Ribbon RCA cable

kenlaumm

Alman 發表於 2021-1-27 12:18
Helix版主集思廣益地改進， 例如把訊號線穿木珠（beads）， 創意無限； 他亦提到電源線入pvc tube 等。
...

我都有見到木珠版，有創意之餘顏值亦甚高。

不過打孖裸線入tube，除咗提供even表面，我估計有其他考慮：

"The twisted wires fit the tube nicely with adequate space such that the impacts of the Teflon tube is negligible - basically this approach has a Dielectric Constant very close to Air, which results in amazingly clear details and better image."

兩條裸線同telfon tube 中間一定有空間，比起同本身telfon 皮距離增加咗，dielectric constant 應該都增加咗。

其實我都會prefer cotton 多d，但有可能會有空氣進入令裸線氧化?

Alman

kenlaumm 發表於 2021-1-27 14:17
我都有見到木珠版，有創意之餘顏值亦甚高。

不過打孖裸線入tube，除咗提供even表面，我估計 ...

版主的改動有其目的。 原理上入teflon tube 增加兩者空間有air dielectric的作用。 好似有人提議sealed 咗管頭尾等空氣唔好入。

以前試過銅線搽mineral 油後入棉管， 可以減低氧化。 Duelund 的油棉油絲所用的應是mineral oil。

Anti Cable 用 magnet wire， 如果改用漆皮線， 咁就乜都唔駛入啦  

Alman

紫銅重出江湖

偶爾翻看舊帖， 幾年前興起整紫銅線， 當時真係玩得不亦樂乎

於是揪出以前紫銅線拆除之， 實行整對紫銅helix信號線， 睇下點先。。。

採用2 X 20 awg solid core紫銅為signal，打孖後抹上礦物油， 再入Neotech 棉漆線剩低的棉管。 helix 拆自喇叭線， return 極 用入了teflon 管的 2 X 18 awg 單枝紫銅， RCA 頭為古河。 這對稍後可以同剛剛整好嘅 VH OCC air lock helix 線一較高下了

kenlaumm

Alman 發表於 2021-1-30 09:10
紫銅重出江湖

偶爾翻看舊帖， 幾年前興起整紫銅線， 當時真係玩得不亦樂乎

嘩
期待聽感！

Alman

kenlaumm 發表於 2021-1-30 13:18
嘩
期待聽感！

Kenlaumm 兄：

現在每日用最少八小時煲緊， 但時不時偷偷試聽， 唔錯唔錯 借機又攪其他紫銅線

比多兩日小弟啦

Alman

慢火猛火煲咗紫銅幾日， 等佢正式會下 VH helix 先

未開始前，一開機後級左聲道出現膽發出的怪聲， 好在有後備膽，成組 4隻 EL84換晒先至開拖。梗係例牌成日煲線以致傷膽

之前一路聽一路煲之下聽紫銅， 發覺真係吾錯， 分析力完全掂， 無聽少到細節， 高低音去得盡， 唔覺聽緊咁平嘅線。 今趟要比較過先見真章。

肉搏VH OCC 線：

炎黃第一鼓的（一） 鴨子畔江： 成首中國敲擊樂， 左右開弓， 由大聲漸去到極細聲， 丁丁查查的高頻殘響， 立體感質感等， 紫銅同VH OCC 幾乎冇分別， 小弟要重覆聽了兩次才能雞蛋裡挑骨頭咁搵出 ：紫銅整體會較為tight少少， VH則relaxed d。 （二） 沖天炮： 空間感， 鼓聲質感下潛力及諸般細節紫銅輕鬆展現； VH 則係尾音殘響方面多了dd texture 。 （三） 舟山鑼鼓： 主要試聽開頭的吹奏聲同埋好輕微嘅掃風樂器聲： 兩者平分秋色

帕格尼尼 第二小提琴協奏曲第二movement：主奏 小提琴及起首連續一下一下嘅定音鼓，兩者出得完全一樣。協奏小提琴群組彈奏及拉奏清晰度， 則VH 會稍為好d， 更覺距離感。 整體來說， VH 音像會順滑d， 更令人投入。

The Oldies ：（一） Green Field （Brothers Four) : 懷舊錄音音色特別豐滿， 結他聲吸引， 人性較upfront。 紫銅的低音較VH 豐厚d外， 人聲合唱， 音場闊度， 結他走chord聲等等， 無分別咁滯。 （二） Tom Dooley ： 要試這首歌的原因是聽下結他及 Mandolin 一齊彈會唔會濛(以小弟聽驗，差d分析力都播唔出mandolin， 會被結他聲襟住）， 合唱位置分唔分得清楚， 男聲夠唔夠沉， 開首的結他intro清脆否等？ 結果是VH好難言勝紫銅

總結： 紫銅刀仔鋸大樹 分享完畢  （趕著去整紫銅喇叭線 ）

Alman

Molex foam 24 awg silver plated solid core coaxial cables 質素極佳， 這對新貴深得小弟喜愛



Cable Asylum N年前版主介紹用兩條拆開coaxial cable 嘅芯扭成一pair， 再穿入copper braiding造RCA cable。 以前照辦煮糊， 效果好似幾好。 https://post76.hk/thread-93009-1-1.html

