JBL bar9.1 行貨？水貨？

AlfaWu@G

早前去左深水埗一間都稍有名聲的電視影音器材店舖睇左套JBL bar9.1,當時店員說明是原裝行貨有保養，價錢就相比出面稍稍便宜一點，各方面看來都認為可靠就落訂。

咁當中店員曾兩次致電我代理方面返唔到貨，要延遲。
最終三星期後的今日收貨。貨到付款時檢查有原裝行貨貼紙都沒有太大疑問。開箱時見圓形封盒貼紙有好輕微鬆鬆地，但認為大型電器外盒都差不多。到拎一對後置喇叭出黎時見到底部是英文連簡體字，之後再檢查外盒，發覺都係英文連簡體字。我對比過網上review影片和圖片，見到都有出入(沒有了chromecast的標誌，變成了QQ音樂)。又記得之前爬過下文有師兄話水貨版先要用要微信。之後致電該店舖詢問，店員表明一定是正貨，仲話我可以根據行貨貼紙上的產品編號查詢返代理。

依一刻充滿住疑問，以下附上幾張圖片，想請教各位師兄究竟係咪水貨？定係我一場誤會？如果咁岩都有師兄又係新入手希望解答下我既疑問🙏🏻🙏🏻🙏🏻

chan@76

23011130 電話係假的嗎？
唔信間舖都唔係咩問題
唔信間舖又想係度搵到一個確定的答案就難理解

yuppi

九成水貨
下次小心啲

chan@76

yuppi 發表於 2021-2-7 00:34
九成水貨
下次小心啲

點解 當代影音有限公司 唔係JBL家用版嘅代理？

https://www.pioneeronkyoasia.com/jbl

佢哋都係叫人聯絡 當代 唔通又係水貨？

只係兩個回覆，就已有兩個答案，引証左係度討論係搵唔到確實的答案比樓主



不過就住保養方面
樓主唔洗怕行定水
當你睇完張保用證的文字
就可能會問咁即係包左咩保養
做咩唔去買水貨

AlfaWu@G

chan@76 發表於 2021-2-7 00:23
23011130 電話係假的嗎？
唔信間舖都唔係咩問題
唔信間舖又想係度搵到一個確定的答案就難理解 ...

多謝師兄既回覆！我都同意你所講打電話去問清楚就最直接

但因為我今日都係2點幾3點一收工就仆返屋企收貨，發現到疑問後我第一時間都上黎刨下文，再去其他網站search下，包括POMA網站我都有睇到係當代做售後，亦見到有網站報導過當代係JBL 代理，但從網上影片及其他師兄分享所得，的確外盒以及說明書內容都不是一般香港行貨模樣。以上步驟都差不多睇到6點半左右，所以都未能及時致電23011130詢問。

抱歉我是新手，綜合左咁多項資料都只得到似是而非既答案，心急想盡快求個明白 所以都係抱著一試心態上黎問下

AlfaWu@G

yuppi 發表於 2021-2-7 00:34
九成水貨
下次小心啲

多謝師兄的回覆。單從產品黎睇真係九成係內地版。
但售後保養又真係香港JBL代理，間鋪頭由落訂到剛剛詢問都唔似水貨充行貨，主動建議我打去當代提供產品編號做確認，我話如果有咩疑問打返黎搵佢又表示歡迎態度。買之前其實都小心 一再確認係行貨有保養先買
所以真係唯有學樓上位師兄話打去當代問問

chan@76

AlfaWu@G 發表於 2021-2-7 02:39
多謝師兄既回覆！我都同意你所講打電話去問清楚就最直接

但因為我今日都係2點幾3點一收工就仆返屋企收貨 ...

其實唔洗咁擔心
因為如果真係明水你就唔係第一個水你
又唔會怕你一兩個電話
就算你係呢度確認到佢水你
佢都唔會怕你抬架機落去
反而你咪等兩日打去問代理
順便試晒所有功能睇下佢係咪內地版有d功能冇左
再同代理理論
如果張保用証係淺藍色印得企企理理都多數係行貨
下次應調轉問左代理你想買果間嘢係咪佢哋d 行貨先咪再安心d

GaryLai@G

AlfaWu@G 發表於 2021-2-7 02:39
多謝師兄既回覆！我都同意你所講打電話去問清楚就最直接

但因為我今日都係2點幾3點一收工就仆返屋企收貨 ...

其實我覺得樓主冇錯，就算可以打電話去代理求個明白都好，樓主只係想同大家玩影音嘅師兄交流下遮。
玩得影音嘅都有初哥同資深啦⋯如果個個都係資深玩家，仲使咩睇影音網站。

小邪ktm

AlfaWu@G 發表於 2021-2-7 02:39
多謝師兄既回覆！我都同意你所講打電話去問清楚就最直接

但因為我今日都係2點幾3點一收工就仆返屋企收貨 ...

師兄喺邊間買?買咗幾錢?

AlfaWu@G

chan@76 發表於 2021-2-7 03:17
其實唔洗咁擔心
因為如果真係明水你就唔係第一個水你
又唔會怕你一兩個電話

見唔到有張淺藍色既保用証，反而只有以下圖片一份黑色封面的保用書。以師兄所講，係咪幾近肯定係水貨啦？