黑膠回歸是真是假？

koalaau

kl122002 發表於 2017-3-24 21:03
玩到CDT + clock + DAC 就又唔同聲了  
真是好想升上呢個level .

未玩過clock ，好似係近年先推出來的新野，我就好有保留了，當年個個都話轉盤解碼要分體玩，現在咪又興返一體機。
黑膠加個控速（真係控制準確速度）會有改善，但d人都唔會話係級進式，咁數碼的clock改善可以有幾大呢？

hksarac

kl122002 發表於 2017-3-24 21:38
同意新版未必高, 不過好似那張AP出的roya ballet 就立即被人搶, 真是唔太明乜事.
中文曲我只留意粵曲, 講 ...

粵曲好多錄音都好聲，但有些是人聲各佔左右聲道。有些是單聲道。以梁醒波幾套最好聲。

hksarac

>>>八九十年代多數都係大功率擴音

好似唔多係，八九十年代大多是40~~100，除了名廠貴機，如Krell、 Mark等

kl122002

koalaau 發表於 2017-3-25 09:57
未玩過clock ，好似係近年先推出來的新野，我就好有保留了，當年個個都話轉盤解碼要分體玩，現在咪又興返 ...

唔係, clock 一直都有, 只是唔係家用level, 去到D pro少少的地方, 又或者hi-end 都有用clock .
clock 是text clock , 因為CD唱播上由CD讀取去DAC, 又在DAC中間轉換時 是有jitter 的, 猶其差的CDP 更是聽得出, 好似D聲平平偏偏, 快慢半拍甘樣
點解CDP有貴有平, 重點是DAC 和 clock 的設計.

mankit9998

hksarac 發表於 2017-3-25 19:01
>>>八九十年代多數都係大功率擴音

好似唔多係，八九十年代大多是40~~100，除了名廠貴機，如Krell、 Mark等 ...

已前d機比較足秤，其實有80w已經夠用，而家d機對比以前有點唔夠秤報大數居多，由其係日本國寶名牌用報大數捉買家心理，。

kl122002

mankit9998 發表於 2017-3-26 03:07
已前d機比較足秤，其實有80w已經夠用，而家d機對比以前有點唔夠秤報大數居多，由其係日本國寶名牌用報大 ...

認同, 之前我都開post 問過, 又出去問人, 點樣去睇功率 . 原來真是可以好複雜.  
數據上可以做得好睇, 但就真是數據上表現. 接上不同的喇叭時又會因為喇叭設計 比如ohm數, sensitivity, suggested pwr 等等有出入.
80w (8 ohm 計) 我覺在家用細書架喇叭已好ok.   

koalaau

要睇隻牛，如有兩部機係同瓦數的話，靚牛和普通牛，聽出來就好大分別。

koalaau

kl122002 發表於 2017-3-25 22:17
唔係, clock 一直都有, 只是唔係家用level, 去到D pro少少的地方, 又或者hi-end 都有用clock .
clock 是 ...

我反而覺得cd機值錢的地方在轉盤。
解碼晶片係科技，主要係研發成本，一塊晶片值幾錢？每個時代最靚晶片大家都係用果兩塊，比較用同樣晶片但不同級別的cd機，主要就係轉盤，供電等製作分別，哩d係硬功夫，冇得慳。

koalaau

hksarac 發表於 2017-3-25 19:01
>>>八九十年代多數都係大功率擴音

好似唔多係，八九十年代大多是40~~100，除了名廠貴機，如Krell、 Mark等 ...

60'前膽機天下，幾瓦至幾十瓦都有。
60'後期石機面世，最初只能做到幾十瓦。當時的喇叭絕大部分90db以上，無需大功率，二三十瓦足以推到嘭嘭聲。
70'開始興metal，disco，大音量，以至需要大動態，低失真。迎合錄音潮流，喇叭效率愈來愈低，擴音機功率就要愈來愈大，自此大力石機抬頭。
80'已進入大力石機爭霸戰時代，幾百瓦怪物開始出現。
90'膽機回歸，係因為80'中後cd的出現，90'cd已普及，但其相對黑膠比較聲硬的特質，膽機正好有中和作用。
之後，乜都試過，大家都明白各有各好，冇話一樣贏哂，咁就家家有求，膽機石機新機舊機古董機，各自各精彩了。

kl122002

koalaau 發表於 2017-3-26 09:47
我反而覺得cd機值錢的地方在轉盤。
解碼晶片係科技，主要係研發成本，一塊晶片值幾錢？每個時代最靚晶大 ...

甘睇就未必完整了.
CDP是一台小型電腦, 有別於黑膠唱盤. 除了轉得好之外, 仲有clock , decode , error correct, program 等等位置要考究.
一粒晶片係可以好平, 但甘唔代表你買左等於可以隨便裝落塊PCB, 一接電就即時出好聲.