有冇人好似我咁退咗燒？入影音展除了頂級之外什麼也沒有感覺

NM0101

m40 發表於 2021-8-7 23:44
你意思係大陸迷你amp 有調音？
其實上面玩電路已經好專業所以真係唔錯
佢哋有專門的復刻機，我冇試過但說 ...

我只是想講, 即使明知零部件幾平都好, 人地有技術做到某d效果, 始終都係要送錢俾佢洗, 冇得下下計成本。

koalaau

我都唔會買貴野，全部計過度過係抵先會買，淘寶野都試唔少，但不知名平價線材的水準就認真麻麻，平平地試下當買六合彩就ok。

雖然好多產品都係大陸oem，但oem只係後期加工或組裝，唔等於佢地已擁有哂全部技術。而只計原材料成本亦係唔公道，成本係包括好多野，開發技術和時間。試想畫一幅畫，顏料值得幾錢？

ericjoe

koalaau 發表於 2021-8-7 17:41
用過幾條淘寶線，初聽好醒神，聽落就覺係突出某頻段，由高至低頻段斷開哂幾截咁，唔連貫，轉返一般專業用散 ...

我都淘過唔少線... 佢地D 問題簡直出神入化...    除HDMI 駁PS5 外唔會再淘.  

大陸DAC, PLAYER 用過唔少反而幾好,    係唯獨線....    乃到一個點,    Gotham, Supra 都係幾百...  用緊不知幾開心.

ericjoe

koalaau 發表於 2021-8-7 17:41
用過幾條淘寶線，初聽好醒神，聽落就覺係突出某頻段，由高至低頻段斷開哂幾截咁，唔連貫，轉返一般專業用散 ...

F 字頭既耳機線...   乜乜單晶銅鍍銀個條先正,  線都可以搞到間中有JITTER...    真係服左佢.        #利申我用緊大陸D90 DAC

WongMo@G

其實唔駛咁執著，願者上釣！
始終香港鋪租貴 人工貴 唔賣貴d真係維唔到皮，大可以去問下 試聽下 攞個聽感 跟住唔買！
舉個例子：月餅🥮成本幾錢一個？ d餅鋪賣成個百 幾百蚊 一盒又係有人買🤣 點解？其實月餅都可以自己DIY 或者淘佬買。
有時一件事睇你點睇 最緊要玩得開心🥳

koalaau

ericjoe 發表於 2021-8-8 01:23
F 字頭既耳機線...   乜乜單晶銅鍍銀個條先正,  線都可以搞到間中有JITTER...    真係服左佢.        #利 ...

大陸出的解碼和轉盤係較穩陣，因為全世界都係用來去幾款晶片和唱頭，線路又有得跟，唔會點瀨，我都有部千幾的大陸淨轉盤，表現唔會贏高價機但以價論聲就超值。

線我都認同用gotham之類夠喇，已經好平，不知名淘寶線試過幾款都係唔得的，幾平都冇用。

m40

koalaau 發表於 2021-8-8 02:23
大陸出的解碼和轉盤係較穩陣，因為全世界都係用來去幾款晶片和唱頭，線路又有得跟，唔會點瀨，我都有部千 ...

問題唔止線，我發現喇叭都係，我講緊係有牌子
淘寶有正版喇叭，歐洲牌子，賣一兩萬，香港夠膽死買四五萬

有心搵，你發現好多”驚喜”

