小收穫 大公開 (3月12日 日版 鉄板燒 實物圖)

victor_wong

I am living in Toronto. In canada we are so difficult to buy the REAL Newline BD, they are all licensed  under that stupid Alliance, came with french language on the cover. Personally I really hate it. so the only way out to me is to buy it from amazon.

Also the most scary part with Alliance is, they screwed all the good title and they compressed the movies on a disc as 2 in 1.The cover is one movie poster at the Left and the other one at the right side . It cost 20 dollar for 2.They made it look so cheap.

I am sorry I am not at home. I have to type english with my phone.

Fabregas

加版有時都有好嘢, 有啲戲只有加版有blu-ray!

ivan1122

真係唔知點解加版唔寄外國,就算係ebay買d shipping cost差唔多等於係隻碟既價錢~有時仲貴過tim,所以想問下wong兄 d郵費真係咁貴??

victor_wong

ivan 兄，加拿大當地郵費唔算好貴，寄海外就難講啦，不過最老土係，美國寄加拿大唔係遠反而好很貴，從美遜訂碟， ＄10 美金一隻 BD，用中間快郵遞服務，加呢加路，最後可以要收廿幾蚊美金先寄出，所以我個人覺得英遜係最抵架啦。

victor_wong

Criterion 魅力没法擋，每隻推出都幾乎咁吸引；港版《俠盜驕雄》聲畫無得頂，至於隻《美女與野獸》ironpack 於 ebay bit 翻嚟，雖然只得個盒，但勝在之後可自行選擇正式入邊個版，今次ebay 位朋友以為可以為 steelbook 一定可以天價賣出，可惜網上太多人放上去賣，結果我以 ＄8 美金買到，佢分分鍾執得一兩蚊；而我連運費都只係比廿蚊咋！雖則下個星期 futureshop 開賣同一件貨連碟賣 ＄32，但好老實講，我冇咁多時間同人争啦；有就算，冇就罷啦。

ivan1122

鳴鳴鳴...........我隻美女與野獸係ebay買15usd...............wong兄好幸福呀~~~~~
我而家都仲未收到..................

victor_wong

點解《驅魔人》係經典？有朋友可以比你一百個理由，但我嘅理由只有一個，同《閃靈》一樣，套戲每次完我都心驚驚；點解《凶兆》我唔驚？因為大家同樣講上帝同魔鬼，點解魔鬼之子一定要係美國人，而唔可以係非洲人或者係中國人？即使理由係日後佢要成為美國總統，但要花多年時間，同死咁多人至搞掂得掂，實在有點搵戲嚟做；《驅魔人》除咗正同邪對立之外，最重要係一切人物嘅設定有心理因素，點解魔鬼要附上女孩肉身，其實都唔太容易令人理解，但卻反而解釋咗，魔鬼喺地上往返自如，迷惑世人，就算再強如神父同師傅，都未必係對手，只有如耶穌一樣為世人死，先可以成就救贖嘅道理；呢套戲再睇一次，心裡面都係覺得好唔舒服。

呢 2 隻  BD 聲畫未必係滿分，但就算已經盡咗一點努力；要微粒有微粒，如片首神父回家，一入到室內，D 微粒簡直係爆到渾，但始終三十七年嘅戲，其實已經算執得好好，女主角橙色衫，同片尾神父命令魔鬼上自己身，之前睇個轉折好唔自然，雖然係直 cut人面同魔鬼臉，但今次就已經算盡咗力，令畫面自然番一點，而隻碟令我最驚喜係，碟一導演版嘅 DTS HD MASTER 6.1，以三十七年嘅戲嚟講，真係收貨有餘，片首打鐵工場嘅 Surround，包圍感好細緻，音樂亦好快令人投入到套戲中。呢套中字係台式，因為片首係出現《大法師》，唔知港版係咪一樣啦。

論聲嚟講《鐵甲奇俠2》反而只算做得好一般，因為聲效設計基本上就可以話係亳無新鮮感可言，Surround 係有，但就咩細微環境聲，之不過隻碟嘅中字寅係做得好好，好多戲院時冇冇留心嘅嘢都追翻晒啦。至於第一次睇嘅《戰場上的快樂聖誕》，睇完感覺好複雜，要慢慢消化至做，其次感覺係好老土係講日文時有英文字幕，講英文時就英文字幕，認真麻煩；至於《花都奇遇結良緣》則纯屬收藏，慢慢再細味。

朗

Victor兄好正嘅相，同碟評，唔該哂。

shark.l

Ching,

Very good report. Thanks!

victor_wong

《萬勝節》就到，當然要揾翻幾套鬼片應下節，《鬼驅人》三部曲可以考慮下；而《猛鬼街2010》亦算啱時間；《鬼驅人》美版只出過第一集，而港版反而有第二三集，真係搞鬼，不過呢套出 Boxset 機會好微，因為第一集版權屬《華納》，而二同三則屬 MGM，第一集美版同英版都有中字，所以唔買港版都冇所謂，昨晚睇晒三集，第一集拍於82年，以28年前嘅戲嚟講，畫面收晒貨，同緊新戲分別大，至於聲反而有點失望，個人認為始終TrueHD 只係比 DD 5.1好少少，表現張力唔夠，其實82年嘅戲都可以有少少Surround，呢套有少少，真係好少，至於套戲係咪經典，我個人真係答唔到，因為我覺得套謝拍得好似就住就住咁，只可以話係不過不失。

去到第二周同第三集，分別拍於86同88年；畫面修復用上AVC同DTS HD-MASTER 5.1，我可以用嘩一聲嚟形容，好多朋友批評話第二集同第三集拍得好差，我反而覺得，第二集感覺一般，似重拍第一集居多，第三集反而有驚喜，有驚嚇位，座大廈比到人困住出唔到嚟嘅感覺，加上DTS效果做得非常好，表現非常理想，當然畫面未至於完美，但比起接近同年嘅嘅《Robocop》，《Robocop》 嘅修復可以接近用差嚟形容。

入《猛鬼街2010》係因為鍾意戲院時感覺，特別係聲嘅表現，唔係講笑，呢集碟嘅表現完全做到晒，雖則好多人認為突然驚嚇位屬低品味，但都要集碟做到至得，如果係跟本無法表現低品味嘅層面，而且呢集畫質強而有力，絕對冇入錯，呢隻碟相信同德版係共版，德版 Amazon 有獨家鐵盒，相信好此道者，又可以入貨啦。

《Saw》 我完全冇興趣，反而 《Evil Dead》系列會考慮。