本帖最後由 victor_wong 於 2009-12-28 10:39 編輯
月前試左一次同祖國 amazon 訂正版野, 終於到左, 隻 梭羅傳奇 有 PCM 5.1 同 TrueHD 5.1, 可能我個人一路接受開 PCM, 感覺上開揚得多, 連靜態場面細細聲的音樂都清楚實淨, 比美版只有 TrueHD 5.1 玩得開心好多, 只可惜得英文同簡體中字, 同 少左 D 美版 SF, 至於畫, 我覺得係中上, 老實講, 有 D 港版如 T3 同 天使與魔鬼 都係中港共版, 又何須取決 Made In China 一定唔好呢? 而且一大堆派記港版 BD 都係 Made In China, 我冇大投訴, 只要睇得開心同滿意, Made In 邊度 我唔太在乎. 
同日收到 YxxxxxI 的韓版 The Hangover, 睇左少少, 畫面掂, 但聲就偏向細聲, 我成日覺得 TrueHD 5.1 只係比 DD 5.1 好少少, 點解咁講? 因為我早星期前我番睇隻 Quick And The Dead Superbits DVD, 發覺條 DTS 5.1 勁掂, 但畫面就勁唔掂 (註: 4.7G 同 25G 比較) 於是即刻入番隻 港版 BD睇下, 港版有 TrueHD 5.1, 但一聽之下.感覺上比較失望, TrueHD 5.1 完全冇晒 DVD 條 DTS 個種狼同辣, 所以我個人覺得, DTS 有時係比較嘈同冇咁子細, 但包圍感始終勝過 TrueHD 5.1, 如果有 C兄唔同意, 只屬小弟個人夜晚一個人睇碟時的情緒反應, 請多多包涵.
早兩日再收多兩隻 The Criterion Collection, 分別係 Pierrot Le Fou 狂人皮埃洛, 我同呢套片有好深情意結, 當年於沙田大會堂睇 高達 回顧, 院方竟然放錯 frame, 套戲本身拍攝係 2.35:1, 但院方卻放左 1.33:1, 結果 D 人面口拉長晒, 初唔覺, 以為導演手法, 之後睇番 DVD, 先知道當日出事, 今日入番隻 BD, 以一洗心頭之憤, 以 高達中後期作品來講, 一定易明過 Weekend, 但就冇早期 斷了氣 拍得咁悠然自得.
至於 The Third Man (1949) 黑獄亡魂, 入係因為知 Criterion 突然斷版, 唔入就要炒價, 反正經典點都要睇!  |
[複製鏈接]
發表於 2009-12-10 11:54
c兄真利害~重複都有7隻...有成千碟...仲利害!
樓主
入 容祖兒 純粹因為 CHing 推介, 加上鐘意 祖兒 D 歌又有三種高清音效, 唔入有點難為自己, 而入 死神4 來了, 係因為睇左 DVD, 想聽下 DTS Lossless Master Sound 5.1, 真係好大個借口, 而入 變種侵略, 係因為被預告片吸引同影評唔差, 最重要係美版得 TrueHD 5.1, 而港版有 DTS Lossless Master Sound 7.1, 希望有 Knowing 咁正啦, 而唯一可惜係, 冇晒美版 D 特別收錄; 入 幻影英雄, 則純粹係 阿諾 情意結, 但發覺有樣野, 係 年代好懶, 雖則明知呢隻係中港共版, 但駛唔駛連張 Label 都叫 索尼, 香港唔係叫 新力 架咩? 呢幾隻我都未睇, 留番呢幾日慢慢嘆 ~~ 