今日手痕， 將這對Molex線加碼，變成兩條Molex RCA， 接法係一條線芯做signal， 另一條做return， 各自有獨立屏蔽， 其只接soource 嗰邊。 加碼後嘅Molex 音質沒有大改變， 但係聲音更乾淨同埋音場廣闊， 令小弟甚感滿意

小弟尚有Molex foam 28 awg coaxial 線在手， 待 KLE Absolute Harmony 埋位後， 實行helix 之

Alman

各位有沒有同感： 當有新嘢加入， 聲效更上一層樓； 但好快轉變被消化後， 又趨回之前情況， 個心好想又要再進， 如此這般， 氹氹轉。 但有時聽番舊配件， 例如訊號線， 又覺得和之前唔同， 好似好聲過以前， 真係玩死

最近攪咗咁多嘢， 又古河NCF， 又紫銅又Mundorf 線， 每次都有所提升， 煞是興奮。 因而想聽返以前d嘢， 睇下有否分別， 可能更有發揮？於是攞返對Duelund 1.0 油絲電池訊號線嚟試， 佢同 Mundorf 金銀foil 同樣有種華麗特質， 空間感強，聽得令人舒服，這似乎與電池通電有關？

嘅然打開罐蟲， 唔好比佢停， 一於逐對RCA線再試， 比如比較相同構造嘅線，以往 經驗告知沒有絕對贏晒， 但係篩選過程樂在其中， 甚是滿足。

DIY 嘅賣點是靠d理論，參考前輩後即可自行發揮。 有d人係要以專家口吻評論一番， 但小弟認為既是當事人親身經驗， 有其個人主觀及喜好， 如人飲水冷暖自知， 何須隔岸觀火指手劃腳？小弟實是有感而發， 皆因約九年前小弟再Diyaudio 分享以 VH Audio 為藍本所整的cotton silver wire interconnect  cables. 點知引來極大反應， 有批評其construction不能阻擋noise， 跟住引來一連串討論／arguements 關於線的理論。小弟並不在意無再去跟進， 點知幾日前才發現佢不斷load 直至去年先至停 （ 好似因其中一位主要討論者RIP）。 不過， 細閱當中咁多年的內容後是所得著的。

小弟樂見拋磚引玉， 互相切磋， 故有獻醜之作不斷在此分享 。好快會來個江湖四海的diy 訊號線切磋, 包括灌沙線， helix線， 電池線， foil線， 同軸線等等，Stay tuned

Alman

電池雙雄: Duelund 1.0 油絲線／ KLE  Pure Harmony   Vs   Neotech 20 awg UPOCC 方芯銅／Valab 碳纖

Duelund 1.0 油絲線／ KLE  Pure Harmony 構造： 整條線包以copper foil 通電，頭尾通電，  loading一邊串連一隻 細uf 電容及 電阻。

Neotech 20 awg UPOCC 方芯銅／Valab 碳纖： 兩條 方芯銅繞住銅線， 銅線接電池； 整條線又以銅箔包住再接電池， 兩線不相通。

兩者接 Audio Note  DAC (Oyaide Tsunami)  -----> GG 前級（Black mamba)

試音cd ：

彌賽亞最尾一段大合唱： Duelund 空間感强大， 音色較柔； Neotech 低頻豐厚， 整體大聲d， 高音較響亮。 分不出高下。

The Beatles Yellow Submarine： Duelund 音場大d傾前d人聲潤d； Neotech 嘅海浪聲大聲d， 音場較深後。這首歌好豐富樂器及加插效果， 兩者毫不含糊。

蕭斯達高維契第七交響曲第一movement： 最近迷上了此人， 好鍾意隻首； 當中有十幾分鐘軍鼓係咁打， 相信手都軟埋 主旋律非常動聽， 管樂吹奏好有質感； 右邊低音大提琴初時細細聲， 要留心先聽到， 分析力差d都會miss咗， 後段低音大提琴body出得solid。 由於喺youtube 睇過這演奏， 所以知道樂器編排， 知道幾時幾時有乜樂器。 一句講晒， 唔駛分邊個贏邊個， 兩者都令人聽得陶醉投入

兩線通電有如斯效果， 假如完全唔接電池又如何？ 即時做了個實驗： Duelund 唔接電池， 結果是變得平面d， 少了生氣及空間感縮了dd。 Neotech 唔接之下， 高音略為暗了d， 下盤好似厚咗d。

好奇之下， 把Duelund 改接去地盒， 聲音變得薄d， 但 Neotech 接去地盒竟然高音變得更清晰， 唔接地盒時側大聲d但高音暗d。 反覆試驗之下， 結論是Duelund 接番電池最正路； Neotech 改接地盒側最正

估唔到今次比較電池線有意外收穫。 稍後會將Duelund 電池線 挑戰 同門： Duelund 0.5 helix 線／KLE Absolute Harmony

Alman

新Helix 線：今日手痕， 整多對Molex 50 ohm 28 awg 單枝鍍銀銅coaxial線配 KLE Absolute Harmony 。

每聲道以兩條同軸線twisted， 每線的signal 接番signal， 網接番網， 之後在打孖線身再helix條18 awg紫銅， 即打孖同軸helix 線

這對線同之前一對Molex大家都是twisted， 分別是： 之前一對用的是 24 awg ， 一線的signal 為正， 另一signal線的為負， 各自的網做屏蔽， 只source 那邊接地。

遲d可以加入挑戰顯下身手了