我的組合: 終極品聽 經典試聽大計!

ghhf

loadinglove 發表於 2016-3-5 02:09
ultrasone?

C兄瞓唔着，呢個鐘數出post

想有多d人估下先開估，所以小弟今次唔直接回答，ultrasone小弟一直有留意，係考慮新耳機既其中一個"經典"選擇。

johnmo

有心有力

ghhf

帖文已整合到:
http://post76.hk/forum.php?mod=r ... 2&fromuid=87952

ghhf

唔好以為小弟停咗玩調音, 其實只係剛剛開始, 小弟一部份晶石藏品, 遲d仲會上埋BGW

ghhf

今日用流動系統AK100 + HP-V1試推Wonder耳機幾個鐘, 聽落係有d力不從心咁 , 相信用WA22推煲開之後(交叉換膽車輪方法, 一路推煲, 一路體驗持性變化, 一路搵最優效果膽管組合), 再係返流動系統行效果會比較理想, 過程充滿驚喜, 樂趣無窮

ericcho

師兄對 head-fi 的熱情

ghhf

今晩再改用T1既"一體臨場"膽管組合: Sylvana VT-231 + Tung Sol 6080WB(JAN碳屏) + Mullard GZ34(金屬底座)推煲一節, 一如小弟所料, 呢個組合效果係更理想. 齒音再降低到唔太明顯程度, 音形磨合越見到位, 中低音微動響應亦越來越明朗, 三頻均稱, 已可以去到"舒服"階段. 第一日既推煲效果進步唔少, 相信錬成之曰, 必然係超級耳機, 小弟點解咁講, 係適當時機就會分解其中原因

ghhf

Wonder耳機品聽來到第二日, 用T1既"一體臨場"膽管組合繼續聽多二節, 只可以講, 越聽越正. 獨特既場感效果正在不斷演進中 .....

Wonder旗艦級耳機開箱與品聽 - 帖文已整合到:
http://post76.hk/forum.php?mod=r ... 2&fromuid=87952

ghhf

一如小弟所料，係WA22用T1組合推完2節之後，再試流動組合效果，果然有明顯分别。音形之間變化交接流暢，而且中低音開始富有彈性，效果拍得住LCD-3，場感悠順均淨，比T1及HD800係流動系統上表現更好。呢種先行桌面系统再接流動系統玩法，似乎係一個捷徑，如果只用流動系統推可能未必有明顯效果，而且需要時間長好多

好啦，第二日品聽以再試流動組合推Wonder耳機作為結束，跟住幾日小弟又會用番WA22換上5998/421A功率膽力推Wonder耳機，睇下效果又會去到咩水平。來到呢個位，順便做埋個判定，先唔好講性價比，小弟可以肯定無入錯貨，Wonder耳機的確別樹一格，為小弟既Head-Fi組合增添更多豐富色彩

ghhf

煲耳機的疑惑

睇到一個有關煲耳機的疑惑帖，小弟玩咗Head-Fi一段時間，推煲過幾隻耳機，配合交叉換膽輪流推煲，效果非常滿意，算係有一d心得體驗，借题發揮，噴下口水與C兄同好分享

首先小弟個人認為，只要有活動部件器具，都有一個必然生命週期，特别係全新開箱，運行一段時間，先會進入最佳運作狀態。Head-Fi耳機亦然，不過效果是否明顯，應該係取決於多方面因素，包括耳機本身既設計構造，推動訊源既質量及響應特性，咁當然仲有最重要因素，就係聆聽者本身既耳感能力同極限

就小弟個人既經歷，煲耳機效果係相當明顯，特別係新開箱後頭十幾個鐘既變化，可以講係有天淵之别來形容(如果耳機行咗好一段時間,  C兄成日聽唔出感受唔到分别，强烈建議去check下耳仔，唔係講笑)。咁當然大前题係要有適合既訊源去推動耳機，小弟試過既一般印象係，用桌面系統比用流動系統好，以優質訊源(特別係高密度闊廣微動態響應者)，配以不同音色特性交叉推錬效果就更快更明顯

小弟唔係專業煲機手，配合现有既開放式膽管配套系統，耳聽為實，已建立咗自己一套煲錬方式，對小弟來講，呢個係最能了解掌握耳機膽管特性，及最好玩方法。可參考係另文Beyerdynamic Tesla T1開箱試聽與品評中一節"神器的诞生"。