JBL bar9.1 行貨？水貨？

siukeung

新手有問題是很正常，自己亦曾有新手過，會怕比人呃，上來76發問非常合理!! 76團隊辦這個網其一目的就是個特別照顧新手，我這些老會員最知，當年小瑟、阿wil及很多熱心師兄也幫我及我的親戚不少!!

AlfaWu@G，你支soundbar單從相片看的確不像香港行貨，非常似國版。可能有些鋪家從國內正常渠道取貨，這樣當然是有國內保養~有時這些鋪家都會當行貨講成有保養!!!又有些情況，總代理香港與國內是同一間公司，由於類似影音產品法規對應與支援情況有別，同一樣型號有分港版、國內版，但由於總代理香港與國內是相同公司，所以有問題要做保養都照做，這樣便有可能零售鋪賣的國版仍當港行版。

不過jbl屬什麼情況就不知到，AlfaWu@G問清楚如何登記保養及有問題是可以到那裡處理穩陣。

AlfaWu@G

真係好感謝咁多位師兄既留言幫忙，提供到唔少有用資訊俾我！

依兩日分別致電相關舖頭同代理查詢，了解後發現係代理既問題，就類似#41師兄所講後者果個情況。咁我都講一講返個情況出黎，負責任地還舖頭一個清白。
由於代理方面無國際版(港版)供港，就喺內地調啲國版落黎交貨俾市面分銷商當港版行貨賣。舖頭都係收到我查詢先知道支soundbar版本有別。

代理表示都係行貨，有售後保養。問到不支援google相關功能問題時，反建議我冇google咪用Airplay😅，並聲稱已經同所有舖頭講明售賣時要同客人交代清楚是國版行貨，淨係不斷叫我同返舖頭deal 😓

最後就係國際版(港版)幾時會返到貨問題。代理話未有期答唔到我，有機會之後都會係返國版貨。所以之後可能都陸續會有國版行貨情況。如果有師兄有意入手，一. 請自行斟酌支援功能上的使用情況，二. 購買時問清楚，避免與預期有出入，有啲‘貨不對辦‘既感覺。

chan@76

AlfaWu@G 發表於 2021-2-8 17:26
真係好感謝咁多位師兄既留言幫忙，提供到唔少有用資訊俾我！

依兩日分別致電相關舖頭同代理查詢，了解後 ...

呢個代理都算衰，宣傳資料不符貨品
報佢商品説明啦

vincent369

師兄宅心仁厚，這代理用近乎欺騙手段出國內貨(沒有先說明), 好似明正言順賣國內版Sony電視當香港行貨賣，建議師兄要求代理更換chromcast版，如不同意，要表明會向JBL總公司報告。

GaryLai@G

vincent369 發表於 2021-2-8 18:31
師兄宅心仁厚，這代理用近乎欺騙手段出國內貨(沒有先說明), 好似明正言順賣國內版Sony電視當香港行貨賣，建 ...

讚成

AlfaWu@G

無任何說明下交左國版貨出去就撒手射個波俾分銷商...完全係擺分銷商同消費者上枱
決定聽日再打去代理理論。如無合理方案就照兩位師兄意見尋求總公司及海關協助。

ajnakata

唔怪得尋日去 avlife,  佢地話出面好難拎貨

vincent369

好明顯，中國及香港同一個代理，國內QQ版貨未清，國際版新貨就要等下啦...

vincent369

AlfaWu@G 發表於 2021-2-8 19:21
無任何說明下交左國版貨出去就撒手射個波俾分銷商...完全係擺分銷商同消費者上枱
決定聽日再打去 ...

師兄，可以查下淘x国內版價錢，代理過肥年!

s1011125

AlfaWu@G 發表於 2021-2-8 17:26
真係好感謝咁多位師兄既留言幫忙，提供到唔少有用資訊俾我！

依兩日分別致電相關舖頭同代理查詢，了解後 ...

一定要退貨!!
國版最新firmware 天空聲道有問題
左上和右上聲道會同時發聲
水貨價錢買都算抵玩,行貨價錢買就一定唔好要