Denon擴音機

funny1

sam2004 發表於 2022-11-23 13:47
恭喜，恭喜！等你開箱文，睇吓夠唔夠力推到kef r5啲聲離箱，期待。  ...

開箱文就唔夠膽寫了小弟第一部兩聲道器材嚟有d咩大分別，離箱，音樂感還在摸索中我反而想特別鳴謝原音，買呢d叫做入門嘢都好詳細俾我同太太慢慢試係冇壓力嗰種，買得好開心我仲要係試第二次先買

sam2004

funny1 發表於 2022-11-23 16:26
開箱文就唔夠膽寫了小弟第一部兩聲道器材嚟有d咩大分別，離箱，音樂感還在摸索中{:6_1 ...

第一次玩兩聲道，第一次的感覺真係好重要！你以後走下去就冇陰影，行第二三步就歡心好多…

funny1

sam2004 發表於 2022-11-23 17:13
第一次玩兩聲道，第一次的感覺真係好重要！你以後走下去就冇陰影，行第二三步就歡心好多…  ...

咁要睇少d先得喇

ken_leung0118

funny1 發表於 2022-11-23 17:22
咁要睇少d先得喇

唔好睇太多，如果唔係好易燒上腦
恭喜c hing買到心頭好

funny1

還是試下聽咗幾日嘅感受
首先，合併機播歌嘅感覺真係好唔同，唔係咩高中低好大分別，個聲音都係denon嘅厚厚地暖暖地咁，但係個氣氛真係唔同，細節多咗唔少
氣氛好似輕鬆咗咁。
第二就係首歌嘅音場結像等實在咗好多，小弟對r5左右距離六呎有多，聆聽距離兩米三，樂器，人聲，能夠充滿咗呢個範圍，尤其係低音，細細聲都好實在
之前用4400h聽，音量開到大約-30db,一半多少少，依家部1700個旋扭去到9：00至9：30已經夠哂。。。

粉果人

funny1 發表於 2022-11-23 23:34
還是試下聽咗幾日嘅感受
首先，合併機播歌嘅感覺真係好唔同，唔係咩高中低好大分別，個聲音都係de ...

恭喜晒，買左新玩具當然係興奮，玩呢個過程都相當過癮會越聽越識聽，越玩越學得多野，最緊要玩得開心呀！

sam2004

funny1 發表於 2022-11-23 17:22
咁要睇少d先得喇

睇嚟你要誠心唸多幾篇金剛經！同埋少啲上嚟呢啲咁嘅Hi-Fi討論區，如果唔係死硬。

funny1

sam2004 發表於 2022-11-24 11:42
睇嚟你要誠心唸多幾篇金剛經！同埋少啲上嚟呢啲咁嘅Hi-Fi討論區，如果唔係死硬。  ...

其實咁早買算係個意外，都係因為身痕睇得多以前直係望都冇咩望，就係前排想換嘢時去av奶度聽過一次110加R5,好聽到離奇，跟住決定買喇叭先，聲係ok但低音真係爭dd,再逢周末就去吸下毒咁，都係聽18000內嘅馬仔40n/30/7000n咁y記s1200，evo75都聽過咁，越聽就越痕越想買
結果就去原音，聽1700ne,第一次聽同師父講我對係R5,佢就用1700推一對dy audio嘅小座地，標價32000，ok好聽，但感覺普通，無咩特別.,但知道1700音色好似110
兩星期後再去，自己帶cd,再同7000n 1vs1,今次駁805d3播黎瑞恩嘅《愛你一定快樂》，除咗琴音冇咁多尾音，人聲樂器定位可以將7000n完全比下去，最奇怪係7000n小恩子把聲冇聚係中間，反而係左右各自出聲（心諗唔通駁錯線？），然後到1700就樂器歸哂位，琴聲收得快番少少，小恩子就聚喺音場中間，知道自己冇選錯了，就去馬

sam2004

funny1 發表於 2022-11-24 12:28
其實咁早買算係個意外，都係因為身痕睇得多以前直係望都冇咩望，就係前排想換嘢時去av奶度聽過 ...

恭喜師兄，你已經冇回頭路啦！
慢慢調整下你對喇叭睇離牆幾多係最佳嘅位置，TOE-IN幾多係最好嘅，跟住聽一聽小恩子是否如你所講嘅．．樂器歸哂位，琴聲收得快番少少，小恩子就聚喺音場中間

funny1

sam2004 發表於 2022-11-24 12:55
恭喜師兄，你已經冇回頭路啦！
慢慢調整下你對喇叭睇離牆幾多係最佳嘅位置，TOE-IN幾多係最好 ...

呢d應該就係叫離箱吧
咁就有趣，部av amp4400都做到一些，當然1700ne就多好多，仲有個更清晰定位