Ribbon RCA cable

Alman

初步試聽這對 Molex 50 ohm 打孖helix 線，

這線取代Mundorf 金銀foil helix coaxial抽出的單枝銅線接GG前級／後級， 用佢夾 Duelund 0.5 helix Neotech 棉漆線／KLE Absolute Harmony 駁DAC同GG前級：  聽多咗弱音， 多了些動感， 空間前後（contrast）感强， 人聲更有肉／出

線就係咁好玩。 今次整法源於幾個ideas： digital線可用於interconnet線； Helix 版主改良用double signal及return線（inspired by Schroeder method ：就是將兩條相同的信號線接成一條。） https://www.dagogo.com/audio-bla ... rconnect-placement/

這對打孖線可能對其他線構成威脅

Alman

同門相鬥： Duelund 1.0 油絲 電池線／KLE  Pure Harmony    VS    Duelund 0.5 helix 線／KLE Absolute Harmony



大家都是接 GG前級及後級， 賽前小弟估計1.0 電池線勝算較高， 結果跌眼鏡， 電池鬥不過 helix  比試：

帕格尼尼小提琴協奏曲：主要用以測試layers 及空間感

Duelund 0.5 helix 明顯勝出， 其主音小提琴背後的伴奏清晰過， 距離感強1.0 好多； 彈奏更有body及份量。三角鈴的泛音擴散過1.0.  1.0 場面壓縮， 平面d。

The Eagles ： Hell Freezes Over : Hotel California 現場錄音

又是0.5 赢, 而且更全面： 無論係結他聲， 低音電結他， 分析力音場等出色過1.0  1.0 欠缺生氣， 低音電結他濛。 0.5 的觀眾喝采聲叫聲播得真。

Bossini Overtures： The Silken Ladder

兩線拉近距離， 不過 1.0 的分析力始終不及細佬。

聖桑 骷顱之舞 ：

這首爆棚音樂好夠考驗性，0.5 整體尤其喺氣氛方面做低大佬： 開首引子的鋼琴獨奏琴聲鏗鏘， 泛音悠長d， 音場深厚d， 樂器線條sharp d， 1.0 則音像大d但鬆散。

Duelund 1.0 油絲線有其特質兼貴 0.5 咁多， 實在輸係邊？ 會否geometry （電池 vs Helix）? 是否RCA頭 (KLE Pure Harmony Vs Absolute Harmony) ? 無論答案係乜， 1.0 會被小弟解體重生也

下次又來個Duelund 大會： 今次Duelund 0.5 helix/ KLE Absolute Harmony  Vs  26 awg solid core silver cotton oil helix/ Xhadow   Vs  20awg tinned copper cotton oil helix /1877

Alman

解甲Duelund 1.0 油絲電池線

上星期這對線敗陣下來， 不及 其細佬 Duelund 0.5 helix, 於是決定改之： 拆除電容電阻銅網等物再加條helix。 點知焊筆突然死亡， 唯有稍後再整。 解甲後的Duelund 1.0 嘅結構是1.0 以兩條 20 awg 6N 單枝鍍銀銅交叉繞著，穿入棉管後再纏以teflon tape， 線身實淨， 只要加條helix 線又可上陣

淨身後嘅1.0, 實力唔差， 同Duelund 0.5 略為比較， 好似 無咁豐滿。 打算加了helix後再正式切磋

Alman

Duelund helix 三兄弟互片

左邊：  20 awg tinned copper cotton oil helix／ 1877
右邊 :    0.5 silver foil helix / KLE Absolute Harmony
下邊 ： 26 awg silver solid core cotton oil helix / Xhadow
  


接 cd player －－ GG 前級

未動武之前， 小弟心中盤算結果如下： 0.5 > 26 awg > 20 awg 結果也如是

聖桑 骷顱之舞： 整體 0.5 與 26 awg 相差甚微， 分別在於 0.5 的空間感及音像宏偉d，低頻豐厚d， 26 awg細緻d斯文d； 分析力方面最後有一下吹氣聲， 0.5 出得大聲清楚而26 awg 則輕聲d， 20 awg 直頭聽唔到 ： 佢有嘅係力度， 低頻同樣豐滿， 但係立體感唔及人哋。

