Ribbon RCA cable

Alman

籃線逐一挑戰 （第一回合）

今日籃線用帕格尼尼B小調第二號小提琴協奏曲，第三樂章：
挑機Mundorf 金銀foil helix ／KLE Absolute Harmony， Molex ribbon／古河F126 金頭， Molex 26awg coaxial cable／Switchcraft頭

Mundorf 金銀foil helix ／KLE Absolute Harmony


籃線 Vs Mundorf

Mundorf 音色較柔和， 籃線係小提琴華麗聲及背景演奏sharp過Mundorf少少。籃線的彈跳力好d。音場彼此彼此都係夠深。


Molex ribbon／古河F126 金頭


籃線 Vs Molex Ribbon

Ribbon厚聲過籃線， 籃線的音場較後， 背景會略為清晰過ribbon。（可能因兩頭質素相差所致）。

Molex 26awg coaxial cable／Switchcraft頭


籃線 Vs Molex 26awg coaxial cable

籃線前後感較contrast； 籃線音場較闊， 音色較幼細， 線條較sharp。 （假如換走switchcraft， 會否改變結果？ )


係未去第二回合之前， 決定將Ribbon換頭，另外會double Molex 26awg coaxial cable兼換走Switchcraft頭 試真佢哋實力。

Stay tuned！

Alman

華麗變身

Molex Ribbon 頭由古河換為 ETI 鍍金copper ； Molex 26awg coaxial double 線身由Switchcraft 轉為 KLE copper 頭。 四對線快將再切磋

Alman

藍線挑戰（第二回合）

update下Ribbon 線及26awg coaxial線換頭後表現先：

換了ETI鍍金銅頭後， Ribbon整體音色豐厚立體咗， 低頻多了一些punch。 26awg coaxial線打孖及換上 KLE copper後， 效果更上一層樓： 多了能量感， 音色厚得嚟更有分析及線條。 兩者換頭後的效果立竿見影。  至於Blue線，聽了幾首熟悉音樂，比前聽多咗細節， 佢嘅分析力真係好勁

今日播首Feelings人聲比四線互相切磋下。  這首 由Salena Jones唱， N年前hi fi show 贈品， 當時無睇名唔識佢， 把聲好似男聲， 以為佢係男人。

音場／空間感： 以 Mundorf 最闊大， （口形亦是四線中最大， 人聲反而覺得唔及其他線吸引。） Blue線次之， Double 26 awg coaxial 線又比 Ribbon好dd。

伴奏／分析力： 四線比較， 唔會聽少乜嘢， 但樂器出得明唔明顯則有些分別。 以Double 26 awg coaxial 線最contrast， 距離感最強。

人聲：除Mundorf外， 三線的人聲focus， 唔覺偏厚偏薄。

高音： 全部都啱聽， Blue 及Mundorf 會柔dd， 飄逸些少。

低頻： Double 26 awg coaxial 線 比Ribbon 潛得低d， 尾音長d， Blue 線及Mundorf一樣夠長但鬆化d。

今次嘅體會係， RCA頭唔好慳， 小弟偏愛KLE頭/ETI頭 設計， 非常好用。 Blue線的吸引在於其dialetric， 效果標青， 反而令Mundorf 被比下去（例如控制力）。

下一次會播d大棚音樂考驗考驗之。。。。

Alman

拿拿淋試埋首古典聖桑"骷顱之舞".

可以咁講， 四對線係音場分析力方面都差不多。 開首的幾下鋼琴聲各線都非常鏗鏘， 右邊的低音大提琴都好沉同富彈跳，又以26awg打孖coaxial線低頻最有暗勁。 Mundorf 較鬆化。 中段後排有幾下鈸的敲打聲， 各線出到定位清晰， 但Ribbon線會多dd texture（每一下並非完全一樣聲）。 如講小提琴音色， 會覺得26awg打孖coaxial線最響亮，餘韻最煙靭。今次可以把四對線劃分為剛柔兩類： 打孖26awg coaxial 及Ribbon屬剛， Mundorf屬柔， 而23 awg coaxial會係中間（小弟甚偏愛之 ）。

由於彼此太接近， 好難細言其中分別。小弟一於兼收並蓄， 比佢哋輪流上陣接駁， 不亦樂乎？

唔好比佢停， 另一對Mundorf 金銀helix線用 ETI 鍍金頭， 不如同這對Ribbon ETI鍍金頭切磋下？

Alman

Mundorf 金銀線helix OCC漆皮／ETI 鍍金頭可謂小弟嘅RCA線中的gem。 再整了兩對金銀foil後一直用佢哋， 致它被收埋盒中。 今次佢可以重新披甲， 會一會Ribbon ETI了。。。

