLL OFF / EQ 要執執就好了。
5. 噪音 : 因為單元大左，開極都仲好松容，仲有得去，所以整體會不自覺開大聲左，去到岩岩"太刺耳"，但又"舒服"既音壓，咁要分D 心思做下隔音。
6. 老虎海關 : 明啦  引用友人愛WIFI語錄: 不知所謂!!!

總結黎講就係CON 多過PRO。

BTW，如有師兄有興趣想聽下比D意見小弟，唔怕遠，唔怕亂，唔怕難聽，歡迎PM ME 約上黎坐下。

matt88p

mark1 發表於 2023-4-13 12:01
老實講，我度都係夾硬玩。
相信好多師兄見倒相，第一下都可能會問:  

只能夠講, 家用喇叭點樣執點樣set, 都出唔到嗰個氣氛

avsuperman

曾經聽過Array1400+800係間80呎無的房仔玩，屋主試戲同音樂好享受，但我就頂唔順，太轟耳又無音樂感，個人口味，宜家自己都係150有限空間玩，得7呎距離，自己口味調出自己喜歡的声效，同以前家中200呎唔同，空間太小，器材配搭至緊要自己喜歡，別人意見可參考可唔参考，因為對得器材最多時間係自己，唔係家访的朋友

avsuperman

玩機好個人，我唔係追求戲院效果，跟本點追都無可能有戲院咁大的銀幕同声音擴散的空間，我追求走來走去超出画面的玩声，目前建構的影院有得有失，細空間發揮比舊址更爽，但無左向後的距離，而以前玩殺神2心口爆的一声也移了位，無左大喇叭同距離不足，總會比以前有落差，但近左中置又响亮，我無用同廠中置，因6.5吋低音不能滿足我，都係玩番8吋，可能連贯感無咁好，但玩AV要識取捨，否則只會係器材玩你唔係你玩器材，音响野一分$一分貨，就在有限投資玩到理想已經不錯，同貴價玩又係另一種學問，另一境界

mark1

avsuperman 發表於 2023-4-13 14:38
玩機好個人，我唔係追求戲院效果，跟本點追都無可能有戲院咁大的銀幕同声音擴散的空間，我追求走來走去超出 ...

同意，雖然都係環境斗士，講到尾都係要比個環境玩，或者玩盡個環境。合理空間，合理SETTING。
如果要主觀講一句，視聽五官感受，無論2CH多CH，無論響屋企定戲院，我覺得追求"臨場感"應該係個大方向。
加減法，百花齊放，各拖各法 ，大家都係藝術家，自己喜歡就好了。
點做倒"臨場"，"沉浸"，點做倒"還原度"...
學問也~~~學習中....

至於一分錢一分貨，小弟就財力力不從心，只能玩CP，無咩錢又想有貨色果隻CHEAP 玩法~~~

matt88p

其實經歷咁多年, 玩音響最緊要自己玩得開心, 聽每一個家訪 每一個展覽會, 都係聽下有咩好嘅地方學習下

nighos

avsuperman 發表於 2023-4-13 14:27
曾經聽過Array1400+800係間80呎無的房仔玩，屋主試戲同音樂好享受，但我就頂唔順，太轟耳又無音樂感，個人 ...

我就聽慣咗array聲底，聽唔返其他牌子喇叭