鴨子拌嘴 ： 這首敲擊樂因為0.5 較厚聲， 有先天著數， 密度高d， 餘韻响d， 但26 awg 亦唔輸蝕： 餘韻長d， 音色可說是細緻富貴氣， 但播打鑼打鼓就差0.5 嘅氣勢。 20 awg就有 0.5 的風範， 但係音場較兩線淺， 無咁通透。

蔡琴 機遇： 鋼琴與人聲屬試音佳選。 0.5 同 26 awg 可以播出成座琴係蔡琴左後面， 琴聲鏗鏘， 琴鍵粒粒作響， 但26 awg 嘅琴會細sized， 尾音無咁長。 人聲就0.5 殺晒， 好focused， 抖氣聲， 口水聲歷歷在目， 埋身感覺正呀  26 awg 人聲傾後， 聽起來無咁過癮。 20 awg 鋼琴尾音都聽到， 但唔夠響， 琴同人嘅距離唔明顯， 人聲唔夠感情。

0.5 silver foil helix / KLE Absolute Harmony實力強橫， 唔知 1.0 加了helix會唔會反敗為勝？ 下回分解

Alman

Duelund 1.0 變身成功

這對1.0 拆除電容等物後， 聲音已經同前有別， 今日將佢打造盔甲， 穿上helix線。 整條線的gemetry是Duelund 1.0 油絲線交叉繞以兩條20 awg6N鍍銀單枝銅， 再成條線helix 18 awg 包棉漆皮線。 試試這新整法。

急不及待駁係DAC同 前級試音， 時間所限， 只聽了聖桑的骷顱之舞： 吾錯吾錯 。 聽日會同0.5 會一會啦

Alman

Duelund  兩兄弟  0.5   Vs   1.0   Helix  

0.5 身塗礦物油穿棉管， helix以Neotech 棉漆， 再加 KLE Absolute Harmony    Vs   1.0  穿油絲管， 交叉纏以兩條20 awgOCC5N鍍銀單枝銅， 外helix 條18 awg 包棉漆皮銅， 再加KLE Pure Harmony

試音： 蕭斯達高維契 第十第三movement ； 蔡琴 機遇；  Patricia Barber ： Too Rich for my Blood;   四季 ： 夏天

蕭斯達高維契 第十第三movement ：  0.5 較厚聲， 更具質感同空間感， 三角鈴大家一樣清脆富震動。 機遇兩者則聽唔出分別。 Too Rich for my Blood： 0.5 勝在質感， 低頻豐厚兼沉d， 人聲傾前一d，牛筋的彈下彈下聲好過癮， 0.5 較好d。 四季： 0.5 的小提琴聲有力d，激d， 富韻味d;  1.0 則可以說是clean 聲。

兩線的分析力其實無分別， 但懷疑KLE Absolute Harmony 始終技勝一籌， 所以0.5 係韻味質感等會優勝一d致甚為討好。初時仲以為 1.0 有油有絲， return helix 更加勁，應該有勝算添  但佢同變身前電池線時比已經好好多也

下次會搵番兩對 Duelund ／Neotech 灌沙線嚟比下



  
            

            

Alman

連聽四次。。老婆以為我傻咗

昨晚已經聽了上述兩對灌沙線， 有了初步印象。 今日喺其中一個箱入面見有另外兩對久違的線， 一於攞埋一齊切磋： 佢哋係 兩條銅箔helix／ Neotech RCA， 同埋 Neotech UPOCC方芯銅（正）銅箔（負）twisted pair／Onix RCA。

以精簡方式， 只試一首音樂： 蕭斯達高維契 第七第一 movement 。 先講 灌沙Duelund Neotech 銀線twisted pair／ KLE Pure Harmony: 佢音質非常乾淨， 音場好深， 但總係欠些勁力， 變成爆棚時有氣無力咁。 另一對Neotech UPOCC 棉漆（正）UPOCC方芯銅（負）twisted pair 灌沙／Onix 就線條清晰分析力了得之餘，有氣勢， 中後段的爆棚層次明顯。 這兩對灌沙線今次令小弟聽到一些之前唔覺的音樂； 例如開頭後排有好輕微的演奏及 有些演奏是兩種樂器一齊出聲互相配合的。 另外有段鋼琴不斷重複一音符， 位於右後位置， 音量唔係大， 今次兩線能將佢出得明顯同pin pointed

