有冇人好似我咁退咗燒？入影音展除了頂級之外什麼也沒有感覺

一休大師

同埋隨著年紀， 睇嘅嘢同埋要求真係會唔同！

好似我哋中學時期睇女咁， 梗係要樣靚， 到二十零歲 咁上下， 又鍾意大胸， 跟住年紀再大啲， 又鍾意睇腳， 長腿就是美！ 到好大年紀， 可能又鍾意返16歲， 或者乜都唔使 平凡是福！ 正正同玩音響係一樣， 以前最緊要低音勁， 跟住就鍾意 中頻靚， 又走去玩下膽機， 然後聽力爭啲， 又最緊要高音飄逸， 到好大年紀 可能一套微型hi-fi就算數！ 所以真係好難一概而論， 我成日都話睇自己要求， 其實就係咁解！ 淘寶嘢， 平有平玩， 有技巧 可能 一樣好滿足！ 有能力嘅， 又玩下貴價嘢， 净係個包裝都型到爆， 未開聲都滿心歡喜！

總之就係 唔好整個框 去lock死自己， 唔好做品牌奴隸， 多啲去世界玩下， 周圍見識下， 了解多啲， 隨心而行！

所以有時見到人哋 成日鬧交， 爭嗰一日之長短， 其實真係好無謂㗎 ！ 有時間嘅， 可以去認識多啲， 互相欣賞下， 得著會係更多！

art911

一休大師 發表於 2021-8-8 04:28
其實講起淘寶線， 我好想試下嗰隻銅彩， 希望大家唔好笑我， 我係好爛玩！ 你哋有冇人玩過？ 有咩 ...

大师早安！小弟没有用过铜彩，皆因只是5N线。小弟用的是美国金宝线8AG ( 8N镀银线 ) ，散线￥38/米。非常通透，结像力强。不单只做音箱线，没有屏蔽也能作音频线，真是神奇。这是个人体验，希望能值得大师参考。谢谢！

kl122002

我唔知有無人會睇我的文字, 不過就照講出個我知道的現況:

我自己都係退晒燒 , 你有留意的話, 線材由 Frey2 變成Siltech, 再變成今日的Supra . 價格上Supra 最高階的都仲比起前者真係平民, 中性, 也是正廠正貨, 沒什麼要我質疑的地方.
又, 最近先入手左個Bose 藍牙喇叭去聽串流
之前借我Lumin T2 的人都問我係唔係傻左, 甘我話有時音樂平平地用呢種喇叭聽唔會衰得過套偏聲的器材.  

點解都仲係要買有牌子的野?
比如一個 手袋, Hermes,  自己DIY, 其他便宜而相近的手袋, 都一樣一個可以用來攜帶物品的手袋
只是Hermes還是一個Hermes , 你會買是因為它就是一個Hermes;
你一樣可以不買Hermes而找其他 ,  但其他的不會變成一個Hermes.
這個就是"品牌"的道理, 和 "使用"的道理是2件很不同的事.

好多香港"代理"其實已變成了 "指定經銷商", 而真正的"代理"就是內地的公司
即是簡單D講, 外國的貨去到大中華地區時, 先係內地公司接手, 再分拆俾多香港和澳門各區指定經銷商在當地賣, 有些還會做台灣地區的.  
要可以維持到"代理"和 "指定經銷商", 係要講"quota" / "銷售額", 一定要在某個時間內賣到某個數量和金額先可以維持"代理"和 "指定經銷商"的名號.
以今日而言,  香港已唔係80年代的hifi大紅大紫年代, 97加上雷曼和現在新一代供樓的壓力下, 市面上對Hifi的需求係低左好多,
內地經濟的成長下變相hifi在內地的銷量大,  廠家也很自然會找內地的公司做"代理" , 而香港的代理做大量的quota升格成為大中華地區代理, 不然就由舊代理降格變成 "指定經銷商"或結業 .
香港市場細自然追銷售額"上困難,  那就只好賣貴少少做好盤數; 相反內地人多而且商戶多, 銷量大時自然盤數易做, 市場競爭上價格也一定要下調才可以.

