小收穫大公開 (3月12日日版鉄板燒實物圖)

victor_wong · 發表於 2010-7-15 08:20

本帖最後由 victor_wong 於 2010-7-15 08:47 編輯

千山萬水等足兩個月，隻國產鐵盒《未來報告》終於收到，正如Ching所講，內裡設計真係唔得，我從未見過放兩隻碟嘅 BD 盒只有一個位托住就算，隻碟分分鍾想飛出嚟咁，都咪話唔得人驚。

至於澳洲版鐵盒《狼人》，反而有驚喜，可能太耐冇入新戲，睇太多舊戲，好難有強而有力嘅 surround，呢隻绝對做得到，聲簡直完全贏晒，至於畫，套戲雖然灰灰沉沉，但畫質絕對算係中上有突，要微粒有微粒，不至於冇晒 Film 味，套戲有好多靠蠟燭令場面較光嘅嘅環境，感覺好自然，相反以微粒嚟講，同樣男主角嘅 Traffic 嘅微粒就反而冇咁容易令人受落啦。講到尾澳洲版其實都係一隻英版，反正中字中晒胃口，等足20日都係開心嘅；之不過澳洲版真係可一不可再，除非有特別嘢先至可以再考慮。

希望下個星期 Royal Mail Green Zone見。

Picture 001.jpg

小龍 · 發表於 2010-7-15 08:40

Australia version is a sticker steelbook

victor_wong · 發表於 2010-7-20 07:17

本帖最後由 victor_wong 於 2010-7-20 07:18 編輯

真係第一次，上星期英遜落單，唔駛一星期到貨，套戲雖然毀譽參半，有影評勁鬧話悶，但亦有權威影評比4星，信唔信得過就要靠自己對眼，膽博膽係需要希代價嘅，無論如何，英遜咁勁，一於開始同佢博命，訂得幾多得幾多啦。至於隻《春光》，因為太鍾意，唔入真係對住自己，試問有幾多港產同志片可以拍得令人唔反感又有大明星，呢套真係後無來者。

Picture 001.jpg

rs280t · 發表於 2010-7-20 08:17

真係第一次，上星期英遜落單，唔駛一星期到貨，套戲雖然毀譽參半，有影評勁鬧話悶，但亦有權威影評比4星， ...
victor_wong 發表於 2010-7-20 07:17

請問以上兩隻係咩版本?

victor_wong · 發表於 2010-7-20 08:23

請問以上兩隻係咩版本?
rs280t 發表於 2010-7-20 08:17

CHing Green Zone 係英版鐵盒版，相信不久將來港版都會係同一隻碟；至於《春光》就係美版，相信暫時好難會有更好嘅版本架啦，放心入啦。

wrxgc8 · 發表於 2010-7-27 16:11

$$$$$$$$$$$

victor_wong · 發表於 2010-7-31 21:31

昨日收到從 ebay 寄嚟嘅 shutter island steelbook，個盒壓到變晒形，唔係《變形金剛》因為唔好睇又唔過癮，大拿拿成接近 $350 港幣買爛嘢，雖則套戲我好鍾意，所以先想買個靚版 keep，我隻港版都嚟緊啦，我宜家有陰謀想入番隻德版 steelbook 安慰自己，$350 就當做去善事中途被人打劫算啦。冇得怨，相都唔影啦。

hgc021321 · 發表於 2010-7-31 21:59

昨日收到從 ebay 寄嚟嘅 shutter island steelbook，個盒壓到變晒形，唔係《變形金剛》因為唔好睇又唔過癮 ...
victor_wong 發表於 2010-7-31 21:31

變形steelbook仲慘過打口...師兄節哀順變...

除非有大特價,否則我唔敢買steelbook...

AL_90 · 發表於 2010-7-31 22:08

回復 107# victor_wong

如果係seller 包裝有問題應該有得claim架...

victor_wong · 發表於 2010-8-17 08:00

本帖最後由 victor_wong 於 2010-8-17 08:39 編輯

呢個月入貨唔多，只得幾隻；Psycho《觸目驚心》期待已久，果然不負所托，聲畫交足功課，聲從第一粒音開始已經震撼人心，雖然1960年拍戲唔會有5.1，但今次配樂 Re-master 得好好，唔覺係味精聲；至於畫，我一路睇，一路嘩嘩聲，之前DVD版，以為已經 Re-master 好，點知到 BD，對之前感覺完全同晒，DVD感覺上係夾硬谷上高清，但畫面欠缺自然，但BD感覺係好自然，信心爆棚；我個人完全收晒貨。

Charlie’s Angels《神探俏嬌娃》，我個人抱好大期望，腦中只有一個字 Color，問題係顏色係有嘅，而且好出，但我始終覺得未發揮到本來嘅意圖，更嚴重係，可能數碼化加 DNR之下，Detail 盡失，試睇女星 Lucy Liu 最出名係咩？係面上嘅班點，最驚嚇係，慢鏡同近鏡之下，竟然差唔多半粒都完全睇唔到，Detail 盡失，莫過於止；至於聲，音樂帶動氣氛還可以，但咩包圍感，感覺上只比DTS大聲少少，可能真係要入隻美版，睇吓分別大唔大。順帶一提，今次中字還可接受，未至於台味太重。其實呢隻碟並非一無是處，套戲其中一場 Drew Barrymore 比打落豪宅之前，同女反派一場室內對話，鏡頭 Pan 嚟 Pan 去，時快時慢，但畫面依然流暢非常，並冇疾吓疾吓，足見隻碟同 motionflow 非常之夾
。
Kick-Ass《勁揪俠》純為抵死中字，Sony機播放完全冇問題，只等英版嚟個靚包裝而唉。Date Night《兩公婆今晚玩大咗》因為個人太鍾意，又知道港版只有加長版，決定把心一橫入隻二手美版，再加少少DIY變港版 3D封面；論畫面，港美兩版分別唔太大，反正套戲高清拍攝，會太差得去邊，但聲…………..分别就嚟啦；我先睇咗港版加長版，發覺D 聲十分麻麻，而且 Surround 亦唔多夠，但我之後再轉睇美版加長版，我即刻問自己，到底咩事呀？

問題係大家同一場戲，點解美版D Surround會強過港版咁多，例如開場三十分鍾，兩傻警夜晚脅持男女主角去公園搵Flash Drive，傻警開槍打爆門鎖，美版D聲夠大同有回音，但港版就聲同回音都冇，以聲論碟，大家都係DTS Master Sound，美版不幸地贏咗好多，但港版港式中字真係正，譯得勁抵死，咩《水魚》，《九唔答八》夠晒地道，如果字體可以大隻少少就更正啦，宜家要朦起眼至得清楚，不過實話實說，我個人覺得加長版同戲院版雖然差成十幾分鐘，但我真係睇唔到太大分別囉。

至於隻 Shutter Island《不赦島》，要同其他4隻弟開影；呢套纯熟個人偏愛，喜愛理由太多，我已經睇三次；呢隻聲畫都 perfect滿分，問你怕未。