至於兩條銅箔helix線／ Neotech RCA， 整體音色平均有質感， 但播爆棚時線條有些blur； Neotech UPOCC方芯銅（正）銅箔（負）twisted pair／Onix RCA這對就令小弟喜出望外， 佢音色豐厚， 分析力不下於上述Neotech 棉漆／方芯銅 twisted pair灌沙線 ， 遲d要再聽清楚佢。

灌沙線同常會令分析力增加， 音色偏向清爽。 灌沙Duelund Neotech 銀線就overkilled 咗， 似乎銀線不宜去灌 。 另一對灌沙Neotech 銅就啱晒啦 佢會被委以重任， 出戰其他高手 無灌沙對Neotech 方芯銅／銅箔， 可能入選也未定

Alman

Double Double。。。

上星期試過灌沙Neotech 線， 那份full body 及低頻彈跳， 係咁在腦中出現。 反觀Molex 同軸及Neotech 金銀線RCA， 雖然效果， 尤其分析力方面極好， 但始終缺乏灌沙Neotech那份豐滿及韻味。 似乎線的awg是其中一個因素。 早期學人整rca線時， 所得的知識是線身不要大過24 awg ， 正負用同一awg和材料， 又以twisted pair 最理想。 但浸咗咁多年， 已經無章可言， 不斷有diy友創新， 或者廠線的不同設計。 例如Duelund 的 16 awg tinned oil cotton rca 線， 或者 Helix 線等， 都係N 年前初哥所不能想及的。

今次一於把Molex 同軸線改， 拆原先的 28 awg X 2 helix 一對， 23 awg 正負twisted 一對 ，互扭合成為各四正四（網）負， 用番KLE Absolute Harmony； 另拆除兩對 Neotech 金銀線 (分別均為 28 awg helix ）整成一對25 awg double helix配番 Silver Bullet。 每對都粗略煲了幾個鐘後去聽了一兩隻cd， 效果是： 兩者都比前身有改進， 尤其是Neotech 金銀線， 沒有薄聲， 分析力更有。佢地正好加入戰團大軍也  

有咁多線拆拆整整， 又點會悶？

Alman

兄弟上陣， 肉帛相見， 一招了。



上圖對Double Double Neotech 金銀／KLE Absolute Harmony 聽了兩日後， 心急同佢兄弟一條 26 awg 金銀 helix／1877 （helix 線係20 awg 單枝銅）切磋吓： 聽 帕格尼尼小提琴協奏曲其中一movement，先聽 double double， 後聽26 awg，點知26 awg 顯疲態， 小提琴好sharp，音場都好闊同後， 背後協奏有輪廓 但無生氣， 好似隔咗塊布咁， 低頻亦無力。。。。 再播多首 High Performance Carmen 一段試真， 效果相似， 其中一下 "丁" 聲，Double Double 清脆但 26 awg 出得好鈍。 佢又要被煎皮拆骨了

由此觀之， helix 版主教人double double 係無錯嘅。 而小弟發覺以後要轉轉頭腦， 唔好stick to 幼線， 粗如16 awg 也不打緊。 下次helix 用兩條 Duelund 0.5 做 signal 先得！

好戲當頭， 這對double double Neotech 金銀準備以一敵三， 挑戰 Mundorf 金銀 三兄弟。。。。

Alman

這幾日好想比試Neotech 同 Mundorf 金銀 RCA 線， 但每次開機， 都不期然要去聽聽 蕭斯達高維契第七先安樂 ， 整首duration約 一小時多， 聽完已經冇時間咯

今日調換下d電線郁下火牛， AC filter 之後開機， 發覺多了電流聲， 估計是其中一條電線出問題， 轉換了另一條後攪掂。。不如順便嚟個執位： 將大awg 電線由牆插出去火牛 同 AC filter／extension bar， 跟住由佢地接去各機， 最後的安排是，cd player ： Early Bird green （甚有質感的線）； Audio Note DAC： 古河 tri C （由它配DAC 比 Oyaide Black Mamba更有body）； GG前級： 古河 nano （貪其幼細）； Anthem 後級： Oyaide Black Mamba （最平均自然）。 這些新編排令分析力音場更佳！

好了， 係時候要交功課以滿足diy的比試癮 ， 明天報告出爐