morechoices

每次見網友發掘出淘寶新玩意，自己會做一些研究，然後落單購買，等待，收到貨後開箱，做測試，最後多數是把產品入音響雜物櫃，間中成功過案，有矮人打敗巨人的喜悦，平野也有正野。
錢花了，得到一個經驗，時間花了，享受期間的過程。

一休大師

morechoices 發表於 2021-8-8 10:18
每次見網友發掘出淘寶新玩意，自己會做一些研究，然後落單購買，等待，收到貨後開箱，做測試，最後多數是把 ...

不過老實講！ 淘寶要好嘢 真係要搵！ 好似我自己買釘墊咁樣， 真係都要試咗好多隻， 先至搵到啲係做得好嘅！ 的確用咗好多精神同埋時間， 咁可能有人都會問， 既然咁煩， 點解唔直接喺香港買 有品牌嘅呢？

其實
第一 ： 就係就算我肯畀錢買有品牌嘅， 都未必搵到啱心水！ 如果係有 我係真係會直接購買！哈
第二 ： 坦白講！ 有時問多兩句， 你唔係買貴嘢， sales態度都係好差！ 就算你買貴嘢， 佢都未必會睬你！ 我上次問條三皇冠 ， 佢都好似唔想答咁樣...... 咁你話實體店 咁搞法， 邊有人喜歡去幫襯？ 所以依家如果 有網購， 我自己都會網購， 就算email一問一答， 起碼 都唔使見到佢個西面， 影響自己心情！

淘寶就有呢個好處， 雖然成日撞板， 但係因為價錢平， 衰咗都唔肉痛！

最近幫朋友仔整咗個拖板， 又係幾好玩， 淘寶買個殼好平， 幾舊水咋！ 香港邊度搵.......？ 用料就自己揀囉！ 雖然係幾舊水， 但係做工都幾好！ 不過我自己就整得唔係甘靚， 因為時間 好急趕， 係即食快餐， 喺朋友面前一氣呵成甘完成........！ 如果畀我慢慢整， 應該會好番啲

一休大師

kl122002 發表於 2021-8-8 09:50
我唔知有無人會睇我的文字, 不過就照講出個我知道的現況:

我自己都係退晒燒 , 你有留意的話, 線材由 Frey ...

supra 我以前都有玩過！ 其實我覺得係幾好， 但係真係好唔鍾意佢個外皮， 佢呢個顏色好容易污糟同埋用耐咗好容易氧化變色！ 其他就真係冇咩投訴， 價錢 質素比例都好好， 呢啲價錢 有歐洲嘅音色， 聲音正路！ 如果對比起gotham， 我會更加喜歡supra！gotham 我唔鍾意佢鍊住曬啲聲！ 不過都好涉及個人口味， 我不嬲都唔鍾意食瑞士糖，orpheus nagra等等 都係存在住呢啲感覺

avsuperman

我係02年玩XLO的HDMl線，當時市價係2千，但以特別行內價入係一千，我明白到線材食水真係好深。如果用$係線材，不如花$升级器材，一對3千元的喇叭係唔會出到三萬的質數，所以我情願用係升级器材著手

avsuperman

kl122002 發表於 2021-8-8 09:50
我唔知有無人會睇我的文字, 不過就照講出個我知道的現況:

我自己都係退晒燒 , 你有留意的話, 線材由 Frey ...

虚榮心作怪，買名牌手袋以為自己係富豪(人靠衣裝)，同玩貴線一樣，當套機成百萬，要揾靚線襯，唔通幾皮一條線駁微型音响咩？$係你，可以點用都得，但有朋友係借$玩就何苦呢？

morechoices

一休大師 發表於 2021-8-8 12:04
不過老實講！ 淘寶要好嘢 真係要搵！ 好似我自己買釘墊咁樣， 真係都要試咗好多隻， 先至搵到啲係做得好 ...

一休師兄，DIY 拖板與市場上拖板，質素上還欠什麼差異。