一隻4k港版挑戰者1號睇到一間碟舖可以幾衰！

leeon

實有男人舖嘅人護航

Hon

大家好似講得太嚴重, 都唔駛護唔護航咁誇張掛...XD

其實唔駛話賣碟定碟, 賣野覺得貴咪唔好買囉, 就係咁簡單.
轉個頭佢加你價, 咁你咪唔好買囉, 佢又無話一入舖就落閘逼你買咁誇張, 係咪...XD

總之你覺得佢做生意手法差, 唔掂... 咁足夠LA.
查實出面大把呢種賣法既舖頭, 我都遇過唔小...

呢D唔係叫衰, 只係不同老細不同做生意既手法啫.


利申: 我都好小幫襯佢, 因為佢擺碟出黎賣既方法唔多方便我去睇.

googleli

請問各位師兄，除左DVD PRO, 仲有邊間可以買到美版碟？網上唔計。
而家4K碟無鎖區，自己英文都算幾好，無必要好似以前咁下下等港版。

hatori

googleli 發表於 2018-8-9 11:09
請問各位師兄，除左DVD PRO, 仲有邊間可以買到美版碟？網上唔計。
而家4K碟無鎖區，自己英文都算幾好，無必 ...

以前德發有個光頭佬之後搬左去花園大廈、初初都有行下、但呢幾年都冇上過花園大廈了⋯
唔知光頭佬重有冇做？

小龍

hatori 發表於 2018-8-9 11:47
以前德發有個光頭佬之後搬左去花園大廈、初初都有行下、但呢幾年都冇上過花園大廈了⋯
唔知光頭佬重有冇 ...

光頭佬冇做幾年。

小龍

googleli 發表於 2018-8-9 11:09
請問各位師兄，除左DVD PRO, 仲有邊間可以買到美版碟？網上唔計。
而家4K碟無鎖區，自己英文都算幾好，無必 ...

吾論價錢，可以去灣仔大有

gsir

其實供求關係 多人要,冇貨就升 冇人要,多貨買就跌
有D碟半價/跌到貼地又唔見有人話佢係奸商 1隻碟執到幾多丫 有時熱碟貴幾草就要鬧爆係咪過份左?

如果係非定價唔買既大大 咁我無話可說

講到尾最緊要間鋪行得舒服 唔好西口西面
所以我都唔係男人鋪買野

bokee2000

做街鋪商譽好重要，呢次男店為賺多幾草野，輸哂商譽 。
我就唔會再去幫襯.........

mdo

其實而家香港係唔係冇咗經濟呢個科目讀？貨少，價升，econ101呀。supply and demand, 在資本主義世界每一刻都發生。為什么打完風后菜会貴？為什么iphone新款初出一係要抽簽，一係要貴一倍？股票價格為什么會升又会跌？是联交所經營手法有問題嗎？隻碟冇貨起價就話人有衰，咁人地舊碟冇人要清貨减價点解冇人讚？想要冇貨都唔起價，可以试吓時光倒流回八十年代蘇联或大陸，買面包要排兩粒钟，買豬肉要配給。或者可以去政府总部抗議，要求成立物價局，所有價格政府定，商店不能升不能降。

再比一個有用建議對抗商人黑面，如果真的那麼不喜黑面，不要幫襯。你幫襯了，他收了錢，賺了，他的店依然在，他亦繼續黑面下去。只有他的店不在，他才不可以對大家黑面。這亦是Econ 101.  如果説這麽多年来他一直黑面，但店依然在，那就説明了市場肯定了他的店存在價值， 也說明了他的店不是靠笑面迎人去生存。

Econ 101没有告訴我的是，又要嫌棄人加價，又要唔喜歡人黑面，郤依然比錢人賺。

最後，我只是一個在中學時認真讀過幾年經濟學的人，請不要説我䕶什麽航。

Iloveoldboy

咁各位師兄會去邊啲舖買？新手上路，想買泡菜國noxx kimxxx 啲碟