終於見識下你了

qq1122yq

binge 發表於 2022-10-4 15:46
請問點樣可以調教上下? 我知道可以用十仔郁前郁後教phase, 但係就係欠心口嗰少少.  
用更KK, ba ...

校低頻定點/定位，不是搬隻十仔前後來校phase
離垟多少係取決包圍量感和打擊力感的平衡
想校低頻定位的上、下、左、右
係要校啱十仔phase制的大概範圍後
再精準調低頻的定點
比喻槍聲，是可以校到打頭、打心口或打袋袋，又或打左d定打右d
正確嚟講當然如套戲係打心口，就以打心口嘅定點為準啦
所以我不認為十仔的相位制，作用只是時間延遲咁簡單呢

binge

qq1122yq 發表於 2022-10-4 19:27
校低頻定點/定位，不是搬隻十仔前後來校phase
離垟多少係取決包圍量感和打擊力感的平衡
想校低頻定位的上 ...

KK得1格格咁咪難校D?
MK 可以有無段調校

qq1122yq

binge 發表於 2022-10-4 21:53
KK得1格格咁咪難校D?  
MK 可以有無段調校

我都有KK, KK phase有40格, 每格即=4.5度
如B.F多數90-180度, 即只雖試聽/找20次就揾到
方便過無段式要聽90次呢

cakecake

試過幾個距離，都係一開始既backfire離牆3~4寸既聽感最好

李好野@76

cakecake 發表於 2022-10-7 21:23
試過幾個距離，都係一開始既backfire離牆3~4寸既聽感最好

試好咗就autocal 一次，通知擴音機沒有隻十仔

cakecake

李好野@76 發表於 2022-10-8 01:09
試好咗就autocal 一次，通知擴音機沒有隻十仔

意旨唔好減左MK個特性？可以試下，Thx 師兄

qq1122yq

cakecake 發表於 2022-10-7 21:23
試過幾個距離，都係一開始既backfire離牆3~4寸既聽感最好

3-4寸聽感最好就得, 8寸並不是指定標準

ivyang

Sub仔係AV影院基本，始終要買一件傍身

ronan

qq1122yq 發表於 2022-10-1 10:56
''至於好多用家十分在意既打心口感，因為我家居擺位既關係，好老實不是明顯''

如果想打心口感明顯,建議B ...

個人認為如果想打口心真係唔好玩black fire ，black fire 的好處係打出黎的低音會潛得深少少，而低音因為經牆身反射，所以會無左方向感
但black fire 的壞處係打出黎的低音會較肥，去得慢，收得慢，睇戲可能唔覺，但一睇演唱會就會覺得低音打到一pat pat, 低音比野拉住，會好有KEF feel ，
其實起米樂試時都有同樣問題，所以米樂唔會試演唱會，最多都係試因妮清唱哭砂就算，同你講mk sub 仔唔會cover 人聲，唔會試drum 的live band 效果
同埋會發覺mk sub 仔只係爆到boom boom 聲， 而唔會有潛得深果種壓迫感

我依家隻sub 仔pan 向皇帝位，唔玩black fire ，較好phase ，會發覺d 低音係會沖埋黎，我只係用denko power card ，sub 仔線係QED reference cable，低音已經都打得好有力，去得快，收得快, 再用audussy cal. 好十仔的音量後，再set 做reference mode ，咁可以解決mk sub 仔潛得唔夠深出唔到壓迫感的問題

所以起米樂係試唔到mk sub 仔的真正威力

cakecake

Backfire打唔打心口其實好睇自己點調教，亦因應每個人不同既家居擺設，所以不是100％如樓上Ronan兄所說"想打口心真係唔好玩black fire"。

就如我自己如果唔用backfire，會連R心口既感覺都冇。所以back唔backfire不是一本天書睇到老。咁當然，隻Sub仔係自己，屋企係自己，自己覺得好聲就ok。

我自己用backfire，睇演唱會都睇左好多，完全唔覺有低音打到一pat pat, 低音比野拉住和cover人聲既感覺，我有兩位玩2ch HiFi既朋友，上過來寒舍聽過2次，2次試陳潔麗，容祖兒和陳慧嫻既演唱會，每次都係盛讚氣氛一流，好有現場feel，低音襯托得好好，人聲亦出和真實。不過又咁講，好多演唱會bluray對低音既調整其實都好大分別，subwoofer volume輸出要作相應調整先會出到好聲，如果唔作調整，過量低音自然又肥又慢，駐波亦會有增無減。好彩V12+有得用apps較volume，非常方便。(講速度，我用V12+ Backfire 都快過Velodyne SPL1200ULTRA正面打，所以話Backfire慢，唔。。。)

而潛得深一直不是M&K sound既特色，如果硬要佢出到就真係有D強人所難，而backfire就可以幫到佢呢方面少少，亦可以提升打擊力。市場上可以駕馭到呢種擺法而少問題產生，暫時真係得M&K Sound和KK Sound。(backfire既優缺點，有興趣既師兄可以自行google外國討論區)

無記錯Ronan兄係用V8的，小弟都擁有過佢一段短時間(有圖有真相)，V8本身係細單元加上M&K既設計，佢打擊力係ok，但要佢深潛其實係極有難度，如果唔俾牆角又唔backfire幫下佢，其實會覺得佢無料到(空間亦不要太大)，莫講話深潛。同埋有樣野就係如果玩單sub，又要深潛又要打心口，其實只可以取一邊，另一邊一定麻麻地，要取捨和妥協，如果要M&K潛得深又打到心口痛，我覺得都幾難，潛得深似係有駐波多D

Audyssey cal subwoofer個音量(留意我凈係話音量)其實係幫助整個surround系統既喇叭出同一個volume輸出同方便佢做頻響測試。其實去到最後都係建議將subwoofer於amp既輸出為0，volume由subwoofer 自己控制番較好。至於Audyssey既Reference或者Flat，其實似係較口味多，又未至於咁神可以將一隻subwoofer既缺點解決，尤其是潛得深係涉及極低頻，擴音機幫助有限(尤其是超低音，不過擴音機幫手set超低音距離已幫大忙了)，你要佢減極低頻輸出都還可以(降低駐波產生)，填番高佢等隻低音潛深就唔洗諗了。超低音最後都要靠擺位和Phase去提升效果。(個人建議，Phase係用於Audyssey之後作微調，做Audyssey 用0度開始較好，因為就算set 到360度都好，Audyssey 會當係subwoofer 有delay而加減距離，最後同0度出既聲係無乜分別。)

至於代理米樂，佢最主要既setup係大房既M&K X+系列，聽過係好難忘。至於細房，用來俾客試足咁多款超低音(唔止M&K，Procella 都有)，所以未必係試得足每款100％既效果亦都可以理解，要知道超低音郁過D一寸都唔同聲，重未計擴音機既設定。但細房個人認為已可以俾到M&K subwoofer 既特性俾客人聽到，已達到一定參考性俾客人選擇購買。

入得M&K就係想俾人揼，要潛？加多隻或者入另一個牌子吧
(其實近兩代M&K已經無咁揼俾番少少潛，平衡D了。以前MX系列果個年代就真係淨揼了，睇下低音單元條邊就知)

(利申先，我豆零都無收過米樂，V8和V12+都係自己真金白銀買)