先比佢熱下身， 聽了幾首音樂，音色通透自然令人舒服， 非常正。跟住又聽下新貴ribbon。。。。對兩者各自效果有了初步印象。 好快分享

Alman

Mundorf 金銀線helixOCC漆皮線／ETI 鍍金頭   VS  Molex ribbon/ETI 鍍金頭

試音CD： 帕格尼尼小提琴協奏曲， High Performance Carmen， 炎黃第一鼓

播帕格尼尼的Mundorf, 可能先入為主, 覺得各方面都非常好, 小提琴音色華麗, 後排伴奏鮮明, 前後空間感強. Ribbon 音色接近但好似輸出無咁強, 故要扭大些少volume去拍齊, 後排演奏較laid back, 變得後面演奏無咁sharp. 雖然如此, 但驟耳聽未必分別好多.

到播炎黃第一鼓的鴨子伴江, 右邊的查查聲Mundorf會focus d, Ribbon則偏後d感覺聲音弱咗. 舟山鑼鼓開頭的大鑼大鼓, 兩者都表現好爆, Mundorf多了d餘韻

播High Performance Carmen: 兩線表現則難於分別不同.

簡而言之, 用相同RCA頭之下， Mundorf佔優之處是已經熟透， 加上helix有其特別聲效吸引之處； Ribbon屬新丁一名，有待run in， 雖有不及但只是輕微。

剛整咗嗰三對線， 真係輪流有排煲 但剛剛發現Helix線版主有新搞作， 令小弟又要自作一番。。。。   

Alman

Helix 版主最近更改helix整法， 信號線signal改用兩條 18 awg VH Audio OCC Airlock銅線再helix 兩條return（佢用 16 awg mil spec 鍍銀線）。佢哋發現double signal 及 return 會令效果提升。

小弟剛好有四條VH OCC 線係度， 點會唔跟住去試？ 。 頭是用拆自Ribbon線的古河 （要回回氣先再買 KLE頭也 ）return 也是用拆出的 cotton漆皮線， 再加多條 穿teflon的較幼身銅線， 緊helix住OCC線身。

照舊用係cd及DAC之間開聲， 暫時只聽了蕭斯達高維契第十： 音色豐厚副質感但不失分析力，高音沒有少到（因拍signal 是18awg關係）， 低音沉厚過之前的線。但總係覺得少了些活力。 再聽下先作準。   

Alman

Open up 啦

剛才聽蕭斯達高維契第七： 音色自然豐厚， 音場深後， 後排演奏定位質感micro dynamics好清晰。 高音完全唔標但無roll off， 低頻深厚， 氣氛濃。
聽帕格尼尼小提琴協奏曲的小提琴背後的演奏輪廓一樣清晰， 音場夠闊。（似乎今次RCA頭的因素又唔係決定性。）  唔怪得 helix 版主咁推薦。佢亦建議用 Neotech 18 awg UPOCC solid core 或者 Mundorf 金銀線打孖用。

上星期用Molex coaxial cables 有好效果。 今次打孖線的經驗有所啟發， 可以打孖佢哋heilix之。

kenlaumm

Alman 發表於 2021-1-27 05:23
Open up 啦  

剛才聽蕭斯達高維契第七： 音色自然豐厚， 音場深後， 後排演奏定位質感micro dyna ...

Alman兄，helix 版主喺AG share 將signal double run 嘅18awg 線先拆皮絞後套入telfon 套，令dielectric constant 接近空氣，效果更好：
"more high end details - vocals now had a definite whispery quality and venue acoustics were better defined
mid tones were fuller and more complete
bass was deeper with better texture
dynamics were noteicebly fast with more slam
image was little wider and better focussed
the whole presentation was more natural and full bodied"
唔知有無機會睇你試下？

Alman

kenlaumm 發表於 2021-1-27 11:44
Alman兄，helix 版主喺AG share 將signal double run 嘅18awg 線先拆皮絞後套入telfon 套，令dielectric  ...

Helix版主集思廣益地改進， 例如把訊號線穿木珠（beads）， 創意無限； 他亦提到電源線入pvc tube 等。

假如入teflon tube， 小弟則喜歡入cotton tube 多d。 VH OCC 線本身用Air Lock物質， 似乎已不錯， 所以小弟覺得未必要改用teflon。  版主打孖再入teflon 管的目的係提供even 表面去helix。

不過， 假如有Mundorf 金銀裸線在手， 當然可以一試