LG 8k 75" 電視 75NANO95CNA 入手！

JP1

成龍大哥 發表於 2020-5-29 23:43
電視掉去垃圾站?????

不犯法，每個人可以照舊掉到垃圾站或賣給「收賣佬」。
當然你係環保友可以用其他更環保的方法。

HKSGIRORO

yuppi 發表於 2020-5-30 11:13
應該一早有不過察覺唔到
我自己部機都冇乜點check 死點，一來唔覺有，二來都費事搵到個人唔舒服 ...

國大代表 發表於 2020-5-30 11:25
其實你有無同間shop講過條缐問題，他們有什麼意見比到你？

多謝你哋的關心🙏 又一篇論文了，唔好意思。

嗰日裝機，師傅同我講做左咁多年，只得一個客人一開機就有一個死點，但唔換得機，因為至少要有三個死點先有得換。然後就順勢話我部機完美呀無死點，你睇下，當時個畫面只係播緊4k的影片，大家然後專心睇左十零秒左右，就只係咁樣check有冇死點，無真係開d淨色的畫面好詳細試。

其實我都有諗過究竟係唔係一買一返就有條線，只係自己唔察覺?!
新玩具到手初期，我真係玩得好癲，一放工返來第一時間就開電視，因為我第一次睇Netflix第一次睇咁高質的影片，好奇感極重。星期六日放假又打機又睇片，睇下我下面玩switch幅圖就知，我啱啱好假期前入手到新電視，假期間玩到傻左，我之前都未試過連續打咁耐機，如果計埋睇Netflix時間，一日過十個鐘都唔出奇，所以如果真係有線的話，照計自己會察覺到。

就在5月12日，我如常放工返屋企開電視，一開就見到條線😥
我即刻whatsapp畀間舖，佢沒什麼建設性的意見畀我，只係一直叫我錄影畀佢睇，仲話一定要我全個畫面錄畀佢睇。一來我手機係舊款，二來如果要錄全個畫面，都要拉到1.5米後的距離，條線又薄弱，同時條線只會喺灰黑的畫面先至從頂到底出現，其他的顏色都會斷斷續續唔係一條直線，最後間舖乜都無覆過我。自此之後，我個心一直有條刺，睇電視時對眼會不自覺走去望下條線嗰個位，如果2米遠距離睇，講真就唔會點察覺到，但1.5米近少少睇，其實都睇到。

現在的心情就好比「食之無味，棄之可惜」
睇又睇得唔開心，賣出去又唔值錢，有條線的話我都唔知仲賣唔賣到5-6k，搵人整我估都要幾k，因為似係面板問題，衰又衰在佢壞得好輕微，如果條線係壞到成半塊畫面都影響到，我反而仲開心，而家進退兩難😅

JP1

HKSGIRORO 發表於 2020-5-30 19:38
多謝你哋的關心🙏 又一篇論文了，唔好意思。

嗰日裝機，師傅同我講做左咁多年，只得一個客人一開機就 ...

你不如獨立開個一個新主題講啦。
水貨機壞咗，係咪都係call香港sony整？

HKSGIRORO

JP1 發表於 2020-5-30 19:46
你不如獨立開個一個新主題講啦。
水貨機壞咗，係咪都係call香港sony整？

係呀，之前Vincent師兄有提過，可以搵香港Sony維修，約師傅睇就幾百，維修費另計，但維修費幾k應該走唔甩吧，如果唔係一千內我不如買過部新，當初買水貨都係貪平慳幾錢😅
同埋自己已經不斷嫌65吋細，所以都唔想再花一舊錢搞部65吋，而家用得一日得一日，衰啲講我希望條線加劇嚴重，等我有藉口買過部新，而家進退兩難。
我唔想再獨立開個主題了，將件事搞大佢，越講只會越唔開心😥而家隨緣吧，有師兄路過見到，安慰下幾句都夠了。謝謝

issachar

黐線嫁咁正既??? LG 今年好勁喎.... 真係有少少身痕

成龍大哥

JP1 發表於 2020-5-30 17:01
不犯法，每個人可以照舊掉到垃圾站或賣給「收賣佬」。
當然你係環保友可以用其他更環保的方法。 ...

sorry,我以為香港人都非常重視環保,原來是我誤會了......

JP1

成龍大哥 發表於 2020-5-31 14:47
sorry,我以為香港人都非常重視環保,原來是我誤會了......

難怪trump膠飲管會大賣了。

ouga

mikegor 發表於 2020-5-29 12:12
我用手機拍左屋企的83台實際情況出黎，tune過之後 1080i 放大 16 倍到 8k 都 OK 的：

師兄, 長知識了~原來要tune 的~!
想問下應該點樣tune 法?!
就咁睇你片都唔錯, 咁我又可以諗返換nanocell.... 始終OLED 77 同NANOCELL 個價都差好遠

mikegor

ouga 發表於 2020-6-2 10:44
師兄, 長知識了~原來要tune 的~!
想問下應該點樣tune 法?!
就咁睇你片都唔錯, 咁我又可以諗返換nanocell ...

用標準模式做藍本On Top改Setting

基本設定
背光 80
對比 80
亮度 50
銳利度 15
色彩 65
色調 0
色溫 0

進階控制
動態對比度：關
動態色彩：關
色域：寬
極致解像度：關
Gamma：高1

影像選項
降低雜訊：關
MPEG降低雜訊：關
平滑漸層：關
TruMotion：關

最重要是關掉True Motion

horacetin

都正考慮Nano95 65”中，不過而家坊間好似除左樓主外，無乜開箱評論.....想了解下d黑位如何？黑背景下的光位字幕會否暴光？