一個乜野嘅展覽會先真正吸引到 76 友呢? (針對軟硬件討論)

wil-wil

影音展對好多朋友嚟講係一個總覽嘅好地方，因為可以一次過睇到好多買得起、買唔起或者令自己喺個到越睇越瘋狂起嚟嘅發燒地，亦同時會係一眾樂迷相敘嘅好藉口。不過，年年影音展都幾萬人到訪，年年都總會聽到一班影音發燒友話越來越無嘢睇、賣嘅碟又唔係平過出面，但依舊有大把捧場客!! 呢個情況下都發展到 ~ 會展有、酒店有、九展都有!!

先唔理場地因素或箇中好多聽返嚟唔知真假嘅恩怨情仇，反而最關心係一個點嘅展覽會，先能吸引到一班有心玩嘅玩家繼續到訪!? 一啲乜嘢內容先最貼到大家心水!? 最幫得到大家堅持玩落去，又或者乜嘢嘅體驗，至會令到更多新手自投呢個大毒海!? 咁，喺到畀幾個選項誘發大家先投選，之後亦希望大家理性及正面討論，最好大家仲有啲選項以外嘅建議或分享，希望呢個帖對所有搞影音展嘅單位，都有個啟示作用，仲可以進一步擴大到這個市場，喺百花齊放下，令更多嘅你、我、他及身邊嘅男男女女玩埋一份!!

-----------------------------------------------------------------------------------------------------------------------------
Post76 玩樂網 齊齊與您 ...
「玩樂連場、越戰越強

alleelarry

票已經投了

testbybb

主要投了  展會上加插多啲針對新手的原素  新血最重要

另+3.  有野買得黎消費得起，包括軟、硬件

HD_2

係唔係暗示76音響展

wil-wil

testbybb 發表於 2018-8-19 21:09
主要投了  展會上加插多啲針對新手的原素  新血最重要

另+3.  有野買得黎消費得起，包括軟、硬 ...

都係，事實都真係好少會有啲元素針對新手，希望之後會有。

wil-wil

HD_2 發表於 2018-8-19 21:24
係唔係暗示76音響展

呢個問題 … 其實四、五年前時，只得一個影音展時，都有好多版友及 Vendor 們問我地幾時搞，甚至乎有話過出錢出力支援 76，不過感覺上如果搞得唔好，又或搞完可能對支持 76 嘅版友、老友以至網站有負面嘅感覺，不如唔好搞，所以之後幾年一直未咁想落去 …  

lamdog

wil-wil 發表於 2018-8-19 21:45
呢個問題 … 其實四、五年前時，只得一個影音展時，都有好多版友及 Vendor 們問我地幾時搞，甚至乎有話過 ...

即係代表今年時機開始成熟？確係令人充滿期待，記得要整番隻靚聲大會CD，等大家開心一下。

小小Pat

個人希望係貼地啲嘅 可以買得到返屋企

大mo

有 AV 影音嘢嘅體驗與教學,買咗新機返黎,有好多設定都唔知on定off,有人教下就最好啦