LG 8k 75" 電視 75NANO95CNA 入手！

mikegor

HKSGIRORO 發表於 2020-5-27 13:17
係啦，搞到我而家都有啲唔開心😕 65吋總係差啲差啲，我都覺得好癲，第一日見到65吋覺得好大，點知一個禮 ...

我原本都只係訂左65" 8k，但有師姐話佢買左 Samsung 65" Q95T 之後，覺得仲有空間擺個大d既，所以我即刻改番做75"。

好彩改大左，8k 黎講真係7呎都賺遠，6呎距離就剛剛好。佢個表果d 所謂最佳觀賞距離，我覺得只係話睇到最多既 detail 的距離。坐得太遠係浪費左個 detail。

mikegor

成龍大哥 發表於 2020-5-27 13:44
如果連睇電視節目都追求要有電影感好似戲院睇戲咁,就真係再大都唔夠,如果根據果個最佳觀賞距離咁我屋企要用 ...

睇 1080i 電視節目又唔好咁近，因為 scale up 至 16x 點都差d。

1080p scale up 上去會好少少，4k scale up 做 8k 就當然冇問題。

mikegor

HKSGIRORO 發表於 2020-5-27 08:26
路過，師兄其實我都面對同樣的問題，究竟上唔上75吋好，價錢真係一個好大的考慮，又唔可講話無錢玩，只係 ...

師兄如果係啱啱換咗4K電視嘅話就用住先啦～

不過如果下次換8k嘅話，就可以考慮換大啲，甚至乎超過80寸都唔多～

一部好嘅電視最少用到5至10年，你下次買大電視嘅時候，比起而家又會平左好多～

HKSGIRORO

mikegor 發表於 2020-5-27 15:12
師兄如果係啱啱換咗4K電視嘅話就用住先啦～

不過如果下次換8k嘅話，就可以考慮換大啲，甚至乎超過80寸 ...

承你貴言🙏
係啦，而家照用住先啦，就算有錢都唔可以咁浪費，好節惰架，好有多人可能連65吋都無機會玩，所以都要珍惜，我都係呻呻而已，下次會做個明智的決定🙂 唔好意思，我喺你的文章搗亂🙏

我都要恭喜返師兄，可以及時改得切轉75吋👍
電視差不多日日都對住，所以有啲野係唔慳得。雖然我買嗰部只係LED，不過都比之前嗰部睇多左好多野😊 我而家日日返到屋企幾乎都會開開Netflix 播下啲卡通片、高清片如Dolby Vision嗰類，但醉翁之意不在酒🙊我唔係真係對卡通片有興趣，只係我覺得部電視播出來的畫面令我對眼好有滿足感，睇完非常舒暢，無哂壓力☺️卡通片的顏色好sharp，琴晚無聊開左套煮野食的片，睇到食物的大特寫，都好過癮！所以你部電視可以睇到鹿眼的獅子，又可以數獅子毛，真係好治癒🥰

就係咁，希望唔好介意我咁多口水🤐

JP1

HKSGIRORO 發表於 2020-5-27 20:25
承你貴言🙏
係啦，而家照用住先啦，就算有錢都唔可以咁浪費，好節惰架，好有多人可能連65吋都無機會玩， ...

你買咗行貨定水貨？

HKSGIRORO

JP1 發表於 2020-5-27 22:23
你買咗行貨定水貨？

我買水貨。
突然間有點感觸，想分享下我買機的歷程，不過始終這是mikegor的文章，所以我會盡量精簡，mikegor唔好意思🙏

我從1月尾開始就有買新電視的念頭，經過個半月的研究，反覆去過百記、豐仔睇過實機4次，最後決定買Sony 75X9500G。我3月頭訂左貨，第一部機爆mon，之後水貨舖幫我落過一部，點知等左兩個星期都無貨，原來部電視畀海關扣住左，就喺嗰兩個星期，我胡思亂想，想轉軚玩OLED，我期間用whatsapp同間水貨舖傾左好多野，同埋我知道9500H就快出，於是問水貨舖我可唔可以轉機。就喺三月尾佢打畀我，話海關已經放返部電視，問我仲要唔要，佢講到明75X9500G會斷貨，這是最後一部。嗰刻我唔知點解咁瀟灑，話唔要住，於是我從三月尾等到四月中，水貨舖打畀我，話75X9500H出左了，佢報價比75X9500G多$4000，我覺得好似唔抵玩，又心急想買新電視，始終我接近等左三個月了，最後作出一個愚蠢的決定，買左65X9500G😕
講講下我都想哭，點解我唔直接買75X9500H，明明自己咁鍾意75吋😭

mikegor

HKSGIRORO 發表於 2020-5-27 20:25
承你貴言🙏
係啦，而家照用住先啦，就算有錢都唔可以咁浪費，好節惰架，好有多人可能連65吋都無機會玩， ...

大家交流交流，互動互毒

我都鐘意睇d靚野，最近發現一個好正既 YouTube 4k HDR 片系列：







好治癒啊

mikegor

換完LG 8K 75” 大電視，下一個十年之癢就係音響

雖然未有行貨，水貨都照入

昨晚搞咗好耐，先至 update 到個 firmware 行 eARC

出到 Dolby Atmos 真係好開心啊

HKSGIRORO

mikegor 發表於 2020-5-28 12:41
大家交流交流，互動互毒  

我都鐘意睇d靚野，最近發現一個好正既 YouTube 4k HDR 片系列：

👍返屋企播下先
音響係條不歸路，祝你好運，我唔敢再玩，之前花過兩萬左右，都得唔到想要嘅野😅不過我同事花成十萬蚊，當然唔同啦，加上我屋企無咁大空間玩，所以都係玩75吋電視算喇，遲下再配個2.1喇叭。雖然我無乜研究Q90R，但我都聽聞過套野有幾勁👍一萬蚊一定值！

成龍大哥

好奇一問,用開60寸以上大電視嘅師兄係咪大多數都冇玩投射?