一隻4k港版挑戰者1號睇到一間碟舖可以幾衰！

williamav

小龍 發表於 2018-8-4 18:55
對熟客態度好D，生客就冇乜招呼。

以前係英皇舊舖態度都係差吾多。

我又覺得男人舖以前係英皇舊舖態度好些少，尤其老細  ~

其實難得男人舖做左咁耐，我由以前佢地係英皇已幫襯 ( LD 年代 )，後來亦經常買美版DVD+字幕盒，感覺唔錯的，果時同老細都有幾句傾，係後生果一男一女就唔太鍾意講野，其實呢類較專業賣碟嘅舖頭可以做到而家確係難得，只係如果佢地稍稍改善下服務態度同面口就好 ~

djdodo

其實我一開始都講明，好似某D大舖明碼實價賣得貴無問題，呢d嘢你情我願！但我而家只係帶出呢間舖ge消售手法！

djdodo

jc2ssych 發表於 2018-8-6 12:01
我同意你講法。我每天都是消費者，曾做過老闆，亦打過工。

但帖文重點投訴營商手法。在商業社會，指控相 ...

師兄你都一直話自己唔知我講邊間舖，而家你又話我指名道姓！你講嘢都幾矛盾！

jc2ssych

djdodo 發表於 2018-8-6 12:37
師兄你都一直話自己唔知我講邊間舖，而家你又話我指名道姓！你講嘢都幾矛盾！ ...

我話我係港島人，少去旺角，唔知邊間舖頭，係我見識小。跟討論無關。

你講晒商場地址，實在係你指名到姓。無需要轉移視。

難道小弟罕落旺角，都要被你責罵不成？

djdodo

jc2ssych 發表於 2018-8-6 12:46
我話我係港島人，少去旺角，唔知邊間舖頭，係我見識小。跟討論無關。

你講晒商場地址，實在係你指名到姓 ...

哈哈，乜我有提過旺角咩？乜我有講過地址咩？師兄不斷再三澄清自己港島人，唔知我講邊間！但又不斷露餡講出係邊間舖！

haruko

我又覺得如果不是店舖炒起了少少價, 我想已一早賣晒, 不輪到Ching買了.  正正因為貴了, 撃退咗唔少唔捨得嘅買家,  
所以Ching仲見到, 仲有得買, 如果鍾意, 始終有貨好過斷貨. 既然有得買心頭好, 雖然貴少少, 鬼叫自己後知後覺咁遲買咩,
咪當貴少少交下學費, 下次早d買囉。

因為我好多時都係後知後覺嘅人, 有時都要挨少少炒價, 無計鬼叫自己遲買咩!
所以Ching不用勞嘈, 標到尾會, 買到好嘢, 雖然貴少少, 都係好事。

djdodo

各位師兄都唔好再勞氣了！我一開始都只係講出自己今次買碟遭遇，同自己以後都唔會再幫襯此舖！我從來都無叫過大家以後唔好幫襯！只係有d熟客扮唔知係到煽風點火！希望大家當睇故仔咁睇完就算了！無需再爭嗌！

verdy

其實係數年前有一日係信和地庫見到一隻高達CD想買，跟住問個店員幾錢（我已經預左10算）。跟住佢話個價俾我然後我就話我買。點知佢即刻話無貨，咁我就話門口未有隻囉。佢跟住就話果隻唔賣既。想買你就落訂喇。咁…我當然唔訂喇，轉頭係巴士度越諗越唔忿每，跟住上日亞睇…結單連運費同送到去屋企都要平過果間舖。而家…除左特然之間想睇唔想等之外我情願上網訂好過。有時重平過所謂港版多多聲。（例如套4k Batman就係一例）。師兄…睇開d喇

XPR

我的睇法係,  冇生客何來熟客,  
生客第一次入來印象已經唔好, 仲點會黎下次,  
如果佢覺得已經有一班"熟客"已經夠做,  唔需要增加"生客" ,  
咁請佢地繼續黑面囉!

(男人鋪從 DVD 年代我只幫趁過一次咁大把,   我的宗旨係邊度平就去邊度)

leeon

女人舖之前咪又係咁，但吾知幾多年前俾人淋紅油淋， 有個女人 畀人淋到到成身由頭到腳都係紅油之後 ，女人鋪賣碟嘅態度開始好了！