一休大師

坦白講！ 我真係極少 去討論呢啲話題， 主要一個原因， 就係我根本完全冇興趣 去改變人家嘅想法！ 不過 咁啱 瞓唔著， 就無聊分享下！

其實係我自己嚟講， 就算一條錄音室牌子線， 分別都係好大， 例如canare同mogami， 有興趣嘅話， 都可以自己比較下！ 我咁樣講 唔係代表貴線就一定係好， 我自己以前都好鍾意用 可能係樓主所講嘅siltech argento audionote nordost 之類嘅線材， 不過依家就鍾意用inakustik 呢類型， 隨著年紀， 經驗 要求 同埋認知 其實都會唔同！“ 分唔分別到？ 有冇用？ 抵唔抵買 ？”等等...... 以上嗰啲因素， 全部都唔係重點！ 最重要係， 當時嗰一刻 ，氹唔氹到你開心？ 呃唔呃到你自己 隻耳仔先？
有人用微型hi-fi 一樣聽得好開心！ 有人用十幾萬條線 一樣玩得好過癮！ 佢哋同樣都有一個點， 都係自己開心， 覺得足夠同埋滿足！
曾經有個case， 我有個朋友， 佢從來唔聽古典， 跟住有一次 ，佢去完我屋企聽完之後， 然後就問我借啲古典cd 返去聽下， 到下一次， 佢就同我講， “不如你唔好聽古典”， 聽番流行曲la！ 我聽到之後， 真係想即刻返屋企 聽返首“天方夜譚”哈哈哈！！！！ 因為真係荒天下之大謬........... 你自己唔喜歡嘅， 怎可能強加人哋喜歡？ 就好似食生蠔咁樣， 個個第一次食都覺得好怪㗎喇！ 食食下如果你係鍾意， 自然就會分到 唔同品種 佢細微嘅分別！ 但係有人會覺得唔好食， 或者覺得貴， 又或者冇益， 甘呢個係冇問題！ 但係就唔好令到人哋 要同你自己係一樣lo！ 啱嘴型嘅， 咪一齊出嚟食下生蠔， 互相討論下！ 唔啱嘴型嘅， 食下飯冇所謂！ 咁我阿媽都成日叫我唔好食嘅， 我當然唔會去說服佢， 因為佢根本唔明白過中嘅樂趣， 只會係對牛彈琴！ 但係我同樣會尊重佢， 喺佢面前唔食囉， 表面認同佢所講嘅嘢囉！ 其實就係咁簡單！

咁當然 我朋友個case， 我都係講下笑啫！ 因為我心裏有數， 呢啲嘢根本唔會擺喺心上面， 只係當笑話笑下就算！

我自己認識唔同嘅 發燒友， 其實 每個人 都有唔同嘅玩法同埋想法， 有淘寶人士， 亦有土炮人士， 亦有diy人士， 亦都有富豪奢華人士！ 而我自己 就唔會理嘅， 因為我自己 會買貴嘢， 同樣亦都會買淘寶嘢， 總之你呃到我隻耳仔， 令到我心情舒服， 見到就會開心嘅， 咁係乜嘢都冇咩所謂！

講咗咁多廢話， 其實都係好簡單， 就係各師各法， 各有各玩法！ 大家互相分享下 討論下 自己嘅玩法！ 都係一件好嘅事情

一休大師

咁有師兄就話， 同樣嘅嘢， 可能係香港買就會貴啲！ 咁呢個係絕對合理， 就算同樣嘅外國貨品， 香港買都係有可能會係貴啲！ 咁呢度自己要衡量返， 懂得網購 都係必需， 但係同樣要了解返個風險！
至於混水摸魚， 其實乜嘢都存在㗎喇！ 就算係音響網站， 打手都係一籮籮， 呢啲就要自己分辨返！ 收錢做嘢 好正常， 邊有人會打爛自己個飯碗？ 純粹係角色問題！ 就算調轉咗角色， 比着我哋自己都係會咁樣！ 道高一尺， 魔高一丈！ 自己多d去了解返就ok㗎喇！ 最緊要訓練好自己隻耳仔， 咁就減少啲畀人呃囉！

縱使 係咁樣， 其實都仍然係會見到 好多師兄係會真心分享， 睇得多 過濾下， 好容易會分辨到！ 真心分享嗰啲師兄， 我反而覺得大家係要畀多啲like， 支持下！ 咁佢哋就會繼續分享， 又可以更多討論嘅空間， 自己又可以得益多啲

一休大師

其實講起淘寶線， 我好想試下嗰隻銅彩， 希望大家唔好笑我， 我係好爛玩！ 你哋有冇人玩過？ 有咩評語？