|
|
樓主 |
發表於 2016-3-23 20:44
|
顯示全部樓層
本帖最後由 ghhf 於 2016-4-9 21:22 編輯
RHA T20 開箱與品聽
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
話說小弟隻Sony XBA-4入耳機幾個月前仙遊咗, 一直想入番新耳機. 最近見到論壇有測評文介紹RHA T20, 覺得好有興趣, 今晚係老地方入咗佢, 唔講嘢住, 用流動系統AK100/ HP-V1聽番幾節先 ..... 
RHA T20 開箱初聽 - 清秀亮麗
唔講RHA T20規格技術性嘢，網上大把資料比C兄參考，小弟一如以往集中番係個人聽感分享。用流動系統AK-100 + HP-V1聽咗幾日，除咗頭一節果2個鐘表現得比較緊束，d音一粒粒東歪西斜咁，唔係好入得耳之外，之後幾節最令人印象難忘，係迅速咁展現深闊音場空間感，分析力層次感非常好，音形線條感突出，人聲到位有韻味，RHA T20新耳機聽咗大約十零個鐘，整體上表現都算得係唔錯，可以用"清秀亮麗"四個字概括佢既特性 
講完好嘢，即管再分享吓小弟耳聽為實既其他耳感效果。首先係音色，小弟覺得RHA T20係偏冷(用跟機概reference filter及膠套)，飽滿度不足(小弟雖然話RHA T20"秀", 其實覺得佢有d要靚唔要命, 有線條修得太"瘦"之嫌 )，高頻略鬆, 中頻及重低音瞬間下濳有過亮現象(特别HP-V1選擇高端輸出時，低端輸出效果比較收斂)。小弟暫時覺得RHA T20配AK-100 + HP-V1仲未去到基本"舒服"水平，不過係新機仲有排變化! 小弟認為除咗係耳機未煲開之外，跟機過大過硬膠套，耳機經常鬆開移位，未能使小弟有贴耳感受，亦係影響耳感效果一大因素 
今節講住咁多先，下節會分享試用耳機高频及低频filter，換下用其他膠套綿套既變化，亦會試下桌面WA22系統推RHA T20體驗不同效果  , 醒多幾幅圖
呢個星期比較忙，星期六日先試埋高低音filter效果。知道C兄係新入手，咁小弟覺得第一對耳機可以唔使咁進取，可以玩住部T20先，留d彈藥玩定咗d要求先再出撃
小弟既個案主要係户外用，環境雜音難免，所以唔會投資太多係入耳機，$2-3K係小弟入耳筆直。講返T20，咁既價位有咁既音效同配件質量，最得意可以玩調音，與系統適配性大增(小弟選擇主因)，應該係物有所值既。不過可能係金屬機身比較重，小弟只係覺得難夾耳套得到贴耳效果，最終發揮唔到耳機最佳性能，呢個係小弟暫時覺得既最大問題
RHA T20調音配套
話說小弟對RHA T20開箱後既耳感覺得受跟機耳套(中間套筒太硬太長)影響，未能體會T20應有性能，試過私貨海綿，跟機各款耳套，最後覺得大碼雙層膠套最穩最貼耳，音色音質亦係最好效果，出番應有既飽滿度，呈現中低音彈性，之前覺得對比過度，非常壓耳現象亦大為改善。小弟再以HP-V1低端輸出，使T20出聲温柔耐聽一d 
好明顯選配合適耳套對耳感效果係有決定性影響，所以第一件事就係試耳套，只有當配上合適自己耳套，其他既調音效果先有意思。小弟選好耳套之後，配試高低音兩組filter效果，係而家呢個階段T20仍未開聲，音形似粒線，音節之間凹陷感明顯, 未能流暢連貫自然，覺得暫時用番reference filter比較合適，等耳機行多一段時間之後，再試換效果。小弟亦會將T20上6.3插, 用座枱系統WA22推下T20，睇下有無明顯變化，又會唔會調到一個T20既"一體臨場"組合呢 
RHA T20 曰煲夜煲
再一次證明用桌面系統推耳機效果明顯好多(係普遍性? 定係有另外原因?)，俄功率及整流膽配新訊號膽6F8G，用呢個試膽組合顺便推T20玩咗幾節，再接番係流動系統聽，的確又有進步
T20開箱踏入第三個星期，行咗都有幾十個鐘，基本特性已經表现出來，亦展現咗應有音樂感流暢度，而家可以勉強算得上係"舒服"(HP-V1低端輸出)，不過T20似乎係比較高敏感耳機，係極端位容易"爆格"太亮，希望隨住煲錬時間又有所收斂，有更好平衡協調效果
以小弟AK100 + HP-V1流動組合配T20，覺得高频比較弱勢，小弟會比T20行多1-2星期，等佢再穩定d先試换高低音filter效果，之後就報告，完成T20開箱試聽小結
利益申報:
小弟無意吹虛個別產品, 試聽分享純粹係係個人特殊環境, 器材, 偏好趣向, 高低優劣, 仍小弟主觀及忠於自己有限耳感下, 對音質體驗既個人感受舒發, 並不涉及政治, 文化同任何經濟利益. 小弟言論只能作為參考, 一切應該以各位C兄自己耳聽為實!
|
評分
-
查看全部評分
|
[複製鏈接]
